السلام عليكم
استغرب انا والعديد غيري فالفتره الاخيره
صارت هناك العديد من المضايقات في وسط الاحياء اللي مخصصة بالاصل انها (( سكنية ))
عندما تخصص لي منطقة (( سكنية )) وتحط لي فيها الشارع اللي عالجنب واللي ورا واللي قدام فلل من محلات حلويات وصالونات وعيادات ومكاتب محاماه و شركات !!! انت طمست هوية المنطقة السكنية !!!
اين روح الحي او المنطقة السكنية اين السكينه في شوارعها وممراتها ؟؟ اين عدم الازعاج وسط الاحياء السكنية اين الراحة ؟؟ ان لم تجدها في منزلك ؟؟
هناك شوارع مخصصة واراضي مخصصة تحت مسمى (( شارع تجاري او شارع خدمي ومكاتب وشركات ))
ما سبب توافر الانشطة التجارية وسط الاحياء السكنية اللي تفقد الحي لمسماه الجوهري وهو (( حي سكني )) ؟؟
الشوارع الرئيسية العامة ممكن بحكم الازعاج عليها رايح جاي ،، بس الشوارع الداخلية بين الاحياء والفاصلة بينها ؟؟ لماذا ؟؟
وانت بهذه الحالة اضريت الاثنين ؟؟ الشخص الساكن بالمنطقة من مواطنين او مقيمين وتسببت لهم بالازعاج والضيق والزحمة و ضريت اصحاب العقار التجاري او الاداري الخدمي ،،
الدولة و ووزارة الاقتصاد لم تقصر في اقامة اسواق الفرجان وتوفير بعض الاساسيات كالمغسلة والسوبر ماركت و الكافتيريا والحلاق وغيرها من الانشطة ،، بالله عليك ماتقول لي انا وش مستفيد من مكتب محاماه وسط منطقة سكنية !!! او عيادة تجميل !!! غير الازعاج و الهرانة والزحمة حتى بوسط الفريج !!
اتمنى حل هذا المعضلة اللي تسببت فازدحامات حتى وسط المناطق السكنية وسببت كثره السيارات والحركة في خوف الاسر حتى على عيالها من كثر السيارات و خطوره المنطقة السكنية .