المشاركة الأصلية كتبت بواسطة سالم الزهران
صباح الخير، ياخوي كورونا موجود ولا ينكره الا واحد عايش خارج العالم، واعراضه ومضاعفاته معروفه وتشكل خطر على ناس عندهم امراض او ردة فعل ضارة عليهم.. الله يتولانا بستره) .
وكورونا ضار على دول اقتصادية حقيقية يعتمد عليها العالم وضرره لا يكاد يذكر على دول استهلاكية بل يمكن يدفعها تعتمد على نفسها في تصنيع اشياء بسيطة.
لكن بلوتنا ان كورونا جاء في صالح ناس كثيرين، يمكن هناك دول خليجية تطبق اجراءاتها بنزاهة وحياد.
لكن فيه دول ثانية، ضاعفت جبروتها وسطوتها على المساجد والتجمعات،، دول خليجية نزلت الوف العسكريين بأسلحتهم و آلياتهم في الشوارع، بدعوى تطبيق الحظر الكامل؟
نفس الجيوش اللي نشوفها في مصر والجزائر يوم تنزل (تحافظ على أمن البلد) مجرد دعاوى لفرد العضلات أمام العالم. الغرامة مالت خرق الحظر تبدي من 10 الآف ريال. هذه الحجج يستخدمها الفاسدين ليشعرون المجتمع كل يوم انهم في مكان قوي وممتنع ويقدر يفرض عليك قانونه وغراماته ورؤيته.. حتى عيد مسلمين ما عيدنا؟ بس اليوم الوطني مالهم شفنا الناس مالك مكان من الازدحام؟
هذي انظمة خدمها كورونا.. ويتمنون يصير غزو فضائي عشان يطلعون لك انفسهم انهم فرقة العدالة.
فيروس بيمر وبيعدي بإذن الله .. ليش ما نحقق منه مكاسب ونجيره لصالحنا ونسجله انجاز في سياستنا!
مستشفى اصلاََ قفلوه وفاتحين طوارىء او عيادة كورونا.. بقية المواعيد مؤجلة.. مصروف الصحة مثلما هو ويمكن أقل.. لانهم شغالين على كورونا فقط. زيارات اطباء تكاليف تحاليل تذاكر سفر موظفين مكنسلة.
شركة طيران اسطولها شبه واقف.. مب قاعده تكسب صح، ولكن مب قاعده تخسر ذاك الشيء الخطير.. لان لو فرضنا الشركة محدثه اسطولها وعليها فواتير.. حتى هذي بتتأجل وبيجدولها مع الشركات الاخرى بحجة كورونا.. وراح تشوفهم لين بدا الطيران بيحطون لك اسعار فوق.. ومن ما بيشتري؟ اشتر غالي لانهم كانوا مبندين و تعرف كورونا.... الخ.
هذيلا الناس بيغطون بكورونا على كل اهدافهم او تقصيرهم او اطماعهم.
ادري ملغت عليك لكن.. كورونا ما يبي له استهتار وفي نفس الوقت ما يبغي له تسييس..
القطاع الخاص بدول خليجية صار يصرف مكافأة بدال المرتب الشهري.. لو مرتبك 15 الف يعطونك 6 الاف. بحجة كورونا.. مسوين روحهم واقع عليهم ازمة اقتصادية كنهم امريكان في 1929!
هذي اسواقنا متروسة ببضايع نفس الشركات وباسعار فوق وبنفس الحجج!
كورونا ازمة صحية فهمنا، تشبك فيها كل وزارات البلد ليش.. صار مال الاوقاف يغرد اكثر من وكيل الصحة؟ ربما يظن الاخوة اني في بالي شيء معين ع الاوقاف، بلعكس هم من الصفوة الاخيار، لكن تحت يدهم مساجدنا.. هذي اللي تقفلت، وحتى اللي بيصلي جماعة في مكان غير المسجد ربما يكون مُجَرّم فعله! يا فضيلة الشيخ (إذا تشوف ان سلامة المصلي أهم من صلاته، فهناك مصلين كثيرين صلاتهم هي اهم شي بحياتهم)
رد مع اقتباس
