فيروس كورونا المتطور يغلق مدينة ووهان الصينيه

[sara jsm]

ان الشي لي أتمناه الشخص لي مب متطعم يمنع من دخول المولات والدوائر الحكومية والمؤسسات حتى الميره وغيرها من الإمكان للأسف مادري الأشخاص لي معاندين انت وش تبغي تواصله ماينفع الكلام اللين معاهم عارف كلامي بيزعل منه ناس لكن نبغي نواصل اكبر نسبة علشان الحياة تعود طبيعية

انا اعرف ناس تدخل المطاعم والسينمات والمولات كلها باحتراز ذهبي لشخص آخر
وايد ناس متفقين على نظريه المؤامرة واكدوا هالشي عقب ماقالوا في جرعة ثالثه .. وان الموضوع صار تجاري اكثر من ماهو صحي ووقايه ..

[معماري قطري]

انا اعرف ناس تدخل المطاعم والسينمات والمولات كلها باحتراز ذهبي لشخص آخر
وايد ناس متفقين على نظريه المؤامرة واكدوا هالشي عقب ماقالوا في جرعة ثالثه .. وان الموضوع صار تجاري اكثر من ماهو صحي ووقايه ..

الموسمية تطعيمها ينتهي خلال سنة ولو يحتاج الواحد وقاية يطعم كل سنة

بعدين التطعيم الثالث ألحين بيعممونه في أمريكا للي أكملوا 8 شهور والناس فوق ال 85 وبينزلون للي فوق 60 على ما اذكر وباحط رابط الخبر .. لو بنتكلم تجارياً واقتصادياً شالأفضل لي كدولة أوفر وقاية وبرخيص مقارنة بالتكاليف لو انتشر الوباء والتكاليف اقتصادية وبشرية

ما ننسى على هذي الفترة خسرت الدولة كثير وحول 10% من سكان قطر أُصيبوا ولو هذي النسبة كانت في خلال شهر بدال ما هي ألحين بتكون مفرقة على مدى سنتين كان الوضع بيكون كارثي على المجتمع والفرد وعلى الدولة

[معماري قطري]

مسئلة الغش والتزوير ما فيه عقاب رادع ولا فيه تطبيق للقانون صارم وهذا واجب الجهات المختصة

[Rider]

انا اعرف ناس تدخل المطاعم والسينمات والمولات كلها باحتراز ذهبي لشخص آخر
وايد ناس متفقين على نظريه المؤامرة واكدوا هالشي عقب ماقالوا في جرعة ثالثه .. وان الموضوع صار تجاري اكثر من ماهو صحي ووقايه ..

وآلله ياختي مثل الناس يستاهلون السجن يدخل بالاحتراز غيره الشرهه على لي عطاه الاحتراز الخاصه به بالصراحة ممكن يكون هناك صعوبة لكن أتمنى مطابقة البطاقة الشخصية بالاحتراز عند دخول اي مكان

[معماري قطري]

كل دول الخليج اليوم مسجلين نتائج زينة

قطر لرابع يوم تقدم وبكرة احتمال كبير منغوليا تتعدانا في إجمالي الإصابات ونستوي رقم 86 على العالم وأكثر دولة في الخليج ترتيب دول صغار وسابقينا في عدد الإصابات

Qatar 233,567 +130 602 230,668 +219 2,297 24

نسبتنا مؤكد رجعت فوق ال 99% 99.0166% بالضبط تونا متعدين ال 99 وتوقعت قبل

[معماري قطري]

وآلله ياختي مثل الناس يستاهلون السجن يدخل بالاحتراز غيره الشرهه على لي عطاه الاحتراز الخاصه به بالصراحة ممكن يكون هناك صعوبة لكن أتمنى مطابقة البطاقة الشخصية بالاحتراز عند دخول اي مكان

هذا شيء يشجع على التجاوزات واستسهال الغلط ويخلي قابلية لعمل مشاكل أكبر .. تزوير البعض يعتبره بسيط وما يضر وبكرة بيستسهل أمور قوية وهذا أمر قوي بس مستسهلينه

الحل بسيط .. ياخذون عينات عشوائية واللي يشكون فيه ومن كل الجنسيات ومن يصيدون واحد يسحبونه سحب مكلبش لسيارة الشرطة ومنها للسجن حتى لو ليلة يحس بالوضع ويرتدع ولو كرر يكون عقابه أقوى .. ولازم يتم فحصه لو مصاب بعد يكون عقابه أكبر .. ذيك الساعة محد بياخذ احتراز غيره

