صفحة 2 من 3 الأولىالأولى 123 الأخيرةالأخيرة
النتائج 11 إلى 20 من 24

الموضوع: أرتفاع سقف الدور الارضي

  1. #11
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,555
    اقتباس المشاركة الأصلية كتبت بواسطة ALJokar مشاهدة المشاركة
    اخوي الارتفاع الفيلا الحالي زاد عندي صار 14.85 في السابق كان 14 ارتفاع الفيلا الى بنت هاوس
    الحين زدنا الطابق الارضي نص صار 5.60 من غير الارضية والدكت والديكور والباقي في الدور الاول والبنت هاوس.
    الحين يقولي الاستشاري لزوم ندعم العواميد تقريبا اكثر من 20 عمود خرساني عندي وهذا ياخذ مبلغ اضافي يمكن يكلف لان تغيرت الحسبة عندي.
    وقالي راي ثاني اذا عشان الدكت نقدر نرفع فقط الاماكن الي بيمر فيها مسارات الدكت وهذا ممكن ماراح يكلف شي زائد بالاضافة ممكن ماراح نحتاج نزيد عتبات الدرج.

    فما ادري وش اسوي صراحه تحيرت كثيرا يمكن اقول له يدعم الخرسانات لكن خايف من المقاول يصدمني بالسعر دام فيه فلوس.
    وخاف اقول له ارفع فقط في الاماكن الي فيها بس مسارات الدكت ويكون الشكل مش حلو في الارتفاع.
    أكيد يقصد بيسوي الجسور نايمة أو مخفية وهذي سهلة وبتوفر لك في الارتفاع الكلي ولا تبين .. لازم بتغطيها بجبس وأكيد انت ما فهمت شيقصد ما يقدر يرفع مكان وينزل مكان

  2. #12
    عضو
    رقم العضوية
    41517
    تاريخ التسجيل
    Jan 2012
    المشاركات
    286
    تاكد ياخوي لان اكثر ارتفاع 14 متر ممكن بالتسليم لو ماعندك موافقه تصير مشكله معك

  3. #13
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,555
    اقتباس المشاركة الأصلية كتبت بواسطة ابراهيم 2012 مشاهدة المشاركة
    تاكد ياخوي لان اكثر ارتفاع 14 متر ممكن بالتسليم لو ماعندك موافقه تصير مشكله معك
    أكيد حتى لو عطوه استثناء لازم يحافظ عليه ويبرزه وقت الضرورة

    التخطيط لهم عدة آراء في هذا الخصوص وأوقات حسب المنطقة .. إخوي توه مسوي تصميمه عطوه 14 ونص واحد ثاني يصمم للحين ما خلص حددوا له 13 متر وبطرارة بيزيدونها لحد 13 ونص للحين معاهم في محاولات

    المشكلة اللي ما تدخل عقلي بعضهم مصرين على ارتفاع الملحق 3.5 وهذي ال 3.5 نشيل منها ارتفاع أرضية الحوش حول 30 سم ونشيل منها ارتفاع أرضية الملحق لو حبينا نسويه بنفس منسوب البيت وكان البيت 30 سم مرتفع واللي هو ارتفاع متواضع والا 45 اللي هو المتوسط والا 60 اللي بعضهم يعتبرونه رقم ويبون أكثر وبعضهم اللي عندهم بيسمنت يرفعونه ل 90 والا 120 سم .. في حالة ال 30 سم بيكون المتبقي من ال 3.5
    بس 2.9 نشيل منها سور السقف 20 سم أقل شيء يبقى 2.7 ونشيل منها سمك السقف لو 20 بيبقى 2.5 لكن في حالة ارتفاع أرضية البيت 120 سم وناويين نسوي الأرضيات متساوية للبيت والملحق لسهولة الحركة اليومية الدائمة بنصفي على ارتفاع 1.6 متر وهو مستحيل نعيش فيه .. نضطر نحط عتبات ونحتاج 6 عتبات لو كل وحدة 15 سم وهي مب مريحة ومزعجة .. 6 بتاخذ 1.8 من الممر اللي هو أصلاً 2 متر أو بنسويها داخلية أو ضيقة وعلى جنب كله حتى نرضي التخطيط .. وفي النهاية بعد كم سنة بنحصل اللي بنى الملحق مثل حالتي بنى سور فوقه أو حاجز بينه وبين جاره بارتفاع مترين أو أكثر

