وين انتي ووين انا انا ما اركب الا أرخص طيارة المربعة أُم مراوح كبار وشوي في حلا ( صدأ ) وتتطرقع وما يعرفون فيها الكمام حتى جاماتها يبطلونها للهواء الواحد يشم النسيمالمشاركة الأصلية كتبت بواسطة sara jsm
هههههههههههه بطولة
تدري مرة كنت حاجزة طيران داخلي في تركيا وراكبه فيرست تصدق ماخلوني انزل الكمام ..
نزلته شوي اشرب ماي .. جاتني المضيفه رفعي الكمام ومافي حد جنبي والطيارة فاضيه ..
بس الظاهر لعانهفاتحمل على عمرك واشترلك مروحة يدويه من دايسو حق الطريق
ههههههههه
هذه احسن طياره بالعالم . ام مراوح.
تُنسى ، كأنَّكَ لم تَكُنْ ..
ههههههههه طلعتي شريرة حتى صورة الطفل اللي يشبهني حطيتيها
والله يا اخوي شداد مب بيدي زمام الأمور قبل كنت قائد السفرة ألحين خلاص انتوا فصلوا وانا البس
الامور صارت احسن ،،رفع القيود من الاحد غدا،
ماتلاحظون ان العضو معماري قطري اختفى اخر مشاركه له 12 اغسطس ،،مش عوايده عسى المانع خير .
موجود وهو بخير وسلامة ويسلم عليكم قريب راجع
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
الحمد لله
هلا اخوي مبارك .. يا اخوي شردت من قطر في سفرة نقازية ثلاث أيام في بلاد وأطول فترة استقرار بس ست أيام ما يمديك تشوف حواليك وتعرف المكان بس حلو رياضة للي مثلي .. اللي لاحظته يمكن 95% من البشر ولا بمهتمين من كورونا بس بعض المطارات تطلب لبس الكمام وفي الطيارة الغالبية ينزلونه
كورونا يستوي ذكرى خلاص .. الحالات المسجلة للآن 614,412,414 تعادل بحدود 8% من سكان العالم وأشوف الدول سيطرت على الإنتشار سيطرة معقولة وهذا على الفترة الطويلة .. المنحنى ارتفع شوي ورجع ينزل وهو قريب من أدنى حالاته والحالات الفعالة عالمياً 14,462,872 تعادل 2% من اجمالي الحالات المسجلة وفي تناقص ولله الحمد والوفيات 6,518,336 تعادل 1% من إجمالي الإصابات يعني من 100 مصاب يتوفى 1 فقط ولله الحمد
عندنا في قطر الوضع وايد أفضل من دول كثيرة 682 وفاة من 437,709 إصابة بمعدل 0.1558% وما يقارب 15% من المعدل العالمي وهذا انجاز كبير للرعاية الصحية لكن نسبة الإنتشار 437709 من اجمالي السكان اللي وصل شوي فوق 2.9 مليون حالياً تعادل 15% وهي أعلى حول الضعف من الإنتشار العالمي 8% وانا أشوفها شفافية واحصاء متطور لأني متأكد في العالم حالات أكثر غير محصاة وغير مسجلة بسبب قلة الفحوصات
الذكرى الأطيب هي ذكرى إخونا خالد بن عبدالرحمن بن عيسى المناعي الله يغفر له اللي رحل عنا فجأة الله يسكنه جنات النعيم ويسكننا معه
ههههههههه ضحكت لين دمعت عيوني شريرة يا سين جيم بس ليشوفونها عيالي بيسوون لي سالفة وخصوصاً الحفيدة لطوف والثانية هيوه ما يعرفون عدل بس لو حد ترجم لهم مشكلة
ضوابط المشاركة
رد مع اقتباس