موضوعك فيه فكرة جيدة بس لو سمحت ابغي اضيف ما يلي:
لكي يستحق الزوج المديون المساعدة في دفع نفقات الطلاق لابد انه يكون عنده أسباب مقنعه و معقوله و تعترف فيها الزوجه و هالاسباب هي اللي أدت الى الطلاق مثل تقصير منها و هي تقر بذلك و انه وصل معها لطريق مسدود مع اثبات كل المحاولات الصادقة في رأب الخلل و الإصلاح بس ما في فايده منها..... يعني مب يجي يقول انا ابي اطلق بدون أسباب مقنعه و ابغي الدولة تساعدني
مب معقول يكون مديون و يعرف كوارث الطلاق و تبعياته و يبي يطلق و يبي الدولة تساعده و بعدين يبي يتزوج و أيضا يبي الدولة تساعده..... لازم يمد ريوله على قد لحافه
أيضا الزوجه لكي تستحق تعويضات الطلاق لازم ينطبق عليها ما ذكر بالاعلى يعني مب تبي تتطلق لاسباب تافهة و بعدين تأخذ كل التعويضات و بعدين تروح تتزوج واحد ثاني و تعيد الكرة.... بتصير تجارة مربحه لا سمح الله
الخلافات بين الأزواج تكون بالجملة بس يبقى في مجال للإصلاح لانهم عايشين تحت سقف واحد بس لما يصير الطلاق تخرج المسألة عن السيطرة ولا في أي عشم بين الأزواج لرأب الصدع لانه ما عاد في شي يخافون عليه انهم يخسرونه .....خلاص خطر الطلاق اللي قد يحدث و قد لا يحدث تحول لمشكله حقيقيه واقعية و بتصير المشاكل و المكائد و تكسير العظام ... و ينسون الفضل بينهم ولا كأنهم في يوم من الأيام كانوا ازواج و احباب و لا يرتاح احدهما من الاخر الا لو حمل الاخر لقب المرحوم او المرحومه