فيروس كورونا المتطور يغلق مدينة ووهان الصينيه

[معماري قطري]

المفروض محد يقارن دوله اجنبيه مثل استراليا في قطر او اي دوله خليجيه او عربيه

لي ان عندنا صله الرحم والمجالس مفتوحه والعزايم بدون مناسبه بس اسبوع مشافه قال علي الطلاق عشاك عندي فشي طبيعي الاصابات تزيد عندنا

عكس الاجنبي مايحب يدفع ولا يحب يجمع احد عنده ويخسر وجبه من كنتاكي عليه

المقارنة في الوفيات من إجمالي الإصابات .. يعني لو الإصابات وايد بسبب التجمعات والوفيات شوي بتكون النسبة قليلة .. تقسم قليل على كثير .. في حالنا 624 نقسمها على مجموع الإصابات 295,221 ونضربها في 100 = 0.211367% .. أستراليا وفياتها أكثر منا بس إصاباتها أكثر بوايد .. الوفيات لليوم 2,633 وعندهم 55 وفاة اليوم يعني ممكن يوصلون نسبتنا .. بس إجمالي إصاباتهم 1,640,386 بعد القسمة تعطينا نسبة = 0.1605%

بنقارن مع أمريكا مثلاً .. إصاباتهم 66,372,563 ووفياتهم 872,735 نقسم الوفيات على الإصابات ونضرب في 100 تعطينا 1.3149% يعني أمريكا وفياتها كنسبة أعلى منا ب 6 مرات وربع تقريباً .. وإحنا أعلى من استراليا بحدود 30% أو بعبارة أبسط يموت لنا 1 بين كل 1000 مصاب يموت لأمريكا 6 وزود بين كل 1000 مصاب ولو يموتون لنا 13 مصاب في ال 1000 مصاب يموتون لأستراليا بس 10 في نفس العدد .. الأفضلية أكيد تكون رقم 1 استراليا و 2 قطر و3 أمريكا .. بس الأرقام تتغير واستراليا تزيد الوفيات فيها بسرعة وأعداد كبيرة حالياً وإحنا الإصابات تزيد والوفيات تقل يعني ممكن نكون إحنا رقم 1 عن قريب

باقي الدول كلها أعلى منا اللي مسجلين اصابات 100000 وفوق أما اللي اصاباتهم قليلة بعضهم ما توفى حد وكلهم تشافوا ونسبة الوفيات تطلع 0 يعني حسابياً هذي الدول أفضل بس تركيزنا على اللي عندهم حالات فوق 100000 وممكن حتى نقول فوق 60000

[معماري قطري]

لاحظ نسبة قطر أمس في مشاركة 2669 كانت 0.21393% واليوم استوت 0.211367% نزلت شوي بسبب اليوم عندنا وفاة وحدة بس عندنا فوق 4000 حالة .. أستراليا عندها 55 وفاة واصابات +103,836 ولو تسوي القسمة للوفيات في اليوم على الإصابات بتحصل قطر أقل وتساهم في إنها تقترب من رقم استراليا وأتوقع فيه سباق خفي بين الدول للوصول لرقم وفيات قليل حتى لو الإصابات كثيرة

تبي مثال قريب عندنا السعودية نسبة وفياتها لإصاباتها 1.459948 % بالضبط ويعني إن وفياتهم أعلى منا ب 6.9 مرة .. يعني يموتون لنا 10 هم يعادلهم في نفس عدد الإصابات 69 متوفيين

[معماري قطري]

اللي انت تقصده هو الإصابات في المليون من السكان هذا صحيح دليل الإنتشار وقطر كانت فيه الأعلى في بدايات الوباء على العالم وفترة طويلة .. ألحين استوت رقم 78 يعني نزلت من رقم 1 الى هذا الرقم ويعتبر إنجاز بينما دول ثانية كبرى بعضها مثل أمريكا وبريطانيا وايد أعلى من قطر .. قطر نقدر نقول بين كل 10 واحد فقط أصيب .. أو أدق بين كل 1000 شخص 105 أصيبوا .. ونفس الشيء ينطبق على الكويت والأردن بس يطلعون أكثر منا في المليون من السكان .. تجي للبحرين 170 في الألف أصيبوا .. وكانوا لفترة طويلة رقم 1 عالمياً إستووا ألحين رقم 39 أزاحوها دول كثيرة انتشر فيها الوباء انتشار سريع كما أزاحوا قطر .. الصهاينة 190 في الألف أصيبوا يعني حول 20% أو 19% بالضبط .. أمريكا 198 في الألف وايد أعلى منا وانتشار بين 330 مليون من السكان حول 20% من السكان أصيبوا .. فرنسا 212 في الألف وبريطانيا 221 في الألف .. أعلى دولة أندورا 385 إصابة في الألف من السكان تقريباً نص السكان أصيبوا

[سالم الزهران]

كل من أصيب في الموجة الاولى او الدلتا او الاخيرة هذي بيستفيدون مناعة قوية و طبيعية باذن الله. وبعد المطعمين (نرجو من الله سبحانه) يكون التطعيم زيادة خير لهم.. اهم شيء في نظري أن نترك الخوف اللي ماله فايدة.. سبق اصبنا بأمراض اقوى من كورونا ونزلات برد وعدينا اهلنا وانعدينا من المجتمع ومع ذلك لطف الله اكبر ورحمته واسعة.

التعليم من اول تعبان والحين صار أسوء وكله بسبب كورونا. كورونا اللي ما خلو أمامك اختيار واللقاح صار مثل اجار البيت مفروض عليك. كيف بقنع كبير سن يطعم وهو ما يروح المستشفى لمواعيده!
اعتقد في قادم الأيام بنشوف أشياء من نمط آخر غير كورونا.. وانا اجزم لو تركوا للناس الحرية ما قفلوا ولا تطعموا.

[sara jsm]

اعرف واحد عندنا في الشغل من المعارضين للتطعيم من اسبوع صادته كورونا والأخ الحين طايح في البيت مايقدر يتحرك

ليش معارض ؟ اذا هو خايف انه يموت ترى كلنا بنموت باختلاف الاسباب والاوقات ..
اما اذا هو مايتبع القطيع نفس مايبربرون فيه .. ترى كلنا متبعين وايد انظمة وقوانين وفقا
للقطيع وغصباً عنا .. ماادري شنو يفكرون فيه ..

:

عكس الاجنبي مايحب يدفع ولا يحب يجمع احد عنده ويخسر وجبه من كنتاكي عليه

ليش التقليل من كنتاكي مااسمح لك ..

:
:

معماري / الاحصاءات مش دقيقه لان وايد ناس مصابين واكتفوا بالفحص المنزلي السريع ..
ومكملين حياتهم في المجتمع بدون ذمة ..

[معماري قطري]

ليش معارض ؟ اذا هو خايف انه يموت ترى كلنا بنموت باختلاف الاسباب والاوقات ..
اما اذا هو مايتبع القطيع نفس مايبربرون فيه .. ترى كلنا متبعين وايد انظمة وقوانين وفقا
للقطيع وغصباً عنا .. ماادري شنو يفكرون فيه ..

:



ليش التقليل من كنتاكي مااسمح لك ..

:
:

معماري / الاحصاءات مش دقيقه لان وايد ناس مصابين واكتفوا بالفحص المنزلي السريع ..
ومكملين حياتهم في المجتمع بدون ذمة ..

صادقة وايد ما يهمهم يعدون من

مرة واحد في عزيمة في بدايات كورونا والموجودين كبار سن ويدري انه مصاب والمشكلة من المتدينين وقاعد يقطع لهم ويعطيهم انصابوا اثنين وكلهم من أصحاب القلب والأمراض المزمنة وتعبوا وايد وقتها بس أعلنوا وابتعدوا عن الكل

[معماري قطري]

أمس الحالات أقل من قبل والوفيات بسبب سبت وإجازة عالمية وكثير ما يعلنون واليوم نفس الشيء بكرة بيرسلون حالات ووفيات متأخرة

[حمد 2002]

كورونا
كورونا
كورونا
ركزوا في الاسم شوي

[معماري قطري]

كورونا
كورونا
كورونا
ركزوا في الاسم شوي

شحلوه الإسم الله يرحم الوالد كانت سياراتنا الوحيدة في البيت قبل كورونا أو كارينا والله نسيت يبي لي اسوي سيرش .. الإسم يصلح لبنت ههههههه

أتابع الأخبار العالمية في أمريكا بالتحديد والوباء ضارب ضربة قوية هناك وفيات واصابات عالية .. الدكتور اللي يتكلم يقول التطعيم قوي ضد كل المتحورات الا اوميكرون وبحدود 10% عندهم القوي دلتا من المصابين والبقية متحورات ثانية من ضمنها اوميكرون وهو أكثرها .. بس الملاحظ إن المطعمين اصابتهم خفيفة جداً باوميكرون وبعد اوميكرون هناك دراسات تشير الى إن الوباء بيخف كثير والمتحورات القادمة بتكون أضعف

الحمد لله الأخبار الإيجابية تطلع في عز الخوف والتشاؤم ونتمنى الخير والخلاص للبشرية كلها من هذا الوباء والله يزيله عن العالم كله

[sara jsm]

اكيد قصدك كورولا

:

والله يابوعبدالله الواحد يصيده اومكرون ويخلص .. ويرجع يصيده دلتا ويطيح طيحه ثانيه
و في نفس الدوامه .. الله يرفع عنا ..