الثروة المالية لدول الخليج قد تنفد خلال 15 عاما

[ابو عبدالله.]

قلت لك من قبل خلنا نسوي كونتينرات و سوق انترناشونال ماركت ع طريق الوكره و مطاعم اشكال و الوان بالكونتينرات بنغتني و نملين ههههه

[معماري قطري]

كلامك صحيح

صح بدنك

[معماري قطري]

اخوي معماري مع اني اتفق معاك بكثير من التعليقات لكن متفاجئ من هذا التعليق

ما بقول غلط لكن الكلام مسترسل بكذا نقطه

ما اقدر اعلق عليها كلها لكن بسألك

الشركات المساهمه فيها جمعيه عموميه لحمله الاسهم و اذا في خطأ بالمستندات. تنحط ع الطاوله او يبلغ عنها هيئه الشفافيه وحتى بالنيابه. صح

الدوله من سنوات حددت نسبه توزيع مكافآت مجالس الادارات يعني ما في نصيب الاسد من الارباح

تمنيت لو حددت آلية مساءلة للأموال اللي تسربت من كثير من الشركات ومب غلط أقول عن المتحدة والأول والدولية والسلام والقائمة طويلة .. تمنيت لو يكون فيه تدقيق في تعاملات هذي الشركات كلها وطريقة طرح المناقصات هل تتبع لجنة المناقصات المركزية والا رئيس مجلس ادارتها يوقع مع الشركة اللي تعجبه .. تتقيد نسبة المكافأة لكن ما تنحط تعاملات الشركة تحت المجهر هنا المشكلة الكبرى


التاجر الكبير صحيح يفوز بحصه من السوق. لكن يخسر ايضا. حاله حال المستثمر الصغير و الوافد مش كلهم ربحانين و وايد يخسرون. مش شفنا البعض ناجح. يعني كلهم ناجحين

كلام صحيح بس الكبير يشتغل في مجالات كثيرة ويخسر مشروع عنده غيره يشيله وفي يده يفتح ألف مشروع صغير .. صدقني بعضهم حتى في صيد السمج وبيعه دخلوا وحتى حلاليق فتحوا .. الصغير راسماله مشروع صغير ومؤرقه وشافط ميزانيته وهذا يستحق شوي تتسهل أُموره

جاني مرة أحد التجار وكان ما اقول صغير .. اخطبوط ما خلى شيء ما دخل فيه عطاني عرض لمبنى بيكلف بحدود 100 مليون صراحة نسيت الرقم بالضبط كم .. عرض تفاصيل كثيرة وكان بينبني في فترة قياسية ادارتي محتاجة للسرعة .. وكان بينبني بطريقة تصميم وتنفيذ واللي حبيته انه عارض مكتب التصميم مكتب درجة اولى وقوي جداً لي تجارب حلوة معاه .. خذت العرض اللي كنت مكلف اشتغل على استدراجه وركضت لمسؤوليني وعجبهم لكن وقف عند واحد كان مصدق وواصل هو إعترض .. ولف ودار وقال شركة تركية بتسويه ومضمونة .. والتكلفة كلها 350 مليون .. ثلاث أضعاف ونص تقريباً .. طلعت الشركة التركية شريكة لشركة قطرية مرضي جداً عنها ومن فوق مفروضة فرض .. يعني شغلي انا كله كان زوبعة في فنجان والأخطبوط هذا حتى وان كان قوي كله الحوت الكبير ولا اعتقد شركته مشت وأكيد سكرها لأن له فترة طويلة الموضوع فشلون تبيني اصدق إن شركة صغيرونة تقدر تقارع في هذا السوق

مثل ما الوافد له طرق رسميه لفتح تجاره ايضا للقطري طرق رسميه و اسهل بعد لا ضريبه ولا منع من نشاطات معينه مثل الشاحنات و الوافد ما يقدر يعطي اسمه للغير عشان يفتح تجاره. القطري هو الي يعطي اسمه للوافد

الاراضي الصناعيه و اللوجستيه و الي اضطروا يبيعون. هذا امر وارد و التأخير قد يحدث في انشاء البنيه لهالمناطق. و اذا حد فكر يدخل القرعه لارض لازم يكون حاسب حسابه و مخصص الموارد لاي تقلب ممكن يحدث


اليوم كنت في مجلس يذكرون شخص ماخذ أرض كبيرة 22000 متر مربع وتورط بها ويتمنى يبيعها براسمالها وللحين يعرضها ولا حد بيشتري ببساطة لأن تكاليفها الجارية عالية وصعب يبنيها ويخلصها بسهولة وهذا وهو مقتدر

