فيروس كورونا المتطور يغلق مدينة ووهان الصينيه

[معماري قطري]

سؤال يدور في بالي مع اول حالة اصابه عندنا في قطر ليش ماتم في نفس الحظة اغلاق المطار وعمل حظر تجول كامل لمده اسبوعين او ثلاثه وطبعا تعطل الدوائر الحكومية والمؤسسات بدل مب قاعدين نشوف الحالات يوميا وكانه الموضوع صار خارج السيطره بعد الاغلاق اسبوعين ممكن تفتح المطار للقطريين لي فالخارج يدخلون على طول الحجر الصحي ألزامي فالفنادق بذالك نكون قد سيطرنا على الوضع اما الان ناس اداوم وناس تطلع تشتري اغراضها من الصباح الى المساء غير اصحاب المحلات التي اغلقت اغلبه في سكن واحد وممكن انتقال العدوى بينهم

سؤالك جوابه عند بعض المسؤولين اللي كانوا يطلعون يقللون من الوباء وما زال بعضهم مثل رئيس القطرية .. كانوا يقولون متخذين احتياطاتنا .. شوي شوي تموا يتنصلون من المسؤولية ووقعوا ناس على الالتزام بالحجر المنزلي .. ومن يعطس مصاب في المنزل ما يبي له كلام بينتشر الفيروس في الجو وبيعادي اللي معاه .. نفس الوضع للي دخلوا فحصوا حرارتهم بس وشاركوا غيرهم السكن والشوارع والسيارات والمطاعم

اللي يحزن قطر قليلة السكان متفوقة على هونغ كونغ كثيرة السكان في أعداد المصابين

لازم نتعلم من هذي الكارثة الصحية كيف نتصرف في المستقبل وتكون عندنا ادارة أزمات متطورة وفي يدها تتخذ قرارات سريعة

[معماري قطري]

هونغ كونغ قريبة من الصين وبينهم جسر للسيارات وتنقل دائم .. شسووا ووشي احتياطاتهم لازم حد يدرسها حتى يتعلم ويكون مبتعث من الدولة وفي موقع مسؤولية يقدر يطبق .. إجراءات السلامة لازم مختصين يحددونها بشكل مسبق ويتم الرجوع لها في وقت الحدث

حولنا دول معتوهة مثل ايران ومفاعلاتها النووية البدائية على الخليج ومثل الجار الضار بلاد المؤامرات ومحطتهم النووية قرب حدودنا الجنوبية .. هل عملنا خطة لأي حادث نووي في هالدولتين ومدى تأثيره علينا؟ وشممكن نسوي حتى نقلل آثاره؟

الكوارث الطبيعية محد بمنأى عنها ولازم نحتاط لها

[مرتبش]

كان الأجدر يقولون ابتكار بتمويل قطري

عادي .. ربع أطباء امريكا هنود وإذا اخترعوا شي يقولون أمريكي .. المهم انها مؤسسة بحثية قطرية .
عن الانتشار وليش من اول حالة ماتسكر المطار .. اعتقد محد كان يدري بالطريقة المناسبة مثل ماتلاحظون كل الدول تعاملت تقريبا بنفس طريقة قطر بس الكويت كانت اسرع وعندهم الامور احسن حاليا من قطر .. السعودية قامت بحظر ومنع تجول وبتبان النتيجة بعد فترة.. مع تطور الاوضاع بدت الدول تتخذ اجراءات اكثر واظن الصحة العالمية لها توصيات وقطر تتبعها

[معماري قطري]

هونغ كونغ القريبة من الصين عدد وفياتها للمليون = 0.5 وقطر ارتفعت ل 1 .. نص عدد وفياتنا بالنسبة للمليون وعدد المصابين 845 وقطر 949 .. هذا شيء لازم يدرس والمستهتر أو المخطيء لازم يحاسب

[معماري قطري]

عادي .. ربع أطباء امريكا هنود وإذا اخترعوا شي يقولون أمريكي .. المهم انها مؤسسة بحثية قطرية .
عن الانتشار وليش من اول حالة ماتسكر المطار .. اعتقد محد كان يدري بالطريقة المناسبة مثل ماتلاحظون كل الدول تعاملت تقريبا بنفس طريقة قطر بس الكويت كانت اسرع وعندهم الامور احسن حاليا من قطر .. السعودية قامت بحظر ومنع تجول وبتبان النتيجة بعد فترة.. مع تطور الاوضاع بدت الدول تتخذ اجراءات اكثر واظن الصحة العالمية لها توصيات وقطر تتبعها

منقهر اني ما اشوف القطري مقدم وكله خاشينه

ذكرت سالفة بنتي خريجة 2018 هندسة كهربائية وبتقدير 3.04 اللي معاها خريجات بزنس وتقدير أقل خلصوا بعدها واشتغلوا وغالبيتهم حديثي التجنس .. الحمد لله توها تعينت وفي مكان محتاجينها من زمان بس ليش التعطيل حول سنتين ما ادري

القطري محارب وخصوصاً من قبل هذي الفئات ويمكن من القطري المسؤول اللي مجمع حوله أجانب

[مرتبش]

منقهر اني ما اشوف القطري مقدم وكله خاشينه

ذكرت سالفة بنتي خريجة 2018 هندسة كهربائية وبتقدير 3.04 اللي معاها خريجات بزنس وتقدير أقل خلصوا بعدها واشتغلوا وغالبيتهم حديثي التجنس .. الحمد لله توها تعينت وفي مكان محتاجينها من زمان بس ليش التعطيل حول سنتين ما ادري

