مقلل من الدهون قدر المستطاع لي حول 38 سنة والحمد لله لا ضغط ولا مشاكل قلبية وكوليسترول بسيط آخذ له ليبيتور ومتحكم فيهالمشاركة الأصلية كتبت بواسطة BigBrother
أكيد الأكل باعتدال واحب زيت الزيتون يومياً آكل منه بعد كميات قليلة
نصيحة لتصدقون اشاعات ودراسات معارضة ولا اقول لا تاكلون دهون حيوانية بتاتاً بس قللوا منها
بعد مؤكد الزيوت النباتية الرخيصة هذي ضررها أكبر من نفعها
وعسى عمرك طويل بالطاعات
وايد دجل في الوتس أب بعضهم صادتهم أمراض من نصائح طبية وتسبية .. أحد الإخوان وثق في دجال دولة المؤامرات الهاشمي وراح له يسوي له خلطات أعشاب .. يوم شفتها مكبوسة بدائية ولزم علي آكل حبة خذتها وانا متخرع .. كان العشب يبين فيها حاش حشيش الحديقة الدجال وخالط العشب مع مواد ثانية من ضمنها دواء للسكر والناس ياخذون وينزل السكر ويدعون له ولعيال + اللي أعطوهم هالشاب الملهم
وهذا صديق وزميل عمل وقريب لي وسكره سكر دلع مب مثل اللي عندي بس مسكين كانت ثقته في هالتعيس قوية وبعدها تأثرت عنده الكلى واحتد يسوي زراعة
اللي كلوا قشور الرمان صادهم تليف كبد .. وقبل كانت تطلع مقاطع يحلفون إنه علاج لمرض خطير نسيته وشو
اللي طلع عن استنشاق حبة البركة أو شيء قريب منها للربو بعضهم تعبت رئتهم ودخلوا مضاعفات خطيرة
Wake Up Arabo
لي ولد عم لي فقدناه صغير الله يرحمه
سمع من دجال إن عصير الرمان يعدل السكر ولا فيه داعي ياخذ دواء وكان ياخذ أنسولين ارتفع عنده السكر وايد ودخل غيبوبة ارتفاع وهي شبيهة لغيبوبة الانخفاض .. طلبوا له طبيب من عيادة الدوحة وجاء مستنتج إنه عنده نزول سكر وحط له محلول في الوريد كله سكر وكلها دقايق وتوفى رحمة الله عليه
البداية دجل والنهاية خطأ طبي وتسرع طبيب
نصيحتي لاتصدقون معاومات الواتس اب او السوشال ميديا ، اخذو المعلومات من دكاترة معروفين بكفاءتهم ، لان وايد معلومات في الواتس اب تكون غلط
من اتبع قليل العقل .. فليدرك أنه أقل منه
ضوابط المشاركة
رد مع اقتباس