و على فكره. في تجار كبار دفعوا فلوس عشان عدلون اراضي التوزيع ولما صرفوا اربعه مليون تم استرجاع الاراضي و عمل البنيه لهم و وضعها بالقرعه

ايضا التاجر الكبير خسر دام ما جهز نفسه لاي طارئ

هنا مربط الفرس والمثال السابق واقعي لتاجر كبير أيضاً .. إذا التاجر الكبير تورط وعرف إن المشروع هذا مكلف بدون أُفق لمردود يسترجع تكاليفه قرر يبيع ويشرد .. العيب من منه غير من ادارة المشروع ككل

هالامور وارده جدا و التجاره ع هالمستوى فيها مخاطر ربح و خساره

الموظف العادي المفروض يبدأ التجاره بما لا يعرضه للخساره مش يشطح لاراضي لوجستيه يبي لها تعمير و قرض تنميه بالملايين ياخوي بعضهم حتى قيمه دراسه الجدوى المقدمه لبنك التنميه ما عنده قيمتها

و اعرف واحد استلم ارض صناعيه وهو براتب جينير حكومي و ضل اربع سنوات يدفع ايجار لها و دراسه جدوى لين وصل 240 الف ريال و وقف لان ما عنده ضمانات لقرض صناعي دام ما تقدر ليش توهق عمرك

يسوون كل شيء للمتقدم للاستثمار ويخلونه بدون ضمان لقرض صناعي بالله عليك هذي تسميها ادارة مشروع لوجستي ناجح وصج يبون يشجعون الطاقات الشبابية؟
معارض السيارات ما اعرف موضوعها فما بعلق

اسواق السمك. او المركزيه كلن افتى فيها. لكن. خلنا نشوفها بنظره ثانيه

وزعوها عشان ما تكون قريبه جدا من المساكن. عشان ما يشتكون خلق الله مثل ما كانوا يشتكون عشرات السنين من المركزي القديم


و بعد فرصه لتوزيع السكان للمناطق الخارجيه و ترغيب في الاراضي الحكوميه الموزعه بتلك المناطق القريبه من الاسواق المركزيه

هذا اللي يسمونه العرب قديماً عُذر أقبح من ذنب .. علشان يبعدون الروائح عن منطقة سكنية قطوا هذي الأسواق في مناطق سكنية ثانية لا وبعيدة والأُولى كانت مركزية وقريبة للكل

الروائح يا اخوي لها حلول ولها طرق علمية وتصاميم مثل ما كيفوا الملاعب يقدرون يسوون حضائر مغلقة ومثل ما سووا مواقف تحت الأرض يقدرون يسوون مقاصب وحضاير تحت الأرض ومكيفة بعد ولعدد استهلاك مناسبة وحدة ويوم واحد وكل يوم يجيبون من مزارع بعيدة .. يجيبون قبل الفجر حتى .. الحلول موجودة وسهلة ومنطقية بس مخلين كل شيء للكورة وناسين أُمور كثيرة مهمة

[SouthK]

نضوب الموارد المالية سيتسبب في مشاكل مخيفة جدا و يهدد أمن المواطنين و حتى الاستقرار العام للمنطقة .. أدري هذي البعض يعتبرها مبالغة و يمكن كلام ما يستوعبه الكثير لكن الخلل في التخطيط من بداية ظهور النفط و إلى اليوم قائم على مزاجية اصحاب القرار واللي هم (على الاقل سابقا) كانوا ذوي خبرات محدودة و تفكير غير عميق و ما اظن ان كان شي يخيهم يغيرون طريقة تفكيرهم في اتخاذ القرارات التنموية ..

متطلبات الحياة و ظروفها لا شك افرزت انماط و افرضت استراتيحيات قد يكون صعب مسايرتها و التوفيق بينها و بين المطالب الشعبية و الخطط التنموية لكن كل هذا كان ممكن تجاوزه بالتفكير الاستراتيجي السليم من بداية ظهور موارد مالية ضخمة.

هذا لا يقلل من قدر أو مكانة أي شخص لكن لو كان في تفكير بعيد المدى ما كان ظهر تقرير مشابه و ما كان أحد يفكر في أي خطط تنمية أو تنويع لمصادر الدخل أو حتى مجرد التكهن بأي صعوبات اقتصادية .. نعمم و لا نحدد!

