اطالب الدوله بمنع فيزا العرب كلهم وخاصه دول المغرب العربي
اقسم بالله كمية نصابين وحراميه ماقد شفتها في حياتي والمشكله القوانيين مب مخليتك تاخذ حقها لا بالطرق القانونيه ولا حتى بالطرق الغير قانونيه
اطالب الدوله بمنع فيزا العرب كلهم وخاصه دول المغرب العربي
اقسم بالله كمية نصابين وحراميه ماقد شفتها في حياتي والمشكله القوانيين مب مخليتك تاخذ حقها لا بالطرق القانونيه ولا حتى بالطرق الغير قانونيه
ههههه اخوي شكلك سامع عن كم مشكله صارت و شايل على البعض
فيهم و فيهم فديت خشمك
واحد من هالدول ضرب علي عشر الاف. و بالنيابه رجعها على داير مليم بعد ما عرف اني ما ابيها. ابي احط عليه حكم جنائي عشان ما يشتغل بدون حسن سيره و سلوك
لكن للامانه الي بنى لي العظم مغربي و امين
و الي مركب البلاط مغربي امين
و الي يشتغل لي بالجبس بعد مغربي و امين
طبعا كفيلهم اعرفه فماخذ راحتي ما اتابع و الاستشاري قاعد لهم مصري و للامانه. وايد زين و ماشي معاي مضبوط ببيت الاسكان
المقاول المغربي عرض علي يبني لي ارض صغيره و نبيعها و الربح بحسب النسبه بالتكلفه هو كم دفع بالبناء و انا كم دفعت بالارض
فيه فومان مغربي و تحته نيباليين و مصريين و مقاولهم الكبير مغربي
الي يسوون بلاط فومان مغربي و عماله نيباليين
الجبس مسؤولهم مغربي و كم واحد مغاربه و معاهم نيباليين اعتقد
عمال الجبس الي يصبون القوالب مغاربه شوف عيني و يصبغون الجبس تصاميم مغربيه
المقصد ان الي يشوف الشغل و يمسك الخريطه و يأمر عليهم مغربي محد يسوي الشغل بكيفه لا مصري ولا نيبالي
المغربي وقف شغل عماله و كسر خرسانه بعد ما شافهم يصبون بدون ما بحطون بلاستيك عازل بأرضيه خزان السطح
حتى البايب فيتر فورمان مغربي و عماله نيباليين
خذ شغل نظيف بصراحه
على فكره. كفيلهم واحد و تحته كذا شركه. مقاوله و تمديدات مياه و بلاط
العازل المفروض الرول والبيتومين يجي يغطي كل الخرسانات بعد ما تنبني ولا فيه داعي نحط بلاستيك يعزل خرسانة عن خرسانة .. فقط اللي مكشوف يكون المحبب واللي فيه مقاومة للشمس واللي تحت السكريد الناعم العادي .. وأي جزء منحني لازم ما نثنيه 90 درجة .. 45 درجة مسموح لذلك نسوي القاعدة المثلثة من السكريد في الأطراف
بو عبدالله بعض المقاولين مساكين ماشين على الحظ وكذلك الاستشاريين بعضهم تحول فجأة من فورمان لمهندز
المغاربة مسكتين في الجبس بس صج العقليات العربية تتسبب في مشاكل دوم .. إثنين من الربع فتحوا محل جبس مغربي وكانت له شهرة كبيرة في السوق على وقته من حول 20 سنة بس دمروا المحل العمال لدرجة إن واحد منهم طعن نفسه بسكين وسوى مشكلة كبيرة واضطروا يسكرون وهم في عز شهرتهم وقوتهم وخسروا كثير
مساكم بالخير
كلامك اكيد 100%. هو بس حط بلاستيك قوي فوق خرسانه السطح قبل لا يحط عليها خرسانه ارفع شوي عشان الخزان.
