على كثر برامج التواصل الاجتماعي مالنا غير هالمنتدى صحيح مادخل وايد مثل قبل بس لازم بين فترة وفترة ادخل وماقدر انساه ويظل المنتدى في القلب
على كثر برامج التواصل الاجتماعي مالنا غير هالمنتدى صحيح مادخل وايد مثل قبل بس لازم بين فترة وفترة ادخل وماقدر انساه ويظل المنتدى في القلب
ما شاء الله عليك من 2005 ورقم عضويتك رباعي ورقم مشاركاتك كذلك رباعي
ما ادري ليش الغالبية رحلوا وانا صامد من 2012 وما لي نية اقطع المشاركات الهادفة هنا؟ بعضهم مثل ما عرفت بسبب حساسيات من أُمور تافهة وبعضهم تم قمعهم ولا اتمنى حد يقمع وتنهى مشاركاته بسبب رأي معين
مشترك في قروب وتس أب من أيام تهاوشت معاهم شباب من الخليج ومن ربع التسعينات وقت الدراسة الجامعية وبالضبط بداية التسعينات .. قلت رايي صراحة في موضوع سياسي ومسحت الارض بخرتيت البعرين وزير خارجيتهم السابق زعلوا قلت انتوا مع إن غالبيتكم دكاترة ومتعلمين الا ادارتكم للقروب قمعية .. الحمد لله تقبلوا نقاشي الحاد ولا انطردت والا قبلي قطري ثاني أنهوا مشاركاته
الموضوع شوي يضايق مع بعض الردود ..
الاغلب متفق ان اللي موجودين حاليا اما من القديمين او من اللي ماجازت لهم البرامج الجديدة ..
وانا منهم .. لان البرامج الاخرى اعتبرها شخصيه نفس الماسنجر اللي مانضيف عليه الا المقربين ..
انا عندي الفيس بوك مربوط بالانستغرام برايفت وخاص حق صديقاتي واللي من عائلتي فقط ..
لكن هالناس ماتقدر تطرح لهم بعض الامور اللي تنطرح هني او تنتظر منهم مناقشه ..
هالمكانين مش نفس الشي .. المنتدى ( اشمل واكبر وعام وتلقى فيه كل شرائح المجتمع )
اما ( البرامج الاخرى ) اليهال فيهم اكثر من العاقليين ..
هالبرامج اللي اطلعت خربت علينا وايد امور كانت في المنتدى ..
كنا نسوي تغطيات للمعارض او الفعاليات او الاماكن الترفيهيه ..
ونغطي المباريات ونحط النتايج والاهداف بشكل ممتع ..
وحتى السوق موجود سوق العقار او الملابس او السيارات .. الخ
لكن الحين الانستغرام والسناب خرب علينا كل هالامور ..
فلان وعلان يسون تغطيات بفلوس واحنا كنا نسويها ببلاش
الحين تعال اسال مواليد 2000 عن المنتدى بيقولك شنو يعني منتدى ... 💔
:
خلدون لعلمك نص شباب المنتدى صاروا ربع ويكلمون بعض ..
وقبل سنين كانوا يسون رحلات مع بعض ويصورون لنا
فالموضوع سهل لكم .. لكن احنا كـ عنصر نسائي هالشي مرفوض واتوقع راي الاغلب هالشكل ..
ولا ماكنا شاركنا باسماء مستعارة
تُنسى ، كأنَّكَ لم تَكُنْ ..