[معماري قطري]

نضوب الموارد المالية سيتسبب في مشاكل مخيفة جدا و يهدد أمن المواطنين و حتى الاستقرار العام للمنطقة .. أدري هذي البعض يعتبرها مبالغة و يمكن كلام ما يستوعبه الكثير لكن الخلل في التخطيط من بداية ظهور النفط و إلى اليوم قائم على مزاجية اصحاب القرار واللي هم (على الاقل سابقا) كانوا ذوي خبرات محدودة و تفكير غير عميق و ما اظن ان كان شي يخيهم يغيرون طريقة تفكيرهم في اتخاذ القرارات التنموية ..

متطلبات الحياة و ظروفها لا شك افرزت انماط و افرضت استراتيحيات قد يكون صعب مسايرتها و التوفيق بينها و بين المطالب الشعبية و الخطط التنموية لكن كل هذا كان ممكن تجاوزه بالتفكير الاستراتيجي السليم من بداية ظهور موارد مالية ضخمة.

هذا لا يقلل من قدر أو مكانة أي شخص لكن لو كان في تفكير بعيد المدى ما كان ظهر تقرير مشابه و ما كان أحد يفكر في أي خطط تنمية أو تنويع لمصادر الدخل أو حتى مجرد التكهن بأي صعوبات اقتصادية .. نعمم و لا نحدد!

صحيح اشوف في بعض الدول حولنا رجعوا للجاهلية الأُولى من تهديد وقطع طريق وعودة للبغاء والخمور والاعتداءات والحروب والظاهر هذي نتائج الفقر اللي أدخلوا نفسهم فيه

[ابو عبدالله.]

هذا اللي يسمونه العرب قديماً عُذر أقبح من ذنب .. علشان يبعدون الروائح عن منطقة سكنية قطوا هذي الأسواق في مناطق سكنية ثانية لا وبعيدة والأُولى كانت مركزية وقريبة للكل

الروائح يا اخوي لها حلول ولها طرق علمية وتصاميم مثل ما كيفوا الملاعب يقدرون يسوون حضائر مغلقة ومثل ما سووا مواقف تحت الأرض يقدرون يسوون مقاصب وحضاير تحت الأرض ومكيفة بعد ولعدد استهلاك مناسبة وحدة ويوم واحد وكل يوم يجيبون من مزارع بعيدة .. يجيبون قبل الفجر حتى .. الحلول موجودة وسهلة ومنطقية بس مخلين كل شيء للكورة وناسين أُمور كثيرة مهمة

مساك بالخير

ما بتكلم عن جهات لكن نرجع و نقول ان هناك طرق قانونيه لايصال اي فساد او سوء اداره للنظر فيها

الاسواق ما حطوها بالقرب من مساكن المناطق الجديده. هي قريبه منها لكن بمجال اوسع و مش مثل سلبيات السوق القديم

التاجر الكبير صحيح. يمكن مثل الاخطبوط لكن بعد لازم نعطيه ايجابيه. و انه بدأ من زمان و تعلم التجاره بأقسى الطرق فما نحطه بأنه اكل السوق. هذه تجاره و كل الدول فيها تجار كبار و صغار

كم تاجر افلس سمعت عنه مع انه شاطر و عارف السوق

ما انباعت وكاله سيارات بسبب الافلاس

ما خسر تجار ثرواتهم بسبب الازمه الماليه و رجوا بربع ثروتهم السابقه

في ميزان ألهي يسمونه ازمات ماليه. في ناس تطلع و ناس تنزل. عشان ما نقول التجار الكبار اكلوا السوق وما في فرص ابدا


عن اللوجستيه. اكيد في ضوابط و ضمانات بنكيه. وما يصير واحد بلا ضمانات يجرب يسوي مشروع لوجستي بس برغض التجربه

الدوله غير مسؤوله تفرخ تجار الدوله توفر بيئه تجاريه ومن يقدر يحقق المتطلبات يتفضل ياخذ و بالقرعه

اخوي معماري. انا نفسي كنت ابي ارض لوجستيه. لكن بسبب المتطلبات و قرض كبير ما حبيت اخاطر. حتى لو كنت شبه متأكد من القدره الماليه. هذه ما فيها لعبه. هذه الغلطه ان صارت. ترجعك 20 سنه ورى. و تحرمك من الفرص المستقبليه لتطوير المدخول

اللوجستيه لها اغراضها المحدده و مستهدفه تجاره و صناعه بمستوى معين. مش لاي حد عشان يجرب


