اللي يشوف حركة المؤشر الفترة القصيرة الماضية يقول انه طايح من تل جبل ثلجي وفي وادي سحيق نازل ... استغفر الله العظيم من كل ذنب عظيم
وصل الهبوط حوالي 1000 نقطه
من 10700 الى 9700 و ما نشوف اي بوادر للإرتداد
بالعكس مع التوزيعات القادمة يمكن يغرق زيادة
الجلسه 21 باللون الاحمر !!
تم التخارج بما يقارب ال40% الى الان...و ربنا يسهل الامور ونزيد كمان التخارج بأقل ما يمكن من الخسائر ..!
اسهم تتداول في قمم و هبوطاتها هامشيه الى حد ما..بينما اسهم تتداول في قيعان تزداد غرقا ضاربه بكل الاسس الفنيه و الاساسيه و النتائج عرض الحائط!
لاإله إلا أنت سبحانك إني كنت من الظالمين
عندي 250 الف ريال مخبيها حق سهم الاجارة وذالك لتعديل الافرج ،،،،
لكن دام الكل متشاءم الانتظار افضل
الصبر جميل
البيع بالاسعار الحالية لاسهم القيعان تلبية لبعض اراء صغار المضاربين المتسخطين انصح بعدم الاصغاء اليه
لاتبيعوا بضاعتكم بابخس الاسعار والسوق باذن الله له ارتداد مجزي
دوام الحال من المحال
اذكر احد الاخوه اتصل فيني واخذ رايي بتصفية البنك الاول بعد وصوله لمستوى 0.7 وانه يأس وتعب نفسيا وقرر يبيع كمياته لان تداول السهم يوحي بخساره وافلاس وووووو
وقلت له بالحرف الواحد هذا ضرب من الجنون والسهم له ناسه وبيرتد قريبا خصوصا ان البنك بدا مشوار الربحيه وعلى الاقل اذا رجع لمستوى الريال صرف كميتك مب بهالاسعار مع الاخذ بالاعتبار ان عدد الاسهم تقلص وأي ارتداد سيكون مجزي
والحمدلله قدر يصرف كميته باقل الخساير ولو صبر الى سعر اليوم كان وضعه افضل
التاريخ يعيد نفسه
كلامي موجه لصغار المستثمرين وليس المضاربين في موجات الهبوط
اتوقع ان يفاجأنا السوق بارتداد عمودي قد يسبب للبعض احباط لمن فرط باسهمه بابخس الاسعار
تقبلوا رايي الخاص والله اعلم
و في المقابل في ناس انتظرت سنييييين و للحين ما رجعت راس مالها ، و يمكن خسرت اكثر ، عشان كذا في شي اسمه وقف خساره
انا مب مع تقديم النصيحه لاحد سواء بالبيع او الشراء
اذا خسر سهمه زياده محد راح يتحمل خسارته
الله يجيب الارتداد ، و اللي باع يقدر يشتري مره ثانيه مب طايره الاسهم
على ارتفاع اليوم اللي يقارب 0.7% انا محفظتي منحوسة اليوم استمرار للنزول 0.16%