الله المستعان نتمنى من الله أن تكون الكارثة في طريقها للتلاشي وترجع الحياة طبيعية نفس قبل ، أنا بعد رحت أوريدو فرع لولو المطار أمس أجيب نماذج ووقفت السيارة بجانب الباب القريب من أوريدو حتى ما أمشي كثير فيه وبمجرد دخولي جاني تنبيه مختلف شوي ، إنتبه أنت بالقرب من شخص محظور !
أنا أشوف فيه عندنا شوية أمور تحتاج ضبط وهي الحكومة تتعامل برقي وتتمنى من الناس تتعامل بنفس الإسلوب ، يعني تبيهم يتعاملوا مع الأزمة بمسئولية ما يحتاج أحبسك أو أمنعك بس بالمقابل انت لا تطلع إلا للضرورة ..
لكن ! فيه إجراءات أشوفها تزيد الطين بلة مثل مسئول أوريدو موقفني طابور قلت له لا تخليني أنتظر وأسبب لك زحمة ولي فرصة إصابة عطني نموذج وبمشي قال لا وقف واطلب النموذج من الموظف ، كلمت السوبر فايزر قالي لي نفس الشي ..قلت له يا خي انت الحين برسالتكم جاتني رقمك كذا يرجى الحفاظ على مساحة التباعد بالقاعة ..وانت الحين تساعد على التجمع ..المهم رفض ..
الخلاصة بعض من التعاون من المسئولين والموظفين تساعد في تقليل فرص الاصابات .. أنا أشوف السناب أحزن من مشاهير السوشيال ميديا وأسميهم ( مساعير ) السوشيال ميديا ،، قاعدين يطالبون بفتح مطاعم الوسيل والمحلات اللي بالغرافة ..وشمعنى تسوي هالشي وتتجاهل هالشي ..وقاعدين يحمسوا الشعب على الخروج ..واحد لابس كمامة وهو يصور ويقول لك أنا بس طالع أطلب كوفي وراجع ومصور مطعمه ,,وواحد يقولك اطلب كاريدج يجيبلك من المطعم ولا تتعب نفسك يعني يسوق لمطعمه وما عنده مشكلة الاختلاط بسواقين كاريدج وطلبات ولا الخروج من المنزل .. والأدهى واخد مركب جنبه واحد بدون كمامة وقاعد يدخن وقاعد ينصحهم نصائح وقائية !