    يا تخبيط حلوا المشكلة من البداية واتركوا ارتفاع الملحق يوصل 5 متر وسوره متر زيادة .. حماية حدود البيوت ضرورية الحين في وجود جيران ما نعرفهم وبعضهم عزاب وأهل مشاكل

    نفس الشيء نحصل المجالس الا 4 والا 5 متر وتنطبق عليها نفس مشاكل الملحق

  4. #14
    عضو مؤسس
    رقم العضوية
    21272
    تاريخ التسجيل
    Jul 2008
    الدولة
    قطر
    المشاركات
    5,844
    ,

    ,


    مرحبا

    اخوي الكريم

    ماقصر اخوي معماري في الأمور الفنيه

    انا بكلمك عن شغل الإداري والورق والموافقات
    واحتكاكي الدائم مع البلديات

    حاسب من الارتفاع عندي عماره صغيره ابنيها
    رفعت بيت الاصنصير مقدار طابوقتين بس وهو بنص العماره
    لاسباب فنيه الاصنصير جاء من المصنع مرتفع شوي من كوريا الخطاء
    ولازم ارفع بيت الاصنصير مقدار طابوقتين
    وباقي ارتفاعات العماره كلها نفس المخطط ارتفاع الدور وارتفاع السطح كله طبيعي

    الحين انا عالق معاهم مو راضيين يعطوني إتمام بناء
    ومن مدير الى مدير
    الغرامه 50 الف مع ازاله المخالفه
    ( تخيل )

    احترم القوانين جدا وامشي عليها لكن أحيانا تحصل أمور غير مقصوده في المشروع
    مثل ما حصل معاي
    ما اقدر ارجع الاصنصير
    ولابد ارفع شوي

    سويت كتاب للمدير وتعهدات يمكن ولعل وعسى يوافقون
    ناهيك عن تأخير المشروع وتوقف الاجرائات

    ضروري تأخذ موافقات ولا تستهين في كم سانتي يعتبر مخالف
    يعني مخالف كذا يتفاهمون هناك

    احترم قوانينهم جدا وكلها للصالح العام
    حتى لو نشوف بعضها يحتاج تعديل لضروره وخاصه احنا في 2020 أمور البناء
    والارتفاعات اختلفت بكل العالم

    خل شغلك قانوني 100% نفس المخطط


    عندي مشروع ثاني ( اغلقت شباكين ) من الواجهه الحين موقفين إتمام البناء
    ليش ما اخذت موافقه قبل
    لان شكل الفيلا تغير وهذا يعتبر تغيير في معالم المشروع الخارجي


    عندي مشروع ( الغيت الجي ار سي ) من الواجهه ديكور ( رغبه المالك )
    نفس الشي وقفوا إتمام البناء
    ونفس العباره ليه ما اخذت موافقه قبل تلغي الجي ار سي لان الشكل العام اختلف عن الخرائط

    كل شي لا تسهين فيه ابد وخذ موافقات في وقتها لا تنتظر انتهاء المشروع
    لان ( بتتعب كثير ) من المراجعات

    بالتوفيق

    ,

    ,

  5. #15
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,555
    والله مأساة

    واحد سوى قبة فوق مجلسه .. ما تضر ولا تأثر في شيء .. قالوا له قصها والا هدمها .. تم فترة حول 3 شهور من مدير لمدير لين وصل للوزير كم مرة .. مسوي منظر تجميلي للمنطقة عكس كثيرين غيره .. بعيوني شفت مجلس ينبني تقريباً نفس وقت بنيان هذا المجلس كله ارتفاع مزدوج وفوق هذا ماخذ المنطقة جدام المجلس حق مدخل رامب للسيارة وفوق هذا كل سنة يحط خيمة ملاصقة للرصيف

    سمعت من فترة يتكلمون عن ازالة أي ستور أو مبنى خارجي وبيطيرون طيارات تراقب من الجو وبيخالفون كل مخالف .. اتحدى يزيلون الكبينة اللي على الرصيف حاطينها مدرسة حولنا سادة الشارع أقل شيء الرؤية وأكيد بيقولون عنده ترخيص

    وأتحدى يزيلون كباين البيطري اللي مسويها حضانة للكلاب أذونا وما زالوا صح خف نباحهم بس باقين والكبينة باقية .. واتحدى يزيلون كباين الروضة الملاصقة لبيتي وهي تارسة الحوش بعد اتحدى يقولون لي مرخصة ولو مرخصة فالمصيبة أكبر

  6. #16
    عضو مؤسس
    رقم العضوية
    21272
    تاريخ التسجيل
    Jul 2008
    الدولة
    قطر
    المشاركات
    5,844
    ,

    .