القطري محارب وخصوصاً من قبل هذي الفئات ويمكن من القطري المسؤول اللي مجمع حوله أجانب

اتفق .. للاسف مافي مراقبة كافية.. المسؤول الصغير يسوي اللي يبيه واللي فوقه مايتدخلون.. مثال احد المسؤولين الصغار مايعطي تقدير ممتاز للموظفين بينما الاقسام الاخرى في الادارة تقديراتهم ممتاز لاغلب الموظفين .. الموظفين ينظلمون بهالطريقة الغير متساوية ويتم الوضع بدون تصحيح. . هذا مثال ونقيس عليه اذا المدير نظرته ان القطريين مب مال شغل او ان الغير قطري ممكن يستفيد منه اكثر ويظهر ادارته انها السوبر وهو سوبرمان

[معماري قطري]

اتفق .. للاسف مافي مراقبة كافية.. المسؤول الصغير يسوي اللي يبيه واللي فوقه مايتدخلون.. مثال احد المسؤولين الصغار مايعطي تقدير ممتاز للموظفين بينما الاقسام الاخرى في الادارة تقديراتهم ممتاز لاغلب الموظفين .. الموظفين ينظلمون بهالطريقة الغير متساوية ويتم الوضع بدون تصحيح. . هذا مثال ونقيس عليه اذا المدير نظرته ان القطريين مب مال شغل او ان الغير قطري ممكن يستفيد منه اكثر ويظهر ادارته انها السوبر وهو سوبرمان

المشكلة أوراقها قدمتها عند وزير ووعدني من شهر 10 2018 وأمر مدير مكتبه يصدر أمر تعيينها في المكان اللي يعجبها .. رحت معاها نشوف الأماكن اللي ممكن تناسب .. وقابلت مسؤول كان صديق قديم أيام الدراسة وهو بيكون مديرها وهو بعد مهندس كهرباء .. الوزير يعتبر مسؤوله ومسؤول هذا القسم يوم رحت له بعد ما دخلت البنت القسم مباشرة يقول انا مستغرب شلون تجيبها وتدخلها بدون ما تمر علي قبل .. قلت له انا هدفي اراويها وهي تقرر واحنا عندنا موافقة ومشكور ما تقصر بعدين صعبة امر بها بين المكاتب وهي تبي تشوف القسم اللي عندكم والبنات اللي بيشتغلون معاها

طلعت من عنده لكن شكله خيس نفسه ونوى ما يعينها .. مسألة مزاج .. تواصلت مع مدير مكتب الوزير وقال خلاص رفعت الطلب للجهة اللي تبغيها بس مديرها قال ما عندنا مكان حق بنات .. عينك عينك يكذب .. رجعت كلمت الوزير قال ما عليك ان شاء الله بتتعين وصبرت لين تغير مديرها ورحت للمدير الثاني وطلع رفيج من ال 1979 وخدمنا مع بعض كطلبة في الجيش ومن خريجين أمريكا بعد هندسة كهربية وما قصر كتب طلب لتعيينها ولازم يمر في قنوات رسمية ودوخة تحتاج صبر .. شوي طلع قسم ثاني فيه مشاريع بس غير عن الأول والحمد لله توفقت معاهم وتم تعيينها بس بعد دوشة ودوخة كل هالوقت هذا والواسطة موجودة وهي قطرية لكن اللي استغرب منه هذا التأخير

ما دام أقسام محتاجه خريجين متفوقين وادارات كثيرة محتاجين خبرات قديمة ليش ما ينطلب القطري ويركضون ورا الأجنبي والا يحصلها قطري حتى مؤهلاته أقل وهذا يخليني محبط من اللي يصير واعبر عن احباطي والا أكيد الكلام صحيح انجاز من عملوا في قطر وبتمويل قطر يحسب لقطر

[وسمي2016]

منقهر اني ما اشوف القطري مقدم وكله خاشينه

ذكرت سالفة بنتي خريجة 2018 هندسة كهربائية وبتقدير 3.04 اللي معاها خريجات بزنس وتقدير أقل خلصوا بعدها واشتغلوا وغالبيتهم حديثي التجنس .. الحمد لله توها تعينت وفي مكان محتاجينها من زمان بس ليش التعطيل حول سنتين ما ادري

القطري محارب وخصوصاً من قبل هذي الفئات ويمكن من القطري المسؤول اللي مجمع حوله أجانب

,,,,,,,,,,,

مردهم يعرفون قيمة المواطن,,,,,,,,,

,,,,,,,,,مع احترامي الشديد لكل المقيمين,,,,,,,,,,,,

حنا هلك يا دار يوم الشدايد,,,,,,,,,,,

[Rider]

ايضا عندي ملاحظة اخرى على الدول لي تطبق حظر التجول الجزئي فالليل اقعدوا فالبيوت النهار لكل مختلط بالثاني في مراكز التسوق يعني كانك ايو زيد ماغزيت يعني تحسسونا انكم بتصيدون الفيروس فالليل

[معماري قطري]

ايضا عندي ملاحظة اخرى على الدول لي تطبق حظر التجول الجزئي فالليل اقعدوا فالبيوت النهار لكل مختلط بالثاني في مراكز التسوق يعني كانك ايو زيد ماغزيت يعني تحسسونا انكم بتصيدون الفيروس فالليل

ههههه توني ادري انه يطلع بعد الصبح