هذي حالتنا بنتم نتأرجح بين نزول وارتفاع لين الله يقضي أما يتم الحصول على تطعيم والا علاج أو تزيد الضحايا .. اليوم تراجعنا شوي 97.6582% عن رقم أمس وهو الأعلى اللي وصلناه من بداية الوباء .. تراجعنا هذا خلانا نرجع حسب ترتيب دول العالم مرتبتين للمرتبة 142 سبقونا الدول الثانية اوغندا وغرغيزستان
النسبة العالمية 75.428674% شوي زادت عن أمس وهذا يعني العالم يتعافى بدون تراجع هاليومين وقطر تراجعت قليل جداً
النسبة العالمية اليوم ارتفعت شوي الى 75.60382% شيء جيد مقارنة بأمس وأتوقع لها تذبذب لازم بيصير مثل ما شفنا على نسب وايد أقل واقل حتى من ال 50%
نسبتنا ما شاء الله اليوم تعتبر الأعلى في تاريخ الوباء 97.67985% ونتمنى استمرار التقدم بكرة .. باقي 13 يوم من هذا الشهر والوصول لنسبة 98% يبين شبه مستحيل قبل نهاية الشهر وأتمنى أقل شيء 97.8%
نسبتنا اليوم 97.65207% شوية نزول عن أمس واللي يهم إن للحين الأعداد المصابة يومياً مسيطر عليها بحدود بدايات ال 200++ إصابة وبإذن الله تقل في الأيام القادمة لو استمر تطبيق اجراءات الاحتراز من الكل
استرجعنا مرتبتنا 140 .. تسبقنا في الجدول عربياً سوريا تحتل 135 وما اعتقد أرقامهم دقيقة والأُردن 120 وأخيراً اليمن 64
النسبة العالمية 75.7777% وفي ازدياد والحمد لله دخلنا الربع الأخير من النسبة 100% والتي تعني 0 اصابات و 100% شفاء + وفيات
مشكور اخوي معماري على الاحصائيات و الجهد المبذول
في الاونة الاخيرة زاد عدد الناس اللي يقولون انه مافيه كورنا و انها مؤامرة و الخرابيط اللي يقولونها
واذا اقنعتهم ان المرض حقيقي قالوا المؤامرة في اللقاح و زرع شريحة و يتحكمون فينا عن بعد هههههه
ناس تعشق الغموض .
العفو يا اخويالمشاركة الأصلية كتبت بواسطة fmmja
بعض الناس مقتنع بداخله إن الكلام اللي يطلع كله خرافات والمشكلة كلام يطلع من متعلمين ومن ممن يدعون بأنهم علماء .. من خاف سلم ومن اتخذ تدابير الابتعاد وعدم الاحتكاك بالناس عن قرب ممكن يسلم وامكانية اصابته ضعيفة
الحين الوفيات قريب 5000 لهذا اليوم والاصابات ممكن توصل 300000 شخص وقبل كنا ناخذ في المليون اصابة فترة طويلة من أيام استوت 4 أيام وألحين تقريباً 3 أيام والعالم كله يعاني الوضع وايد صعب .. الإشاعات كثيرة حتى في قطر ومن قطريين لكن أتوقع إن مؤسساتنا المسؤولة شغالة صح وإن الاحصائيات تنشر بصدق كامل وهم يحذرون من امكانية الدخول في موجة مرتدة وإحنا صار لنا فترة يحصل ارتداد بسيط .. ألحين مطلوب من المجتمع التبليغ عن المخالفات ولو اشتغل نظام احتراز وحذر من شخص قريب نقدر نبلغ عنه وكان المفروض هذا الشيء من بداية تطبيق النظام
أمس وصلنا عالمياً رقم قياسي جديد في الاصابات +315,102 واليوم لو مشينا على هذا المستوى بنخترق حاجز ال 31 مليون اصابة
