واضح إن إنتشاره خف كثير ونتمنى يبقى خفيف ويقل أكثر الخوف إن خفة انتشاره بسبب الجو والحرارة وانحسار موسم الانفلونزا اللي بيرجع لنا قريب هذي الأيام ومعاه ممكن يتزايد انتقاله وشفنا بداية زيادة في كثير من الدولالمشاركة الأصلية كتبت بواسطة Rider
|
واضح إن إنتشاره خف كثير ونتمنى يبقى خفيف ويقل أكثر الخوف إن خفة انتشاره بسبب الجو والحرارة وانحسار موسم الانفلونزا اللي بيرجع لنا قريب هذي الأيام ومعاه ممكن يتزايد انتقاله وشفنا بداية زيادة في كثير من الدول
إذا بنشيل الدول اللي عدد حالاتهم أقل من 3000 إصابة من الجدول قطر تجي في المرتبة 52 عالمياً وتعتبر أكثر دولة فيها اصابات من ضمن ال 52 الأوائل وفيها حالات فعالة قليلة .. من ضمن الدول اللي أقل من 3000 إصابة دول مثل جنوب السودان وسوريا ما اتوقع احصائياتهم فيها ريحة دقة
نعم الفيصل موسم الانفلونزا الموسمية والشتاء اذا الامور عدت باذن الله بيكون الوضع ممتاز بس اهم شي عندنا الدكاترة مايخلطون بين الانفلونزا وبين كورونا
كلامك صحيح وفي الغالب أي اشتباه يحولونه للفحص ولين تطلع النتيجة وهذا شيء زين ويساهم في السيطرة على الانتشار
نسبتنا اليوم 97.58866% تغيرت من 97.59024% تغيير سلبي بسيط ووين بدال ما كنا في اليوم نخلص فوق 2% صار لنا فوق 50 يوم في نص نقطة مئوية .. الله يلطف بالحال
للحين قطر تحتل المرتبة 142 في الحالات الفعالة
اليوم الحالات للحين قليلة والوفيات كذلك .. مستغرب وفيه خلل دول مثل العراق ومصر اليوم ما أرسلوا بيانات للحين
مصر والعراق وغيرها من الدول كلها بيانات عشوائيه ومافيه دقة مجرد ارقام
العراق أهون من مصر مجتهدين وينقلون الإحصائيات اللي يسوونها صح أما مصر يخشون هم والكنغدم اللي غربينا
اليوم وصلنا 97.614% وأول مرة نوصل لهذا الرقم من ارتفاع النسبة .. وللحين ترتيبنا 142 متى نكون حول العشرة الأوائل؟
والله ياخوي اشوف انتشار في فرنسا زاد ممكن تعليقك على الموضوع
بأذن اللطيف الخبير نكون 99% أخر الشهر,,,
,,,,,قوللوا أمين,,,تجاه وجه السميع الكريم
مؤكد قلة احتراز وهو صحيح زاد زيادة كبيرة كنت متابع وكان العدد بسيط فارق عن اللي تشافوا ألحين 220000++ .. دول كثيرة حكوماتها ضعيفة وفيها كثافة سكانية كبيرة حتى الوفيات اليوم زادت .. ممكن بعض الدول تفحص وايد وتكشف حالات زيادة وتسجلها وما تنتبه لجرد الحالات وشفائها .. ببساطة نظامها الإحصائي بسيط أو بدائي حتى لو كانت دولة متقدمة .. مستغرب من السفينة ام زد واسم بعدها هذي من شهور وعدد الحالات الفعالة 7 لين متى ما ادري .. إيه هذا اسمها MS Zaandam وسفينة Diamond Princess لها شهور والعدد ما تغير وعدد اللي فيها حول 700
شكلنا بنتعدى ال 27 مليون وبندخل ال 28 مليون بنهاية الليلة والنسبة العالمية تقدمنا فيها ناحية ال 74.6941% والله أعلم كم بيكون أعلى رقم للحالات الفعالة وبعده يرجع ينزل بدون تذبذب ألحين فوق السبعة مليون
آمين بس اللي اتمناه نشوف ال 98% وهذي احتمالية ضعيفة كلش 97.8% بعد تعتبر انجاز على التذبذب الحاصل .. أمس كنا 97.614% واليوم 97.604389% نزلنا حول 0.01%
خلاص نشوف آخر الشهر لو وصلنا 98% يعتبر انجاز مسكت ولو وصلنا 97.8 يعتبر معقول ومقبول في الوضع الحالي ومعناها فيه سيطرة .. لكن لو قلت النسبة حسب قلتها بيكون الوضع يبشر ممكن بموجة ارتدادية أو اللي يسمونها ثانية
سويسرا تذكر قبل وصلت 98.8% .. ألحين 88.55% هذا عدد حالاتهم الفعالة 5,187 وأحس إنهم ما ينشرون الأرقام كلها
والله كان ودي يحطون عمود في الجدول للدول اللي حققت تقدم أو نسبة التقدم لكل دولة الحسبة شوي شغلة .. أما تحسب الوفيات + حالات الشفاء وتقسمهم على العدد الكلي للحالات المسجلة مصابين وتضرب في 100 تطلع لك النسبة .. أو طريقة أسرع تقسم الحالات الفعالة على اجمالي المصابين ويطلع في العادة رقم أقل من 1 تحوله سالب وتزيد عليه واحد هذي بتكون النسبة المئوية طبعاً تحرك الفاصلة العشرية خانتين يمين أو تضرب في 100
في ترتيب أعداد الحالات الفعالة تأخرنا من 142 الى 143 على العالم بس ما زلنا في قمة دول الخليج وتسبقنا الأُردن عربياً خذت مكاننا استراليا وتعدت دولة اللي اسمها مكتوب كار .. سوريا تجي 138 بس مشكوك في احصائياتها .. وجنوب السودان 115 ولا ادري هي عربية والا لا .. الأُردن تجي 97 وأشوفها أفضل دولة عربية سيطرة وقلة وفيات كأرقام لكن نسبة وفيات للعدد الكلي ونسبة تقدم هي كالتالي الوفيات 0.71455% وقطر شوي زادت في هذا الوقت ل 0.169637% بس وايد أقل من الأُردن لذلك قطر أفضل في هذي النسبة .. التقدم للحين وراهم وايد لين يوصلون غبارنا .. 72.8845% والله يعينهم الوضع قابل للزيادة الكبيرة في أي دولة وللحين مرتاح لنتائجنا وفخور ببلادي
ضوابط المشاركة
رد مع اقتباس