بعض الجنسيات كذلك حتى لو استقطروا يبقى حب الوطن الأُم في دمهم ولو الوطن الأُم فيه انقسام وحرب تحصلهم منقسمين معاهم حتى في بلادنا وشفنا كيف احتفلوا البعض وهم معروفين بدولة المؤامرات وبانقسام دولتهم الى شمالي وجنوبي .. لا وهم يعتبرون قطريين لكنهم لهم أجندتهم الخاصة
اللي نشوفه من بعض المسلمين المقيمين غير عن الاسلام اللي نعرفه .. غش وكذب واخلاف وعود وسرقة .. نفس الشيء سبحانه جعلنا شعوباً وقبائل
شكوانا وصوتنا اللي نطالب به كقطريين غير عن الجاهلية والاسلام والحقوق المدنية والملكية .. قبل الناس يرتحلون ويسكنون في أي بقعة تحلوا لهم وتستوي ملكهم ألحين فيه حدود ودول وملكيات وحقوق .. لو الحكومة فتحت المجال لأي دولة من اللي تعداد سكانها 20 مليون بيجون قطر ممكن مليون منها ومليون تعني 3 أضعاف القطريين اللي بعضهم بصعوبة يحصل وظيفة وبصعوبة يحصل موعد طبيب وبشبه معجزة يحصل سرير لو بيسوي عملية مضطر عليها
تفكير سطحي جدا ومحدود!
صحيح ان بلادنا تضم الآلاف من الوافدين على مختلف مستوياتهم الثقافية و الفكرية و العلمية لكن كثافتهم أدت إلى التضييق على المواطن و زيادة الضغط على كل المرافق!
من الطبيعي ان المواطن ينتقد و يهاجم أي ظاهرة سلبية في مجتمعه لكن مسألة فرض قوانين لاحترام اللي جاي يخرب حياة المواطن فهذي نكتة بايخة .. أكبر دول العالم في الحرية و احترام حقوق الانسان فيها عنصرية فوق الخيال فحالنا من حالهم و إن كان عندنا للحين نعامل الجميع بإحترام و يمكن هذا اللي وصلنا إلى وضعنا الحالي.
احنا مب ضد وجود وافدين في البلاد لكن ضد و بقوة أي تفريط في حقوق المواطن مهما كان السبب!
التعديل الأخير تم بواسطة SouthK ; 01-03-2020 الساعة 09:00 AM
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
كلامك جميل و اضيف عليه ان يمكن تطلع مطالبات تمس الكيان الجوهري للبلاد و هني احب اني اذكر شي اسمه النموذج السنغفوري .. اللي يحب يدور في الموضوع يقرا و بيعرف ليش الاصوات اللي ضد الوافدين صارت تزيد و لاسباب مختلفة و يمكن بشكل غير مباشر تأدي إلى عواقب لا تحمد عقباها!
التعديل الأخير تم بواسطة SouthK ; 01-03-2020 الساعة 09:01 AM
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
صح لسانك يامعماري.
اليوم صادني موقف بصيدليه المركز الصحي، خذت رقم انتظار قطريين*ومكتوب
على ورقه الانتظار عدد المنظرين قبلك صفر فتوجهت للشباك وراويت الورقه للصيدلانيه اللي من جنسيه عربيه قالتلي انتظري دورج قلتلها مافي حد قبلي يعني اذا طقت الرقم بيطلع رقمي، المهم قالتلي لا انتظري رجعت عالكرسي لقيتها طقت رقم غير القطريين ( وللعلم هي تتحكم بالارقام يعني عالسستم هي تاخذ رقم من هنا ورقم من هنا )
من حظها ان المراجع مارد وتمت تطق ثلاث مرات محد رد ، راحت طقت الرقم اللي بعده واختارت ايضا غير القطريين وتمت تطق لين المراجع ما رد وراح للشباك!*
انصدمت من التصرف والنحاسه رحت قلتلها يعني انتي الا تبي تدخلي حد قبلي ! ناديتي رقم وسكت عنج قلت يمكن عليه الدور بس تنادين رقم بعده وانا عدد المنتظرين جدامي صفر ولي الاولويه ( سالت بعدين قالولي السيستم يعطي الارقام الاولويه للقطريين) والمفروض تاخذين واحد من القطريين وواحد من غير القطريين ومع ذلك ماناديتيني ومصممه تنقعيني ليش؟؟
تمت تعتذر وتقول معلش حضرتك ماانتبهتش ! ناديت مديرها جدامها وقلت له اللي حاصل حاول يدافع عنها مفكر اني جاهله بالسيستم بس لما لقاني اتناقش معاه واقوله اني عارفه انكم المفروض تنادوا رقم من هنا ورقم من هنا مب الارقام ورى بعض لفئه معينه ! قعد يعتذر ويقول سامحينا ومادري ايش !
خذت دوى عيالي ومشيت وانا منصدمه من التعامل ! انزين انا شنو اذيتها فيه ؟! ليش هالحركه مش فاهمه !!!
انا عور قلبي اليوم شايب
في الرعاية الطبية اليومية يوم قاله الموظف اللي على الكاونتر موعدك بعد سنة
انصدم المسكين و خذ اوراقة و مشى بدون ما يقول اي كلمة
معقولة موعد بعد سنة ليش ؟!
من وين كل هالزحمة على المواعيد ؟