لان الخزان في غرفه مغلقه و لها ممر على بيت الدرج
عشان ما احتاج مبرد للخزان كشيئ بيئي يوفر كهرباء و يقلل الصيانه و التسربات الي ممكن تحصل من جهاز التبريد و وصلاته
اضافه الى المحافظه على تمديدات السخانات و البمبات و كل شيء. لا غبار يدخل عليهم ولا حراره
طبعا في باب شتر ينعزل لادخال التانكي للمكان
الفكره جاتني وانا بآخر مراحل العظم و دفعت كم الف لتوسعه غرفه التانكي لهذا الغرض وفيها مساحه للتخزين نوعا ما
و انصح الي يبنون يسوون نفس الشيء توفر طاقه و صيانه و الدخول للغرفه من ممر الدرج ما تحتاج تطلع بالحر او البرد لدخول غرفه التانكي
على طاري المهندز هههه
من اولها رحت لمكتب درجه اولى بشارع السد و المخطط من عنده
وكنت بحطه استشاري بناء لكن سجله ما تجدد وقتها وما قدر. بعدها وصاني ع استشاري درجه اولى بنفس العماره معاه و كملت المشوار
المقاول معرفه عشان محد يعفسني او يقصر بشغله. الكفيل عزيز علي
والله عطاني العظم 970 متر ب 960 الف ريال بدون بلاستر خارجي و غيره وصلوها مليون و 250 الف و مليون و 150 الف
هو الي جاب لي شركات العزل و الكهرباء. و الماي من عنده لان عنده وكاله بايبات الماني
طلع لي العظم و الكهرب و الماي و العازل. مليون و 165 الف تقريبا. يعني اقل من قيمه العظم الي غيره يبي فيه مليون و 250 الف
كافود و العاصمه ما قصروا. خصم خاص بسبب المقاول يعرف كافود وانا تفاهمت مع العاصمه ما بغيت آخذ من محلات طريق سلوى. عشان ما اسمع بص حضرتك هههه
حتى اطقم الخلاطات و الشاور اتصلوا لي العاصمه وقت الخصومات و حجزوا لي و رحت اخذتهم بسرعه
الحجر ايضا بالتوصيه و طلع ما شاء الله. العالم يوقفون جدام البيت ياخذون رقمه من اللوحه و يقولون له نبي مثل هالبيت و الديزاينات
الحين الجبس المغربي جن من عدد الاقواس و الديزاينات و طلب 155 الف
جبت بنغالي قال لي 100 الف. رجعت للمغربي وقلت له يالله غيرك ارخص. نزل لين 120 الف فشرطت عليه اقواس بكل غرفه و شغلات زياده فطلع لي ارخص من البنغالي لو بنحسب الشغل الاضافي لاني اعرف ان البنغالي يبدأ معاك بسعر زين و بعدها يصيدك بالاضافات. غير ان الشغل ما اقدر اتابعه فممكن يقلل بالمواد و شغل اي كلام
المغربي ضامنه و امين الحمد لله
المكيفات من شارب. و الاغلبيه ياخذون نوع ثاني صيني ضاربه سمعته فوق. هاليومين
لكن محد يعرف ان قوه تبريد الشارب اكبر و كومبرسر روتري لكن التكنولوجيا تطورت و صار اقوى من الصيني الكومبريسر و بالاخير ياباني و ارخص و الصيانه ما عليها ضغط مثل الصيني و الكوري و باقي الوكالات
الي يبي خصم جامد من شارب يعلمني
حتى حداد درابزين روحوا محل درابزين ارخص من الي يشتغلون قطاعي و تعامل ممتاز
ولد عمي راح محل بأم صلال قال له 68 الف. وكان بيوقع. لين قال له رفيجه. روح درابزين ارقى. قال لا هذا محل معروف و اكيد غالي
قال له ليش قلت غالي روح و شوف اول
درابزين عطاه 52 الف وقع بنفس الوقت و دفع مقدم من الفرحه
عيبنا ان نظن ان كل محل معروف اغلى من البقيه وهذا خطأ
المغربي حلو لكن تروح موضته بعد فتره و تتملل منه كشكل انا جبته و عطيته صور من النت و قلت له هذا بالضبط
يعني انا اخذت شغله مش تصاميمه
لكن للامانه في تطور بالجبس المغربي هالفتره. اخوي بنى و باع لكن سوى جبس مغربي ولا اروع. الالوان و النقش غير البيت بشكل رائع
بالنسبه للي تعرفهم و فتحوا محل جبس مغربي. انا لو مكانهم بكمل حتى لو صارت مشاكل. بجيب غيرهم دام الشغل مربح
الغلط ان تجيب عمال ربع فأذا بغوا اتفقوا عليك و خربوا شغلك لكن اذا منوعهم ما بيكونون ع يد وحده ضدك
مساء الأنوار بو عبدالله أو صباح الأنوار الحين
سؤال هل تم عمل الخرسانة بعد عمل عازل المياه ركب بلاستيك وصب الخرسانة فوق البلاستيك والبلاستيك أصبح حماية للعازل تحته؟
صراحة إجراء ما له أساس هندسي سليم .. ما يصير نصب خرسانة حتى لو كانت قاعدة فوق خرسانة ثانية ونحط فاصل بينهم مثل البلاستيك
بالنسبة للغرفة لو افترضنا إنها مكيفة والتانكي مفتوح يتهوى بيبرد شوي والا بيكون حار صالخ صيفاً ولا تغامر في هذي الأُمور خل البديل وصلة كهرباء قريبة 3 فيز كافية حق تكييف للتانكي .. انا تانكي المياه والصخانات عندي في غرفة مستقلة ومغلقة بس اضطريت اركب مبرد مياه