يا هلا
انا غلطت ما وضحت عدل
الصبيه مش خرسانه كامله فوق الخرسانه الاولى للسطح. هي رمل و اسياخ حديد انصب فوقها اسمنت خفيف عشان يرفع مكان التانكي عن باقي السطح
مجرد قاعده ارفع مش خرسانه كامله مثل ما يسوون ارضيه المواقف للسيارات. تكون اسياخ و صبيه خفيف عشان ما يتكسر البلاط و ينزل مستواه
غرفه التانكي صحيح ما فيها مكيف. لكنها معزوله عن الخارج و لها باب لبيت الدرج و بتكون بالباب فتحات تهويه تدخل بروده بيت السلم لغرفه التانكي
ما حبيت اركب مبرد لان بصراحه يجيك بارد حتى لو خفضت البروده و تضطر تشغل السخانات بالصيف عشان تخلط الماي و يطلع مناسب للشاور
استهلاك مضاعف للكهرباء و حرام اشوفه
بيضل التانكي بحراره مناسبه فتخيل ان حرارته نفس حراره البيت من داخل. و البيت الحمد لله حجر فالعزل زين ان شاء الله
خلنا نصير متطورين في الاستهلاك و حمايه البيئه شوي
اي والله. حطيت التجارب عشان الغير يستفيد اذا فيها فايده
لان الربع الله يهديهم غلطوا وايد و منهم الي صرف ع بيته اكثر مني و تبهدلوا بعد. ارجع كسر او غير البلاط او يبهدلونهم في قص اشكال بالليزر على البلاط
هواش يا ريال مره واحد اخذ له كم يوم مشوط و حالته لله بسبب قص البلاط بالليزر. لعبوا فيه لعبه مسكين
و واحد سنه ونص كل ما جابوا دفعه حجر طلعت بلون مختلف. سووا له البيت ديسكو من برع ههههه
منهم الي اربع سنين ونص ما خلص
ومنهم الي كسر الجبس ثلاث مرات
الحمد لله الي حفظنا من هالمشاكل و الله يعينهم و يتمم عليهم بخير
الحين انا في اسطنبول و مريت على مجمع لشركات الاثاث
شي مب طبيعي
اول محلين اطقم و غرف عثمانيه لكن الاسعار مولعه
ثالث محل عفسني
دخلني مكتب عندهم و موظفين على اوتوكاد يصممون لك البيت كامل و عطاني امثله لقطريين كباريه مصممين عنده شي خيال والله
قلت هذا اكيد يبي مليون و اكثر
لكن طلع لي امثله لبيوت كأنها فنادق من حلاتها. واحد ب 13 غرفه و التكلفه 70 الف دولار
كل شي للبيت غرف مجالس مطعم صالات حتى ديزاينات من السرير لين السقف يركب على الجبس
كله خشب سولد ما فيه شي كبس او مضغوط
بعدها ما مريت على اي محل ثاني. قلت هذا و خلاص
حتى العمال بيرسلهم لك للدوحه يركبون لك بكم الف زياده
بس عطه خريطه البيت و هده يومين و يعرض لك التصميم و انت اختار و بعدها يطلعه لك ثري دي
عجبك. ادفع و خلص
لو عندنا بطريق سلوى كان المجلس بروحه بمئه الف
اعتذر اذا خرجنا عن الموضوع الرئيسي. لكن التعليقات ساقتنا لنقاش ثاني
وعليكم السلام ورحمة الله و بركاته..
اذا فيك صبر و حتى لو ما تعرف زين في البورصه..
فعندك ال3 بنوك الاسلامية (المصرف و الريان و الدولي)..
اما تاخذ لك في ثلاثتهم او في اثنين منهم..
و تنتظر عليها ما بين 3-5 سنوات..
طبعا ما تدخل فيها مره وحده ولا بالمبلغ كله..
ما بين 300 الى 400 الف تقعد تشتري فيها..
و اسأل اهل الخبره و اقرأ في قسم الاسهم بالمنتدى هذا و قسم التحليلات
عن افضل اوقات الدخول و افضل اسعار الشراء..
اذا كنت تملك في اي منها و لو بما قيمته 25 - 30 الف..
فبإمكانك زيادة كمية الاسهم مباشرة الان قبل توزيع الارباح
عشان تلحق تجني مردود من توزيع الارباح خلال هالشهر/شهرين..
واولهم المصرف بعد يومين!
اما اذا ما كنت تملك في اي منها..
فانتظر الى ما بعد انعقاد الجمعيات العمومية لها
لانها بشكل طبيعي راح تنزل اسعارها ..و من هناك
ابدأ بالشراء..
اسهم البنوك الاسلامية عندنا -بفضل الله-
تشكل بحسب المعطيات احد افضل الاستثمارات في
الوقت الراهن سواء لل 100 الف ريال او لل 5 ملايين..
و الله ينفعك و ينفعنا معك..
ان صواب فمن الله وحده و فضل منه ..
و ان خطأ فما في انسان الا و برأيه
قصور و بتقديره الكثير من العلل..
*
*
،،
عَنْ أَنَسٍ ، أَنَّ نَبِيَّ اللَّهِ صَلَّى اللَّهُ عَلَيْهِ وَسَلَّمَ قَالَ :
" لَا عَدْوَى ، وَلَا طِيَرَةَ ، وَيُعْجِبُنِي الْفَأْلُ ،الْكَلِمَةُ الْحَسَنَةُ، الْكَلِمَةُ الطَّيِّبَةُ "
عندنا اسهم والحمدلله توزع ارباح كل سنة 80% كل سنة
وتقدر كذالك ترفع راس مالك عن طريق المضاربة في السهم نفسة
و بالتوفيق يارب
تفضل رابط توزيع الارباح
https://www.qe.com.qa/ar/agms
....
في هالحالة ركب تانكي ستانلس ستيل لأنه يسرب حرارة الماي الواصل من تحت وصحي وأفضل بوايد من البلاستيك ومأمن عندك .. عن الخرسانة فاهم وضعها وواضحة عندي من البداية والإجراء متأكد منه خاطيء .. ممكن ما يضر بس ما ينفع نهائياً
درجة عزل الحجر بسيطة جداً تعادل البلاستر وقريبة منه وأثبتتها بأرقام إختبارات في السابق خصوصاً المركب بمونة اللي ميكانيكل يعطي نسبة أكبر بوايد .. وفي الأُردن استوى قانون بناء عندهم حتى مع الحجر يركبون في الفراغ عازل أما صوف صخري أو فوم .. سكنت مرة في شقة هناك على سفح جبل وكان الهواء البارد يضربها صدقني الدفاية ما تلحق والحجر خبر خير ولا له تأثير