موضوع رائع ةفي وقته
صحيح ماني من الاعضاء المؤسسين للمنتدى او القدماء
ولكني اعرف واعلم اني عضو دائم التواجد ونشيط وان قلت مشاركاتي الفترة الاخيرة
ماقريت كل الردود
وصلت لين رد الاخ خلدون
اشكره واحييه على الافكار الي طرحها
اليوم للمحافظة على وجود المنتدى
ليس المعني به فقط الاخ ( قطر ) مدير المنتدى انما نحن كلنا مسئولين عن وجود هذا المنتدى
انا كنت صاحب منتدى بعد ماهجره الاعضاء تم سنه وانتهى العقد مع الشركة الراعية له ماجددت لان مافيه احد
اليوم كلنا مطالبين بوضع افكار لانعاش المنتدى
مثلاً
لانعاش العقار اتمنى ايكون فيه عمل جبار مع شركات العقار للاعلان هنا في المنتدى وذلك ب اقناع هذة الشركات
وكذلك سوق السيارات وعارضها وغيرها من من الشركات
شركات المداولة
ياليت يكون فيه عمل او تفاهم او ترابط معها
الجرايد اليومية ياليت يخصص لها قسم او فرع
وغيرها من الافكار
ارتقوا فإن القاع مزدحم
من سنة 2006 بديت اقابل أعضاء من المنتدى و بعضهم مازلت اتواصل معهم حتى الان و في واحد اختفى تماما من المنتدى ... يعني فقد اهتمامه بكل ما يخص المنتدى و من فيه
سويت عرض مجاني مرة اني اروح على أصحاب البيوت تحت الانشاء و اقدم لهم استشارات و زرت بيوت اخوان و اخوات معنا بالمنتدى و كانت تجربة جميلة
بخصوص العنصر النسائي انه مرفوض .... شوفي يا اختي... انا أقول قروب واتس اب بس مب للمسخره طبعا
انا حاليا مشترك في اكثر من قروب دراسي و كل قروب يحوي 256 شخص أي الحد الأقصى من شباب و بنات و مهندسين و مهندسات و القروبات أصحابها في مصر و السعودية و كثير من الدول .... ما احد يقدر يتكلم بحرف واحد فيه مسخره او شات فاضي
أيضا كان احد الأعضاء المحللين للاسهم المشهورين جدا في هذا المنتدى فاتح قروب على برنامج ما يظهر الاسم و يقدم للجميع توصياته في شراء و بيع الأسهم ... اختى كانت مشتركه معهم و عادي البنات تقدر تدخل باسم مستعار
والله يا الغالي اتشرف بمشاركتك طبعا..... القروبات عن امتحان قبول المهندسين لكل الفئات: معماري-مدني-كهرباء-ميكانيك-إدارة مشروعات.... لتقديم المساعدة لهم
دراسة pmp, pmi-rmp
قروبات لنقابة المهندسين الأردنيين و كل ما يهمهم كمهندسين و مهندسات و كل استفساراتهم العامة سواء بالعلم او خارج العمل مثل المنتدى تماما
اخي العزيز خلدون
ممكن توضح لنا كيف قروب وتساب راح يخدم المنتدى ؟
ارتقوا فإن القاع مزدحم
قروبات الواتساب تضيع فيها المواضيع المهمة بسبب السوالف والصور والفيديوات.. عادي تفتح المجموعة تحصل فيها 500 رسالة غير مقروءة ماتدري وين تبدا... لكن المنتدى المواضيع فيه مرتبة وتبي تقرا بكيفك.. وترجع للموضوع بعدين.. تقدر تبحث بسهولة
حياك الله رحال..... هذا رد على عجالة ..
لاحظت ان المنتدى عاد مثل ما بدأ سنة 2005 و هو ركود شديد خاصة في فترة العصر و ليلا و في عطلة نهاية الأسبوع كاملة.... يعني ما في حركة تقريبا في الفترة المسائية و تخيل لو انك تبي تسأل عن شي و ترسل سؤال عبر المنتدى مساء وما تلاقي احد يجاوبك الا ثاني يوم الصباح او حتى ما يجاوبونك ... على الأقل تشوف كم واحد انتبه لسؤالك و شافه في الواتس اب .... شوف عاد لو انك في قروب واتس اب اكيد الوضع غير
تخيل يا اخوي انه هذا المنتدى زمان كان شعلة نشاط 24 ساعة قبل.... يعني عادي قبل تلاقي انه واحد نزل موضوع يسأل فيه و يقول انا موجود في المنطقة الفلانية الحين و سمعت اربع خمس سيارات اسعارف و شرطة.... ايش فيه؟..... يجيه الرد الفوري من أعضاء المنتدى ليلا و في نفس اللحظه يقولون له في كذا و كذا .... الله يبعد الشر عن الجميع
يعني توصلك الاخبار في كل قطر بالتو و اللحظه .... هالشي الحين ممكن يصير عن طريق الواتس اب طالما ما احد يدخل المنتدى مساء لين الصباح و بالويك اند الوضع ميت ع الاخر
أيضا مب لازم يكون الواتس اب يحوي منتدى لكل الأقسام.... يتم عمل اكثر من قروب واتس اب و كل قروب له مجال و تخصص معين حسب اهتمامات الناس اللي فيه .... نفس الشي.... عام و الا عقارات و الا سيارات و الا اسهم و الا كمبيوتر و الا استفسارات و الا حتى استراحه للي يبي و كلهم عليهم ادمن من المنتدى رسميين و بعضهم يكونون ادمن في اكثر من قروب و ماسكين القروبات كلها مثل ما هم ماسكين المنتدى و يقومون عليه
التعديل الأخير تم بواسطة khaldoon ; 07-01-2020 الساعة 02:42 PM