    مرحبا


    والله اخوي معماري

    من اشوفك كاتب عن الكلاب اضحك

    شكلهم ماذينك واجد

    الكبائن على ( مزاج ) البلديه

    تلاقي بلديه الريان ( مشدده ) وتلاقي بلديه الدوحه ( اهون شوي )
    وتلاقي بلديه الخور متشدده في أمور أخرى

    تحس في شي ناقص
    تنسيق او توحيد القانون وتطبيقه او ( تفسيره )

    مادري في شي مو مفهوم



    الحين الطامه الكبرى ( المطافي ) ما يطلعون كشف على المشاريع
    في توقف في تخليص المعاملات بسبب كورونا الله يكفينا الشر

    لكن مشكله كبيره

    تخيل واحد ماخذ قرض ( باني عماره صغيره )
    وخالصه والبنك يخصم عليه
    ومايقدر يدخل الكهرباء لان المطافي ( مو راضين يطلعون كشف )


    هذا الموضوع مافيه ( اون لاين ) لازم معاينه المشروع

    الله يعين الناس هذي الفتره

    صعبه جدا




    ,

    ,

  7. #17
    عضو مؤسس الصورة الرمزية رحال
    رقم العضوية
    172
    تاريخ التسجيل
    Feb 2005
    الدولة
    تميـــم المجد والفخر
    المشاركات
    14,606
    عيل انا ازيدكم من الشعر بيت انا شاري بيت شعبي عمره من السبعينات
    وانتو عارفين البيوت الشعبية أهل قطر بعضهم بنو في بيوتهم محلات
    وجاتهم مكرمة اميرية وبعضهم بنو داخل بيوتهم اضافات بنيان قديم
    البيت انشرى وانباع لأكثر من واحد .. تخيل بلدية الريان تجبرك على التوقيع
    عشان تسمح لمفتش البلدية للدخول داخل البيت وكل بناء مخالف من السبعينات
    او الثمانينات رغم ان البيت قديم ودور ارضي مب مشوه للمنظر العام وانت شريته
    على حاله ماتدري ايش السالفة .. تم تسجيله عند الشراء بوزارة العدل واخذو الرسوم
    عليه وماقالو لك عن الملحق الزيادة ويتم تحويلك لمركز الشرطة ومن ثم للنيابة العامة
    ومن ثم للمحكمة .. بهدله مابعدها بهدله .. ومافي عدل في الموضوع بلدية الريان فقط
    هذي بيوت قديمة من السبعينات الى اليوم احنا في 2020 خمسين سنة مرت عليها
    العيب في البلدية ماطورتها رغم وقوعها خلف الشارع التجاري حالها من حال
    البيوت الشعبية المنتزة وبن درهم والمنصورة وخليفة الشمالية والجنوبية والمرة الشرقية
    وهي لصالح اهل قطر الشيبان اللي اليوم اعمارهم في الستينات والسبعينات
    نناشد وزير البلدية للنظر في الموضوع بعين الاعتبار لأن الجميع مستاء
    من البهدله وخصوصاً في ناس شرت البيوت بسعر غالي وعليها سلف بالبنوك
    شريحه من هل قطر اللي شرو راح تتعثر بالبنوك والفترة القادمة داخل على ازمة
    اقتصادية الله يستر منها
    التعديل الأخير تم بواسطة رحال ; 22-04-2020 الساعة 03:54 PM

  8. #18
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    اقتباس المشاركة الأصلية كتبت بواسطة شموخ دائم مشاهدة المشاركة
    [SIZE=5],
    والله اخوي معماري

    من اشوفك كاتب عن الكلاب اضحك

    شكلهم ماذينك واجد
    متضرر نفسياً وايد .. عاد السالفه فوق ال6000 مرة

    :
    :