[معماري قطري]

تغير الحالات والوفيات الاسبوعي يبشر بالخير وأعتقد خلاص في انحسار الموجة الأخيرة

World 4,036,493 4,608,618 -12% 62,354 69,068 -10%

12% هبوط للحالات و 10% هبوط للوفيات حول العالم

من ناحية أعداد الإصابات خلال هذا الاسبوع خليجياً تجي الإمارات رقم 1 محققة هبوط 1% وايد أقل من معدل العالم بس في الوفيات محققة 9 وفيات والاسبوع اللي قبله 15 وتحسن كبير 40% هبوط وجات رقم 59 على دول العالم من حيث أعداد الإصابات

59 UAE 6,866 6,936 -1% 9 15 -40% 10,031,344

الثانية خليجياً من حيث أعداد الإصابات تجي قطر ورقم 118 عالمياً بهبوط 18% نزول للأعداد 1185 بمعدل 169 رقم سيارة فلان والوفيات 1 ولا تغيير عن الاسبوع اللي قبله بس اليوم وفاة وأمس وفاة بكرة بيتحدث الجدول هذا وبيستوي التغير 100% زيادة

112 Qatar 1,185 1,445 -18% 1 1 0% 2,807,805

السعودية تجي ثالث دولة خليجية وكلش ارقامهم ما تمثل الواقع لأن وفياتهم وايد والإصابات شوي وفياتهم 46 والحالات الفعالة قريبة منا 2,463 بس الحرجة وايد 636 ما اعتقد عدد الإصابات الفعالة حقيقي ومؤكد العدد وايد أكبر

115 Saudi Arabia 1,142 1,871 -39% 46 49 -6% 35,452,933

الكويت محققة تقدم كبير بس بعد عدد الوفيات كبير صحيح أقل من قبل وايد .. إذا الإصابات 677 يطلع منهم 7 وفيات أو بالأحرى 7 وفيات من الحالات الفعالة اللي هي 1,851 وعدد 46 اصابة حرجة

133 Kuwait 677 1,302 -48% 7 11 -36% 4,345,025

البحرين مباشرة تحت الكويت في المرتبة 134

134 Bahrain 660 738 -11% 0 1 -100% 1,771,028

140 Oman 509 789 -35% 15 25 -40% 5,259,415

على ما يبدو أفضل الدول البحرين عمان صحيح أفضل في العدد بس وفياتها وايد وهذا دليل إن الأعداد الحقيقية أكثر

[معماري قطري]

30 دولة بين صغيرة وكبيرة وصلوا الهدف المطلوب من التطعيم قطر رقم 10 بينهم ووصلت ل 155.68 من ما يقارب 190 للوصول لتطعيم 95% من السكان والباقي اقل من 35 خلال ما تبقى من شهر 9 ممكن نوصل له ولو ما وصلنا نعتبر في أمان ولازم نتطلع لتعزيز التطعيم

اليوم محققين بعد تقدم والحالات المستجدة تقل ونتمنى تنزل تحت ال 100 وحتى تحت ال 50 بإذن الله

Qatar 234,093 +165 604 231,349 +222 2,140 21

نسبتنا استوت 99.0858% وتسلقنا للمرتبة 88 عالمياً في الحالات الفعالة الأقل ورانا السعودية بمرتبة وجدامنا الكويت في المرتبة 81 والبحرين فلت عنا في المرتبة 65 وعمان 120 والإمارات 130

[Rider]

كالعادة يطلع علينا الدكتور عبداللطيف بدل لا يعطينا أمل الحياة ترجع طبيعية يقول لن يصبح الوباء من الماضي لانه موجود في العديد من الدول حنا ماعلينا منهم اهم شي بلادنا ويقول التطعيم يشكل أهمية كبيره لكن ليس هو الحل زين شنو الحل في نظرك مب انتوا قلتوا نصل لنسبة معينه من التطعيم لكي تعود الحياة كما كانت وترد وتقول حتى لي أخذ التطعيم الجرعتين بعد مرور الوقت معرض لاصابة شديدة بكورونا والحين دخلتوا الجرعة الثالثة يعني هي الحل بدل تضيع الوقت ليش مايكون هناك علاج فعلا بدل لقاح الوهم لي فالنهاية نقلب تجارة

[سالم الزهران]

اتوقع يا أخ رايدر ان كورونا بيصير مثل الانفلونزا الموسمية بحيث يتوجب علي الجميع اخذ جرعة تنشيطية كل سنة على اقل تقدير.