أكبر غلط وأكبر خدعة الكمامات .. لو يقولون اللي فيه أي أعراض ليجي ولا يراوينا ويهه أفضل ويفحصون الحرارة للكل بكاميرات حرارية وأي واحد مشكوك فيه يطلبون عرضه على طبيب وأخذه من المدرسةالمشاركة الأصلية كتبت بواسطة Rider
يلتزمون ويلزمون الطلاب بشوية تباعد ويعلمونهم أُسس النظافة
من زمان خذتهاانت للحين ماخذت الجرعة الثانيه ؟؟؟
الملاحظ بعض الدول الخليج لي كان عدد الحالات بكورونا كثير في اليوم واحد نراها اليوم سيطرت على الوضع وعدد الحالات قل بشكل ملحوظ منها سلطنة عمان من فتره الأعداد وصلت فوق 1000 حالة اليوم نرى عدد الحالات 140 حاله شي مفرح عكس لي يصير عندنا تطعيم وزيادة في الحالات الله يسير من موجه جديده
المضحك المبكي في نفس الوقت عالم في الهند يتوقع متحور جديد يقاوم اللقاحات الحاليه سؤال الا متى هذا الوضع
كورونا اليوم ف السعودية يسجل اصابات في الاطفال من سنتين وفوق، الله يعافيهم ويعين أهاليهم.
اللهــــــم ارحم أخي فايز واسكنه فسيح جناتك وسائر أموات المسلمين
وآلله ياخوي سالم للأسف التاس اي اعراض انفلونزا راحوا سوا فحص كورونا وربعنا يبغون سبب علشان فلوس الفحص والحجر إذا في فندق والله لو يتركون الحياة تمشي صدقيني بتمشي بس التركيز على شي مشكله
والله يا خوي رايدر التعامل مع المريض حتى لو ما كان مريض كرونا تعامل غير احترافي..
الطبيب ماله عندنا صفة او طريقة تبين أنه طبيب، يعني وظيفة فقط يسترزق منها.
نادر تحصل الطبيب الفاهم واللي عنده الرغبة.. كلهم الا القلة القليلة متخرجين من كليات الطب وحافظين مش فاهمين... بدون كرونا اعتبرهم بلاء كبير.
اللهــــــم ارحم أخي فايز واسكنه فسيح جناتك وسائر أموات المسلمين
الوباء إخوي سالم عرى الأنظمة الصحية العتيدة فما بالك بأنظمتنا .. الوضع صعب جداً .. لي صديق عزيز أُصيب بالخبيث وتنوم في مستشفى هو يشتغل فيه ومن قدامى موظفي مؤسسة حمد .. ما رضت دولة متقدمة في علاج هذا المرض وراح لندن بعد محاولات عديدة وحصلت الموافقة ولا قدروا يعالجونه زين وألحين في أمريكا حالته سيئة وتحت رحمة رب العالمين والله يشفيه ولا تنسونه بالدعاء في هذي الأيام المباركة
إحنا في موجة عالمية جديدة ثالثة على ما اعتقد والموجات العالمية بطيئة وتستمر فترة طويلة بس بدت تشتد صار لها فوق الشهر ويمكن شهرين ارتفاعات بسيطة كلش بس بدت تزيد حالات ووفيات
أمس يتكلمون في الجزيرة إن الدراسات في أمريكا توضح الحاجة لجرعة ثالثة معززة لأن بعد ست شهور تتضاءل قوة اللقاح لحدود 46% وفيه دراسات على التحورات الجديدة وشكلهم بيبدون يعطون جرعة ثالثة وأتوقع كثير دول بتتبعهم .. أمس وفياتهم فوق الألف واصاباتهم فوق 150000 والشفاء حول 50000
نعم كلامك صحيح اخوي سالم
أنا أقول إذا هم يبغون يسون موجة ثالثة او رابعة بيسون حتى اللقاح من المستفيد من جرعة الثالثة طبعا الشركات المصنعة للقاح شغلونا خذو اللقاح لا بتهديد بعد وش استفدنا منه اذا هو مجرد تقليل اعراض وكل يوم يطلعون لنا متحور ومتحور خذها مني نعم مانكر انه يوجد وباء لكن خذ حجم كبير وهذي التجارة الجديدة تجارة كورونا
واللي ياخذ اللقاح ويقي نفسه شر هذا الوباء ما بيستفيد؟
شالأفضل الإنسان ياخذ احتياطاته والا يهمل .. ناس سافروا روسيا خلاص نفذ صبرهم والسفر يحن له الممنوع .. وما كانوا مطعمين وحسب قانون الدولة لازم ينحجرون وبيدفعون 38000 للفندق الوحيد اللي حصلوا فيه حجز .. هو حسن تصرف وخطة الإنسان ينفذها ويتوكل على الله والله بيده توفيقه أو عدمه .. والله أعلم جرعة ثالثة نحتاجها أو لا لكن لو قالوا العلماء تحتاجونها وآمنة إحنا حاطين ثقتنا فيهم ومتوكلين على رب العالمين
ضوابط المشاركة
رد مع اقتباس