في قطر وصلنا نسبة 97.6873% وهي أعلى نسبة للآن ونزلنا بنفس الوقت للمرتبة 29 في جدول أعداد الإصابات وبإذن الله نسبة ال 97.8% نوصلها قبل نهاية الشهر .. في جدول الحالات الفعالة ارتفعنا للمرتبة 139 بعدد 2,848 حالات فعالة فوقنا غرغيزستان بعدد 2,788 حالات فعالة حتى نهزمها وناخذ مرتبتها يبي لنا يتشافون أو يتوفون ما مجموعه 60 شخص وهم يبقون على حالهم أو تنزل دولة تحتنا بعدد حالات يزيد عن 2848
تراجع بسيط عن نسبة أمس 97.67945% تقريباً 0.01% وأصبحنا في الحالات الفعالة 138 وهذي معناها دولة ثانية استوت أسوأ منا وزاد العدد عنا
عالمياً مع زيادة الحالات الفعالة الا يقابلها زيادة في الشفاء والوفيات وهذا يخلي النسبة تزيد والآن أصبحت 76.098% وأذكر قطر كانت في هذي النسب تمشي بسرعة كل يوم 1% وأوقات أكثر وأتوقع العالم يوصل 80% ممكن وإحنا للحين ما وصلنا ال 98%
يعطيك العافيه والسلامه أخونا معماري,,,,
,,,وبأذن الله نحو الافضل ,,,وربي كريم
يحفظنا بحفظه وهو السميع العليم
مجيب الداع اذا دعاه,,
ربي يسلمنا من كل شر
اللهم امين,,,اللهم امين
الله يعافيك ويبقيك اخوي الوسمي
المتابعة ضرورية حتى نعرف وضعنا ووضع العالم وللحين الأُمور في تحسن والحمد لله وبإذن الله الى تحسن أكبر
المحافظة على نسبة ال 97% ما ترجع تقل ولو تزيد بشوي تعني إن السيطرة قوية وللحين تجيب نتيجة
ناخذ مثال أمريكا 63.56% للحين تحت المعدل العالمي ووضعها مب لين هناك .. الهند 81.68 .. نسبة زينة بس ما اتوقع يسوون اختبارات كفاية والا كانت الحالات الفعالة وايد أكثر .. اللي يفضحهم نسبة وفياتهم عالية 1.6% وعدد وفياتهم تعدى عدد الإصابات المسجلة للآن في الصين
ألمانيا وسويسرا كانوا مثل في قرب انتهاء الوباء ووصلت سويسرا الى 98.8% على ما اذكر وألمانيا 96% .. ألحين 92.77% ونسبة وفياتها لإجمالي الاصابات = 3.47% وايد عالية قطر على ما اذكر آخر ما وصلنا له حول 0.16% يعني هزمنا بلاد المرسدس صحياً حسب الأرقام .. سويسرا ألحين 86.33% تراجعت وايد عن نسبة 99% تقريباً اللي وصلتها قبل ونسبة الوفيات كانت 6.5% حسب ما اذكر ألحين نزلت شوي ل 4.1677% وما زالت كبيرة
إحنا الخطأ اللي ما تمت معالجته بصورة عاجلة وحازمة من البداية هو إدخال عمال من مناطق موبوءة والاستمرار فترة في السفر بالجو وانتشر الوباء بين العمال انتشار كبير بس الحمد لله اللي يبين لي تمت السيطرة
11 دولة في المرتبة نقدر نقول 1 مكرر لأنهم وصلوا لنسبة 100% و0 إصابات يمكن أكثرهم في عدد الإصابات Brunei 145 بروناي بعدد 145 اصابة وقبل دخلت دول عندها عدد أكبر وفوق الالف اصابة بس رجعت الإصابات في الظهور وتراجعت عن هذي المرتبة
ارتيريا كانت 0 وألحين 59 اصابة فعالة .. بس هذي الدول سيطرتها أقوى بسبب حصرها للاصابات وعزلها واصاباتها قليلة
ضوابط المشاركة
رد مع اقتباس