عجيب ذيه يبي سوق من تشك ادارته في حد باع بغالي والا شرى بغالي ينمسك ويعتبر متآمر
وقط كلمات سوقية شكثر .. ذكرني بدلالوة الحلال وآخر شيء يقول سامحوني
الأسواق تحكمها اعتبارات كثيرة ولا فيه سهم يسوى وسهم ما يسوى .. وقود بيوزعون بشق الأنفس ريال على سعر 22 أو قريب من 23 ولا شيء لكن اللي يرغب في السهم يتأمل نمو أعلى وأرباح قادمة أعلى ويتوقع توزيع أسهم مجانية يضاعف ربحيته ممكن ل 3 ريال وتكون مجزية وهذا في حال تهور مجلس الادارة ووزع 10% مجاني بالإضافة لريال كاش .. العشرة تعادل ريالين لو نزل سعر السهم بعد التوزيع للعشرين ريال
مثال آخر بنك الدولة الوطني وصل ال 20 ألحين ويعتبر غالي لكن يمثل الدولة وله ناسه اللي يقدرون سعره ونموه وخططه المستقبلية
أكيد السهمين غاليين بالنسبة لي ولا افكر الدخول فيهم بس كلامي في المجمل وهذا اللي في الفيديو يبي السوق يمشي على كيفه والا بيزعل