الله يعينهم شغالين ويتعبون شوف كم تطعيم في اليوم .. وصلوا 26000 والتطعيم تحضير له وتدقيق وجهاز ضبط الحرارة وفحص التطعيم ليكون منتهي الصلاحية .. حتى لدرجة إنهم من يجيهم آخر الوقت وناس عندها مواعيد ما حضرت يطعمون أي حد حتى ما تخترب العبوة
يقولون إسئل مجرب ولا تسأل طبيب .. آخذ 4 حقن يومية وتنحط في الثلاجة العادية وطريقتها سهلة حتى آخذ شنطة فيها ثلج وأحد الإخوان جاب لي ثلاجة صغيرة تنضبط حرارتها لين 2 درجة مئوية وتحتها مب زينة للأنسولين بين 2 و8 درجات بس .. يعني موضوع التحضير والشغل الطويل مب موجود ومع ذلك شوي فيها شغل
شكثر مراكز تشتغل وناس يشتغلون أوقات طويلة الله يعينهم .. المشكلة في عقليات البعض اللي يناحسون وكله يحسبون التطعيم مقصود منه مضرتهم وأعرف كثيرين ونصحتهم مرات وبعضهم ما استنصحوا الا يوم شافوا أحد أفراد أُسرتهم طايح مصاب
عندي بنت كانت مناحسة واقتنعت وطعمت أول تطعيم والحمد لله بقية البيت كله تطعيمين من ضمنهم السايق وبعض الخدم اللي فوق ال 50 والباقية وحدة بس تطعيمها بيكون قريب