    اخوي الجوكر
    انتبه على الخريطة واذا بتعدل عليها في اي شي لازم موافقه البلديه قبل ..
    لاحد يزين لك السالفه ويقولك عقب ماتخلص اخذ الرخص ..
    بتتوهق ومثل ماقال اخوي شموخ كل بلديه غير عن الثانيه ..
    :
    كـ تجربه شخصيه ماعطوني اتمام بناء لاني داخله على الجار باقل من 6 سم ..
    وفي زاويه وحدة مش كامل .. لكن مع كتابه تعهدين اني اعدل الموضوع خلال شهر .. عطوني اتمام بناء وعلى طول عدلنا قبل انتهاء المهله ..
    حط في بالك الكلام سهل من المقاول او الاستشاري لكن وقت الصج بيصير تاخير ..
    وانت المتضرر الوحيد ..
    واحد من اخواني يبني بيته الشخصي ووصل للتشطيب قالوا له البلديه لازم تركب جهاز كشف الحريق بالمطبخ اجباري .. عشان يعطونك اتمام البناء وهو تبع بلديه الوكرة ..
    لكن انا مع بلديه الخور محد جاب لي طاري .. واموري تمام ..
    :
    فـ خلك قانوني في كل شي لمصلحتك ..
    تُنسى ، كأنَّكَ لم تَكُنْ ..

  9. #19
    عضو نشط
    رقم العضوية
    28694
    تاريخ التسجيل
    Oct 2009
    الدولة
    QATAR
    المشاركات
    865
    الله يجزاكم خير ويرحم والديكم جميع
    انا يوم اقول الارتفاع عندي 14.80 عندي ترخيص عليها من البلدية وموقع عليها ومختومة.
    بس ما راح ابنيه الا 14 وكسور لان الارتفاع عندي انحل بدون ما ارفع البيت كل هالارتفاع المقصد من الموضوع ان عندي مكيفات دكت ف الارضي وقال لي الاستشاري ان الارتفاع بيقل ورحت جبت موافقة له.

    وبعدها حلينا الموضوع بدون ما اخسر الارتفاع وبدون ما ازيد في الدرجات السلم وتكون متعبة.

    رحت لاستشاري ثاني وشرحت له وقال مايحتاج نرفع عندك الدور الارضي راح نمرر الدكتات مابين الجسور وبكذا ماراح تخسر شي من الارتفاع لاني طالب الدور الارضي بعد التشطيبات الديكور والارضية راح يصفى لي 4.5 الى 4.2 تقريبا +-

  10. #20
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,555
    اقتباس المشاركة الأصلية كتبت بواسطة شموخ دائم مشاهدة المشاركة
    ,

    .


    مرحبا


    والله اخوي معماري

    من اشوفك كاتب عن الكلاب اضحك

    شكلهم ماذينك واجد

    الكبائن على ( مزاج ) البلديه

    تلاقي بلديه الريان ( مشدده ) وتلاقي بلديه الدوحه ( اهون شوي )
    وتلاقي بلديه الخور متشدده في أمور أخرى

    تحس في شي ناقص
    تنسيق او توحيد القانون وتطبيقه او ( تفسيره )

    مادري في شي مو مفهوم



    الحين الطامه الكبرى ( المطافي ) ما يطلعون كشف على المشاريع
    في توقف في تخليص المعاملات بسبب كورونا الله يكفينا الشر

    لكن مشكله كبيره

    تخيل واحد ماخذ قرض ( باني عماره صغيره )
    وخالصه والبنك يخصم عليه
    ومايقدر يدخل الكهرباء لان المطافي ( مو راضين يطلعون كشف )


    هذا الموضوع مافيه ( اون لاين ) لازم معاينه المشروع

    الله يعين الناس هذي الفتره

    صعبه جدا




    ,

    ,
    كلهم ربعي هناك وأكيد مضغوطين هالأيام بس لو تحتاج تسهيلات حاضر باكلم الشباب الصغار فيهم البركة .. المدير الحالي صديق قديم والسابق صديق قديم صراحة لي فترة ما تواصلت معاهم بس تعتبر فرصة

صفحة 2 من 3 الأولىالأولى 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •