مافيهم صبر من الحين يطلعون والي منزل احتراز عادي يمر في جنبك شخص مصاب او محضور ويجيك اشعار انتبه بالقرب منك مصاب او محظور
هذا غير الي مايبي ينزل احتراز ويبي يضرب كل مكان عرض وطول من غير محد يكلمه وتلقاهم هم الي ينتقدون القرارات والناس الي تطلع مثلهم
العرب بشكل عام ماعندهم وعي عن هالاشياء باليابان مثلا قبل كورونا اي شخص مريض يلبس كمام والي خايف على نفسه يلبس كمام
عندنا مريض مو مريض مايلبس او يتعذر بضيق النفس
ولنا مثال الصناعية لما سكروها الكل قام يتحلطم لكن لو ماسكروها كان قالو ليش مايسكرون الصناعيه ههههه
كلامي موجه للناس الي مستهتره وكله تتحلطم على القرارات وتتحلطم على الناس الي ماتطبق القرارات الي هم منهم هههه
هنا المشكلة قلة الوعي والاستهتار عيل شاللي يخلي دول فيها ملايين البشر ودولة فيها فوق المليار وهو ناشيء فيها واحنا شوي وبنطوفها في عدد الإصابات
صراحة قلة وعي وعدم وضع تدابير صارمة من البداية والقطرية تنقل ومديرها يقول ما فيه دليل علمي لين استوى حتى اضحوكة عند بعض الحاقدين والمشكلة ينسبون هذا الفشل لقطر وليس لطيران القطرية والقرار الخاطيء من البداية
تنويه قصدي العرب والقطريين
على عددنا الشوي بعض القطريين فيهم قل وعي حتى لما كانو ينشرون الاسامي بعد مامسكهم بالبيت
لكن الاصابات عندنا غير القطريين الاسيويين اعلى اصابات
هذا غير التجار الي يشغلونهم غصب
وهذا انت قلتها يامعماري الخطوط القطرية بكبره كانت تودي وتجيب
والحين هي اول وحده فاتح طياراته للي يبي يسافر
من فترة اعلنت وزارة الصحة ان عدد الاطفال المصابين 2600
الصراحة اشوفه دليل قوي على ارتفاع نسبة الاصابات بين العوايل.. العمال ماعندهم اسر او اطفال .. لو البيانات الصادرة يوميا فيها جنسية المصابين واعمارهم يمكن تعطي دافع اكبر للحرص
اخر احصائيه حسب الجنسيه شفتها يمكن من حوالي 3 اسابيع
تبين ان الجنسيه الهنديه حوالي 33 % تليها نيبال حوالي 25%
ثم بنغلاديش ثم باكستان,,,,,وبعدهم القطريين من جميع الفئات بنسبه اقل من 4 %
من اجمالي المصابين.
ارقامنا ولله الحمد مطمئنه,,,,ومعظم الحالات لاتستدعي حتى الدخول للمستشفى.
الان المتواجدون في المستشفيات للعلاج من كورونا الف وشوي فقط,,,,منهم حوالي
220 فالعنايه,,,,,,,,,,,وربي يشافي الجميع ,,,,وربي لطيف خبير بعباده ولله الحمد
مساع عند الاشاره طلع لي تحذير احتراز انت بالقرب من شخص محجور ! انا للحين ماعرفت الآليه حق البرنامج صراحه
::... سبحان الله .. الحمدلله .. لا إله الا الله .. الله اكبر ...::
أكيد القطريين من ضمن العرب والقطريين هم المسؤولين عن العمال اللي يشتغلون عندهم ومنظمة الصحة العالمية تكرر مرات ومرات بأن حامل الفيروس ما يبين عليه في الغالب لمدة 14 يوم وتتبعت الدول اللي بدأ ينتشر فيها وأعلنت أول بأول .. انا اذكر بدينا نمنع دخول المصريين قطر بعد ما منعت عدة دول حولنا وكانت ردة فعل متأخرة .. والقطرية كانت تصرح إنها بتسمح بدخول الصينيين والكوريين بس بشرط ينحجرون 14 يوم .. ما ادري شصار خلال هالفترة بس واضح إن الوباء كان يدخل من المطار عينك عينك وينتشر .. بعد ما بدأ يتفشى في العالم للحين مدير القطرية يبي دليل علمي ومصر ينقل الناس حتى ترانزيت
نسبتنا ارتفعت ل 71.57% والحمد لله .. نسبة الكويت 75.32% ونسبة البحرين 70.55% .. نسبة السعودية 67.19% ونسبة دولة المؤامرات 65.61% وعمان 36.45% وهي الأقل خليجياً حسب الجدول والاحصائيات
الكويت مرشحة ينتهي منها الوباء حسب هذي المعطيات أولاً وقطر ثانياً وهذا نظرياً والمعطيات تتغير قطر من يومين كانت الأُولى
دولتين وصلوا السيطرة التامة و0 حالة فعالة رجعوا لإصابة وحدة ورجعت الدول الخالية من الوباء الى 24 دولة .. يعني الصراع مستمر والوباء متجدد