ههههههه
صباح الخير
وايد يسوونها خصوصا ابو بدله و شنطه. يحط لك افكار وتدفع للمحل مئات الالاف وله راتب عشرين الف و بعد ست شهور يقول لك ما في فايده. هو يروح لشخص ثاني وانت راحت فلوسك يا صابر
انا لما ذكرت الوافدين كنت اقصد الاوروبيين و اوروبا الشرقيه و بعض الاسيويين
شرايك من كم سنه قالي انجليزي ما عندكم ستور لبيع الخشب الجاهز و ملحقاته. لان في بلادي نروح نشتري انواع معينه من الخشب نسوي باديو جدام باب الحديقه و طاولات خفيفه بأنفسنا
هم يحبون يشتغلون بأيدهم بعد كم سنه من هالكلام فتح ايكيا و بعده إيس. جنب ايكيا و شغلهم هالسوالف
هذولا حتى بيك اب 3 طن يأجرونه منك لان تنقلهم كثير بين الفلل اقصد الاوروبيين واذا واحد عرفك نشر رقمك للي بالشركه كلها
للامانه التعامل معاهم جيد
وصارت معاي اني شريت مواتر منهم و كل موتر ابيعه بفارق كبير لان مواترهم نظيفه و يبيعون بسعر اقل من السوق ولا يفتكرون بسبب راحتهم برواتب عاليه
ابخل واحد صادفته باعني كروزر 1992 ماشي 180 الف فل ابشن جلد و ونش و بعته ب 11 الف زياده عن سعره. وهالكلام من زمان يمكن عشر سنين
الثاني شريت منه موترين كروزر و شيروكي ماشي 42 الف. بعته بفائده 17500 بعد اسبوعين على اوروبي ثاني
راحت علي بطبطه هارلي 1200 سي سي انباعت ب 7 الاف وانا عرضت خمس الاف بس. لو قال لي انها جابت 7 كان زدته الف ههههه
طريقتهم بالتفكير تختلف عنا شوي. حتى واحد كل سنه يشتري ايباد جديد و يعرض الاولي للبيع بالف ريال للزملاء. يقول انا ابي احدث شي ما يهمني اخسر الفين كل سنه و اشتري الاحدث
و بعض الربع ايباده من العصر الحجري ههههه ما ينقط الا بالقبر لين اخترب