بعض الامثله الي ذكرتها ما بعلق عنها. مثل المبنى بو مئه مليون او الارض 22000 متر
اذا تعتبر المبنى و القصه فيها شبهه او فساد عمرك سمعت عن بلد ما تصير فيه امور مشابهه على الاقل عندنا الشفافيه اعلى من دول كثيره و اقل بكثير من غيرنا

سالفه الارض هذه قرار للتاجر و دخل التجربه و ما نجحت و هذه راجعه له و في غيره مشت معاه مضبوط و نجح

انا اعتبرها تجارب شخصيه ما نعممها للكل مثل اننا ما نعمم اي نجاح بأن اي حد بيتاجر أكيد بينجح

بيئه التجاره عندنا افضل من باقي الدول. لا احد ياخذ عليك اتاوه ولا يقاسمك رزقك بالقوه ولا يدفعونك ضرائب

الافراد هم الي يطورون حالهم تجاريا مش يجربون و بس عندك ناس توها حاصله ع الجنسيه و الان تجار و مستفيدين من فرص كثيره لانهم كانوا في بيئات و دول سابقا صعب يتاجرون فيها الكبير ياكل الصغير لكن اهني حقوقهم محفوظه و عقولهم تجاريه

بالمقابل. في قطريين بالولاده ما عندهم الحماس لتطوير وضعهم المالي او التجاره. مع ان الفرص كانت جدامهم من سنين

اراضي المزارع كانت بوضع اليد لين الثمانينات محد اقتنصها او نقول قله قليله

العزب تعال و حط عزبه. وقليل الي سووها

الاراضي كانت ببلاش قليل الي فكروا يستملكون مع ان قيمتها كانت بالعشرين و الثلاثين الف 900 متر

كثير أجروا بيوت لسنوات طويله ينتظرون ارض الاسكان و قله فكروا يشترون فله صغيره بالاقساط خلال هالفتره مع انها كانت مجزيه و قيمه الايجار تسد القسط خلال خمس سنوات و اقل

كم قطري فوت هالفرص تعرفهم انا اعرف وايد و اقول اغلبيه من اعرف

الحين قلت هالفرص لكن التجاره بابها مفتوح و فرصها كثيره و العالم صار قريه و ممكن تاخذ ابسط شغله و حصريه بيعها كوكاله و تفتح عليها بزنس

اعرف شباب تشاركوا و اخذوا وكالات لمعدات معينه و محد بقطر يقدر يقلد منتجاتهم و قدموا على احد الاسواق و فازوا بمحلين لان فكرتهم جديده و تدخل في امور تراثيه و حرفيه و مطلوبه بشكل كبير

الحين تبي هالاغراض تروح عنده بس محد غيره بيوفرها لك او عن طريق موزع له

مثل هذولا. ما شطحوا لارض لوجستيه تبي دراسه جدوى و قرض بضمانات بكم مليون. بدأوا صح و بما تسمح لهم حدودهم الماليه بدون مخاطر


انا اسوي نفس الشيء. بدأت بأمور بسيطه لكن لها سوق قوي و مدخولها جيد مقابل رأس المال و قليله المخاطر مع اني اقدر بحول الله ان ادخل في موضوع اللوجستيه. لكن مع مخاطر ممكن ترجعني عشرين سنه ورى لو حصل خطأ او تعثر

[ابو عبدالله.]

انا اشوف ان الي يبي يتاجر و يعدل وضعه ممكن يبدأ بأمور عنده شغف لها. او هوايه يحبها و عارف معلوماتها حتى لو اعمال حرفيه. نجاره سباكه حداده.

ممكن يحط له نجار او حداد و يسوي و يعرض وكل هالامور لها سوق قوي و كثير من الاسيويين لاعبين فيها لعب و يبالغون في اسعارهم و الناس تدفع بالالاف لعمال بسيطه

شرايك معماري ان عندي حرفي. جلس في بيت قريبي شهرين يسوي له شغلات و بتكلفه بسيطه مقابل الاسعار الي لقاها عند الاسيوين و فوق هذا دفع لي 6 الاف ريال

و الحين مكلمني عشان يسوي شغلات ثانيه بعد

اعتبره زبون و الحرفي يروح له ع فترات دامت شهرين و خلال هالشهرين انا ايضا خليته يسوي شغلات ثانيه و بعتها بأكثر من 6 الاف. يعني الاجمالي 12 الف خلال شهرين

هذا غير اني اعتذرت من كذا شخص طلبوا شغلات اسويها لان ما عندي وقت و حرفي واحد

الحين ان الله وفق بتوسع و بجيب شخص ثاني يساعده

على فكره. صار الحرفي بسمعه بالعيله ع السعر و الثقه و الشغل النظيف مش شغل آسيويين و اي كلام و غالي

صرت افكر افتح محل يا ريال رسمي

[معماري قطري]

مساك بالخير

ما بتكلم عن جهات لكن نرجع و نقول ان هناك طرق قانونيه لايصال اي فساد او سوء اداره للنظر فيها

الاسواق ما حطوها بالقرب من مساكن المناطق الجديده. هي قريبه منها لكن بمجال اوسع و مش مثل سلبيات السوق القديم

التاجر الكبير صحيح. يمكن مثل الاخطبوط لكن بعد لازم نعطيه ايجابيه. و انه بدأ من زمان و تعلم التجاره بأقسى الطرق فما نحطه بأنه اكل السوق. هذه تجاره و كل الدول فيها تجار كبار و صغار

كم تاجر افلس سمعت عنه مع انه شاطر و عارف السوق

ما انباعت وكاله سيارات بسبب الافلاس

ما خسر تجار ثرواتهم بسبب الازمه الماليه و رجوا بربع ثروتهم السابقه

في ميزان ألهي يسمونه ازمات ماليه. في ناس تطلع و ناس تنزل. عشان ما نقول التجار الكبار اكلوا السوق وما في فرص ابدا


عن اللوجستيه. اكيد في ضوابط و ضمانات بنكيه. وما يصير واحد بلا ضمانات يجرب يسوي مشروع لوجستي بس برغض التجربه

الدوله غير مسؤوله تفرخ تجار الدوله توفر بيئه تجاريه ومن يقدر يحقق المتطلبات يتفضل ياخذ و بالقرعه

اخوي معماري. انا نفسي كنت ابي ارض لوجستيه. لكن بسبب المتطلبات و قرض كبير ما حبيت اخاطر. حتى لو كنت شبه متأكد من القدره الماليه. هذه ما فيها لعبه. هذه الغلطه ان صارت. ترجعك 20 سنه ورى. و تحرمك من الفرص المستقبليه لتطوير المدخول

اللوجستيه لها اغراضها المحدده و مستهدفه تجاره و صناعه بمستوى معين. مش لاي حد عشان يجرب


بعض الامثله الي ذكرتها ما بعلق عنها. مثل المبنى بو مئه مليون او الارض 22000 متر
اذا تعتبر المبنى و القصه فيها شبهه او فساد عمرك سمعت عن بلد ما تصير فيه امور مشابهه على الاقل عندنا الشفافيه اعلى من دول كثيره و اقل بكثير من غيرنا

ما قصدت لا شبهة ولا فساد .. القرار كان استدراج عروض للحالة المستعجلة ثم تغير لمقاول خارجي بما يزيد عن 3 أضعاف التكلفة اللي محصلها محلياً .. والمبنى ما كان خارق وصعب بناؤه .. السالفة ذكرتها وكثير تصير عندنا لأن ابغي اعرض مثال للمقاول ووراه التاجر اللي يتعب في تأسيس شركة وبعدين مهما يحاول ينافس يجيه واحد من فوق ويسعر أضعافه وياخذ الشغلة وهو يضحك

انا ما تهمني هذي الإجراءات وعندي قناعة اني ما اقدر افتح مكتب استشاري مهما يكون قوي والبلاد فيها كم مكتب هم اللي ماكلين الخضر واليابس .. ببساطة لو فتحت على مستوى ابغي مشاريع تضمن تدفق مالي لموظفيني لكن اشوف الأُمور ماشية كذا اتراجع واقول مطعم صغير والا صندقة والا كشك أفضل لي .. مع إنه مجالي وعندي المقدرة المالية والفنية حتى ما افتح مكتب واحد 10 ممكن

أرض اللوجستية تورط فيها واحد صحيح ما حسب حساب بكم بيبنيها وطلع محتاج ل 70 مليون وشاف على الواقع امكانية التشغيل والنجاح بعيدة .. الخطة في وادي والواقع في وادي في بلاد ثانية

سالفه الارض هذه قرار للتاجر و دخل التجربه و ما نجحت و هذه راجعه له و في غيره مشت معاه مضبوط و نجح

انا اعتبرها تجارب شخصيه ما نعممها للكل مثل اننا ما نعمم اي نجاح بأن اي حد بيتاجر أكيد بينجح

