خير يا طير. انت تساير سرعه الحياه
ترجع تراهق مب مشكله. هذا اسميه تطور عقليه و انفصال عن ثقافه ان السن يحد الانسان عن امور كثيره
تسوي الي يعجبك. بتقنص ولا بتشتري طراد سريع ولا بتشتري هارلي و تطلع فيها بعض الاوقات
شرايك اني اطلع بدراجه بهارلي و بنطلون. هوايه ياخوي.
اسافر بدون اليهال و اروح مع الربع و حتى رحت بروحي تركيا من سنه و زرعت ههههه
الي بخاطري اسويه. و الحين الشباب بالدوام بعضهم كبري و اصغر مني صاروا يشترون هارلي تذكروا انهم حارمين انفسهم يا عشان الدوام او اليهال و المسؤوليه
تذكر انك رحت امريكا و عشت كم سنه. وشفت ان الواحد فيهم يتعب و ينظم حياته بقدر الامكان لكن ما ينسى يكافئ نفسه
بخطط قصيره و خطط طويله المدى
وقت اجازته له يتنقل بين الولايات او يروح اوروبا و باريس الخ
خطط قصيره المدى. يحوش مقدم عشان يشتري بيت و سياره يحبها و يشتغل بيده بوايد امور كهوايه
و خطط طويله المدى بعد التقاعد سياره كشخه صح. و سفرات و رفاهيه براتب تقاعدي ممتاز
لا و يلقط كونتراكت كخبير لمشاريع مؤقته او ضربه سريعه يشغل وقت فراغه اذا حب
ياخي ما شفت عندهم جمود عمري
ابو سبعين سنه يلعب رياضه و جم حاله حال الشباب
و يسوي هواياته الي يحبها. بطابط ولا سيارات فور باي فور و تطعيس او تخييم. و كل شي يسويه بنفسه مب عمال ينصبون له المخيم او يصلحون له بيته
ما تشوف صحتهم زينه ونشاطهم متجدد وحتى واعين بأمور السياسه و الاقتصاد. لا تجمع بالقهاوي و الشيش و لا ياكلون نخي على البحر
يا ريال ينزلون فيديوهات في يوتيوب دو ات يور سلف يعني شلون تسوي الشغله الفلانيه بنفسك
اكتب تريلر كونفيرشن تو كامبر و شوف الشياب شلون يحولون التيدر الى كرفان للتخييم
عندهم ثقافه و اعتماد على النفس ما يمسكهم سن او اعاقه
انت يبي لك فلتره و غسيل مخ هههههه
تعال عندي شرط اخليك دراج و راعي جت بوت و رحال سفرات
زميلي تقاعد وهو اكبر مني بوايد فوق 55 قطري راح مع شله شباب فرنسا و تنقلوا على سياكل لمده اسبوع بين مدن فرنسا
سياكل بس شاحنينها بالطياره معاهم
بصراحه اغبطك على التقاعد عطني اياه وشوف شاسوي ههههه
يقول لي صاحبي. انتوا حارمين روحكم مع هالدوام طلع قبل الستين و يمشي بزنس خاص و يسافر و يحقق هواياته الي يحبها
عشان الامانه. ما طلع تقاعد الا لما ضبط اموره الماديه ما شاء الله عليه
غير هالشكل بتقعد تاكل نخي بقهوه الصيادين
ياليت اوصل قهوة الصيادين حدي فريج الغانم متقوقع في المجلس وتمر علينا أوقات نستورد نخي من العزيزية ستي وأوقات نطلع نتمشى في فيلاجيو آخر الوقت أو اسباير
يا اخوي البطابط ( اللي تبطبط ذي ) ما استسيغها حدي سيارات حتى السياكل العادية مرهقة وبتنزل السكر عندي بسرعة .. أما عن الأُمور المادية الحمد لله مضبوطة وحتى الراتب التقاعدي قوي والحمد لله ديونلس ما عدا قرض الاسكان القبلي 600000 باقي منه حول 200000
التقاعد معايشه من 10 سنين ولا همني متوقعه أي وقت وتأخر علي يعني خذت حقي كامل والحمد لله
صج الهوايات يمكن كسل مني لكن ممارس كم هواية خصوصاً هواية التصميم والعمارة مهنة وهواية
احلى شي البطابط هههههه