في قطر أو خارج قطر استثمرها في عمل تحبه .. حتى لو ماكان عندك فكره عن طبيعة ادارة هالعمل
أهم شئ إنك تحبه وعندك استعداد تتعلم حتى لو اضطريت تشتغل فيه فتره و تفهم تفاصيله
مثلا لو حاب تفتح معرض سيارات شوف أي معرض ممكن يوظفك بغض النظر عن الراتب حتى لو بدون
شوف كيف الأمور تمشي و تدار من و إلى من ثم أفتح معرض خاص فيك.
طبعا المعرض مجرد مثال .. قيس عليها في أي مجال تحبه و تحب تشغل فيه فلوسك.
و الله الموفق
انا ما اشتكي
عندي عامل حرفي و شغال ما شاء الله سوى لي شغلات خاصه فيني و وفرت فوق العشرين الف كنت بضطر ادفعها اجيب فيها واحد يسوي لي الشغل
و الحمد لله اطرشه عن قرايبي و مستفيد جدا و هم سووا شغلات بنص سعرها بالمحلات
يعني ممكن الواحد يجيب خياطه مثلا. او نجار او او. و يكون عنده بالبيت و تجاره مربحه بلا تكاليف غير الراتب
ايضا تريبه الحلال مفيده ولو عندي وقت كنت بتوسع للضعف لكن الوقت سارقني مع البناء و الدوام و الامور الاخرى
انتظر اخلص الاهم و بعدها ان شاء الله نتوسع بالسالفه
في مشاريع برخص من المنزل و رخص عربات متنقله و ممكن البدأ فيها بتكاليف بسيطه كتجربه و قياس السوق و التعلم اكثر على نمط المزباين
مع الوقت الزباين هي الي تعلمك ايش تبي بالضبط و تزيد فرص البيع او الخدمه المقدمه
اذا عندك حرفي بيدمن الزبون عليه اذا سعره افضل من المحلات و عندي الحرفي ضل شهرين عند واحد من كثر الشغل و رجع و الحين اخذه لشغلات اكثر
كل كم يوم يتطرون الزباين. ابي شغله كذا و شغله كذا و يدفعون ما شاء الله
تخيلوا لو نجار يسوي كم شغله. يرجعون يطلبونه يبون طاولات و كراسي و بعدها يطلبونه يبون ديزاينات تمشي مع الكراسي و بعدها علاقات للزرع و بعدها سلم خشبي كبير. هالشكل يعني
لو تطلب خمس الاف شغل يد يقول لك زين والله. احنا لاقين ب عشره و 12 الف
فرص صغيره لكن تدخل احسن من محل وبلا متابعه متعبه
على فكره احنا مش مثقفين بالتجاره وهذه تجارب تنجح او تفشل
لكن في ناس وافده جايه بأفكار ممتازه ممكن مشاركتها او الاستفاده من تجاربها في بلادهم
وحده تشتغل بقطر من اوروبا الشرقيه اعتقد. جابت زوجها على كفالتها. و الحبيب ما انتظر. ساكنين باللؤلؤه و طلع يعرض خدماته. بتمشيه الكلاب اعزكم الله
بعد فتره زوجته دخلت معاه من كثر الشغل
تكرمون. كلب واحد. صاحبه يدفع ست الاف عشان يمشونه ثلاث مرات بالاسبوع تقريبا صاحبه مدير كبير و مب فاضي له ههه
البقيه يدفعون ثلاث الاف و الف و خمس
ما بذكر الارباح الشهريه لان ما اعتقد ان بتصدقون. لكن واحد شاف عنده دفتر تقييد الرسوم لكل زبون و قال لي
لو تفتحون خمس محلات يمكن ما تحصلون كثره
مرات استغرب ان شغلات غير التجاره ممكن تربح اكثر
اولا ابحث عن شغفك
ثانيا استثمر فيما تحب
ثالثا التوفيق من الله
السوق مليان فرص
اطرق الأبواب وحتما ستلقى الفرصة الاستثمارية الناجحة
الأسهم فيها ربح والتجارة فيها ربح
اللي يقول الأسهم ابتعد منها لأن حظه ما حالفه مع الأسهم
واللي يقول البرغر والكوفي خسرانه والدوحة مليانه هذي نظرته الشخصية وليست دراسة جدوى
نصيحة لك وللاخوان البزنس هو الشيء اللي تحب ان تعمل فيه ويتطور قدامك
الخسارة والربح شيئان في علم الغيب
ويتدخل فيهم التوفيق من الله
وبالتوفيق للجميع
الاجانب يدفعون الاف عشان البت (الحيوان) مالهم
معاي انجليزيه بالدوام شاريه كلبين اعزكم الله واحد حول و الثاني قصير يحك بالارض كل واحد بست الاف و معالجه الحول بثلاث الاف
واحد من الشباب الله يهديه شاري كلب تكرمون و موديه لمحل جرومر. حلاقه على كشف سريه. بالف و خمس
يقول كل مره اجيبه يضربون علي الف و شوي. يا يحتاج حقنه. يا علاج يا رش شغل البيطره ماشي مضبوط
عن تجاره اصطحاب الحيوانات صارت مربحه اكثر من بعض انواع التجاره
ولا محل ولا مصاريف عاليه