بيئه التجاره عندنا افضل من باقي الدول. لا احد ياخذ عليك اتاوه ولا يقاسمك رزقك بالقوه ولا يدفعونك ضرائب

الافراد هم الي يطورون حالهم تجاريا مش يجربون و بس عندك ناس توها حاصله ع الجنسيه و الان تجار و مستفيدين من فرص كثيره لانهم كانوا في بيئات و دول سابقا صعب يتاجرون فيها الكبير ياكل الصغير لكن اهني حقوقهم محفوظه و عقولهم تجاريه

بالمقابل. في قطريين بالولاده ما عندهم الحماس لتطوير وضعهم المالي او التجاره. مع ان الفرص كانت جدامهم من سنين

اراضي المزارع كانت بوضع اليد لين الثمانينات محد اقتنصها او نقول قله قليله

العزب تعال و حط عزبه. وقليل الي سووها

الاراضي كانت ببلاش قليل الي فكروا يستملكون مع ان قيمتها كانت بالعشرين و الثلاثين الف 900 متر

كثير أجروا بيوت لسنوات طويله ينتظرون ارض الاسكان و قله فكروا يشترون فله صغيره بالاقساط خلال هالفتره مع انها كانت مجزيه و قيمه الايجار تسد القسط خلال خمس سنوات و اقل

كم قطري فوت هالفرص تعرفهم انا اعرف وايد و اقول اغلبيه من اعرف

أكيد الفرص موجودة والحياة فرص وانا عايشت اللي تقول عنه من استملاك أراضي بوضع اليد وكانوا شيابنا رحمة الله عليهم يستملكون من الستينات بس ما يطمعون في شيء كبير جداً .. وجات فترة الأراضي رخيصة وتباع ب 15000 ريال في العزيزية ومعيذر ومن فترة ليست بالطويلة 300000 ريال في الوعب وما كنت اتخيل الوعب بتكون هشكل .. بيوت على الشارع انباعت ب 600 الف وألحين تحولت عيادات ايجارها السنوي يزيد عن هذا المبلغ

الحين قلت هالفرص لكن التجاره بابها مفتوح و فرصها كثيره و العالم صار قريه و ممكن تاخذ ابسط شغله و حصريه بيعها كوكاله و تفتح عليها بزنس

اعرف شباب تشاركوا و اخذوا وكالات لمعدات معينه و محد بقطر يقدر يقلد منتجاتهم و قدموا على احد الاسواق و فازوا بمحلين لان فكرتهم جديده و تدخل في امور تراثيه و حرفيه و مطلوبه بشكل كبير

الحين تبي هالاغراض تروح عنده بس محد غيره بيوفرها لك او عن طريق موزع له

مثل هذولا. ما شطحوا لارض لوجستيه تبي دراسه جدوى و قرض بضمانات بكم مليون. بدأوا صح و بما تسمح لهم حدودهم الماليه بدون مخاطر


انا اسوي نفس الشيء. بدأت بأمور بسيطه لكن لها سوق قوي و مدخولها جيد مقابل رأس المال و قليله المخاطر مع اني اقدر بحول الله ان ادخل في موضوع اللوجستيه. لكن مع مخاطر ممكن ترجعني عشرين سنه ورى لو حصل خطأ او تعثر

كلامك صح بخصوص المخاطر وهذا إحنا نخاطر في استثمارنا بسهم لمعته لنا جهات مسؤولة ونكتشف بعدين انه ما يسوى

[معماري قطري]

في النهاية كلها أرزاق وأكيد التجارة مبروكة ومارسها نبينا الكريم صلى الله عليه وسلم

[ابو عبدالله.]

هههههه اما بعض الاسهم. سالفه و الله

اليوم خبر عن توزيع درهم واحد للسهم لاحدى الشركات

الحمد لله اني بايع بنفس سعر الشراء قبل لا ينزل اكثر

شوف الله يسلمك

مب لازم انا ادخل تجاره معينه و مستوى كبير. يمكن ما الله قاسمها لي

و ممكن اغتني من تجاره ثانيه تبدأ صغيره و تكبر

اليوم بجريده حاطين اغنى الاغنياء خرجوا من الدراسه و فتحوا بزنس. اما الاعلام او التكنولوجيا او الاثاث او الازياء

قرأت الخبر و قلت لنفسي. لو حد منهم في ثقافتنا كان صار موظف جينير

مع اني متأكد ان عندنا تجار بدأوا بلا تعليم و صاروا هوامير لكن قله مقارنه مع الغرب