ياعيال رثعت فيني الكرونا الحراره ماتبغي تنزل هذا ثالث يوم
كثرو الاستغفار والله يرفع عنا هالبلئ وسائر جميع بلاد المسلمين
ممنوع التدخين التوقيع مكيف
(▓▓▓(̅(_̅_̅_̅_̅_̅_̅_̅_̅_̅_̅_̅_̅()ڪے
ههههه
بنتي متكرونه
اتصلوا بها علشان تاخذ الجرعة الثالثة، قالت لهم انا الحين فينا كورونا وما كملت فترة الحجر، الفلبيني بكل ادب اعتذر وقال لها get well soon ، وعقبها اتصلي لنا نحدد لك موعد جديد.
يعني حتى مناعة ال التسع شهور ممكن يفركشونها علينا اهم شي نطعم.
دمتم سالمين
الشر مايجيكم ياخوان
اشهد انه سريع العدوى مع اني محافظ بالكمام من اطلع من البيت والمعقم بس ربك كتب هالشي ولعله خير
ممنوع التدخين التوقيع مكيف
(▓▓▓(̅(_̅_̅_̅_̅_̅_̅_̅_̅_̅_̅_̅_̅()ڪے
الله يجعله عليك رحمة وأجر ويعافيك بأسرع وقت
هلي جاهم وبيتنا تقريباً كله حتى الأطفال كله صخونة وزكام بس ما يفحصونهم حتى والله أعلم .. وانا مغامر أمر أوقات كم مكان وكم مجلس ولا كمام ولا شيء وتقارب واركب مع ناس توهم مخلصين حجر والحمد لله للحين ما جاني الا زكام خفيف ومرة حرارة بسيطة وراحت بس أوسوس وايد وأتغرغر بمعقم الغرغرة
سؤالك صعب حد يجاوب عليه لأن للحين ما وصلنا 10% مصابين ومتشافين تونا شوي حول 9.7%
أعتقد الدول كلها اعترفت بقدرة التطعيم ومعززاته على تقليل الخساير البشرية والأدوية بدت تطلع وتستخدم والوفيات قلت لحدود الثلث عن قبل وممكن خلال فترة بسيطة تنزل أكثر لحدود 20% أو الخمس
الوفيات رجعت ترتفع في العالم على التعداد الأسبوعي ارتفاع خفيف بمعدل 6392 وفاة يومية وهي وايد أقل من أرقام قبل فوق ال 15000 ووصلت 17615 في أقصاها ولو تحسبها على دول آسيا بتحصلها أقل من دول العالم الباقية .. أمس آسيا كلها أقل من أمريكا في الوفيات .. هو مرض برد قوي مب عادي يتحصن الواحد عن البرد ويشب الضو ويجابلها أوقات ويبتعد عن البشر حتى ما توصله عدوى
في قطر خسرنا خانة التسعينات ووصلنا لل 80% الموجة ذي قوية وايد كانتشار لكن كوفيات من بدت كنا 614 وفاة عندنا وألحين 621 .. سبع وفيات يمكن أكثر بشوي على موجة قوية جمعت فوق 28000 إصابة غير عن اللي تشافوا خلال هالفترة الأخيرة
Qatar 278,698 +4,169 621 +2 +828 28,470 57 99,258 221 2,807,805 10,140
نسبتنا استوت 89.7846% ونسبة الوفيات للإصابات 0.2228% .. الأقل عالمياً في الدول اللي اصاباتها فوق 150 ألف إصابة .. سنغافورة اللي كانت سابقتنا قبل نسبة وفياتها لإصاباتها استوت 0.2917% .. السعودية 1.5126% .. أعلى منا قريب 7 أضعاف .. بلاد ترمب وربعه 1.3698% .. بريطانيا 1.022% .. قبرص كانت قريبة منا وألحين يوم زادت حالتها عن 200 الف استوت 0.31357% .. حتى لين الدول اللي إصاباتهم فوق 50000 لا توجد دولة نسبة وفياتها لإصاباتها أقل من قطر وهذا دليل عناية طبية جيدة وأتمنى نستمر على هذا الشيء وما يضعف جهازنا الطبي
الرقم الأخير 10140 في ارقام قطر فوق هو للحالات الفعالة في المليون من السكان وهذي تعادل نسبة 1.014% يعني بين كل 100 شخص شخص مصاب