حقيقة باقة أوريدو قطرنا 380 !

[ابو عبدالله.]

بقول لكم شي

ترى حتى لو حسيتوا بأي سلبيات ترى احنا احسن من كثير من الدول بخدمات الاتصالات و النت

الفور جي عندنا زين. بدول ثانيه كأنه ثري جي ضارب بريك هههه

والله احنا بنعمه و نشكر الله اننا متقدمين بهالامور

[Ahmed86]

بقول لكم شي

ترى حتى لو حسيتوا بأي سلبيات ترى احنا احسن من كثير من الدول بخدمات الاتصالات و النت

الفور جي عندنا زين. بدول ثانيه كأنه ثري جي ضارب بريك هههه

والله احنا بنعمه و نشكر الله اننا متقدمين بهالامور

كلن بحقه

في دوله تدفع فيها على انترنت لا محدود 500 ريال؟ في كل العالم اسعار الاتصالات تنزل ، الا هنا تزيد

جلست في روسيا في كاس العالم لمدة اسبوعين ، سناب على انستا على يوتيوب ما خليت شي ، و الله العظيم ما دفعت اكثر من 30 ريال و الانترنت صاروخي

[khaldoon]

فعلا الأسعار غاليه جدا جدا جدا..... شوف الدول العربيه الفقيره جدا جدا الانترنت بالبيوت عندهم شغال ليل نهار.... ما تفسير ذلك؟.....

[@north_star@]

قدم شكوى في هيئة الاتصالات وان شاء الله بتاخذ حقك .... جاني مسجات كثيرة بترقية الباقة وما رقيتها لاني عارف حاجتي واستهلاكي لانه الترقية بالنسبة لهم
انك سويت ابديت على السوفت وير ومافي رجعة

[سهم فضة]

اكيد انت وانا و كل من يقيم على ارض قطر مجبر يقبل عروض اوريدو انا كنت مشترك بالانترنت المفتوح عالوصلة ب 350 ايام العرض قبل كم سنة بقدره قادر تحولت لل 500 ريال ومجبور اقبل او الغي الاشتراك ،، كلهم يكملون بعض هم عالمجلس الاعلى للاتصالات ،، فا هم ليس لديهم سلطة على اوريدو من الاساس ،، وفودافون من يوم تحولت الى اسلامية و دخل مجلس ادارة جديد اصبحت في جيب اوريدو وعروضهم لم تعد تغري ومن يلاحظ يراقب عن كثب سيعي معنى كلامي ،،، نحتاج الى شركة حرة مستقلة بذاتها لها سلطة نفسها و سلطانها التام لتنافس بضمير دون تدخل من احد وتفعيل دور المجلس الاعلى للاتصالات ليكون سلطة ،، اما اوريدو تاكل حقك من هالشق لي هالشق و المجلس الاعلى يقولك هذه سياسة شركة و استراتيجيات ،، !!

[سهم فضة]

احمد 86 و خلدون فعلا كلامكم صحيح

[بوخالد911]

يبيلهم لسان مبلتع عشان تأخذ حقك

قدم شكوى وخذ رقم الشكوى
وعقب كلم هيئة تنظيم الاتصالات
103
44069938

[ya3coub]

السلام عليكم ورحمة الله وبركاته ،،

إشتركت للأسف الشديد في ( باقة قطرنا ) من فترة كبيرة وكنت مرتاح عليها كانت بـ 300 ريال وبقدرة قادر تحولت إلى 350 ريال بدون أي إشعار .. طبعاً لأننا كعملاء مجبرين وغير مخيرين فقبلنا بالموضوع رغماً عنا..

حالياً كل ما أفتح موقع أوريدو أو التطبيق يطلع لي إعلان عن باقة قطرنا 380 ريال موضح فيه أن الباقة الجديدة ستعطيني بدل الـ 30 قيقا بيانات غير محدودة بالاضافة لـ 100 دقيقة دولية ..والـ 5g .. أمس رقيتالخدمة وتفعلت ودخلت التطبيق لقيت قدام خانة البيانات 39 قيقا يعني ضايفين 10 قيقا بس ..ولما اتصلت وقلت لهم ليش مافي علامة الغير محدود قدامها ؟ قالوا لي إنه الانترنت نعطيك بس 10 قيقا زيادة وبعدها الانترنت بتتحول سرعته الى الوضع البطيء 20 ميغابت ولكن تقدر تتصفح اليوتيوب والفيس بوك ( هذا كلام الموظف ) رغم اني اتصفح اليوتيوب قبل والسناب وكثير يعلق بالسرعة الطبيعية فما بالكم بالبطيئة !! .

قلت لهم رجعولي الخدمة قالوا ما يصير ،، قلت لهم مستعد أتحمل الزيادة 3 شهور مثل ما تحملونا عادة لأي خدمة يطلب العميل إلغاءها قبل فترة العقد.. قالوا ما يصير .. الخدمة القديمة إنلغت وحل محلها هالخدمة ولا مجال للرجوع !

أنا أستغرب ليش ما يكون فيه حساب وعقوبة لمن يتلاعب بالإعلانات ؟ ليش ما تكون فيه شفافية وخدمة كاملة حسب ما يذكروا بالإعلانات ؟؟ ليش أدفع 30 ريال كل شهر بغير وجه حق ؟

أترك لكم التعليق ..

اخوي السكين اختلف معاك جدا.

الاعلانات كلها واضحه جدا جدا و عن نفسي ما يشملني هالشي لانه توني نطرت شهرين علشان انزل باقتي من قطرنها 850 لهالباقة.

و مكتوب بوضوح انك لو على اي من باقات قطرنا تنزل السرعه الى ٢٠ ميجا و ترا ٢٠ ميجا اتشوف فيها فيديوهات و يوتيوب و نت فلكس و غيره.

بينما الباقات الثانية تنزل السرعه و في فالاعلان و البروشورات لاني نشبتلهم اخر شهرين ابي انزل باقتي، بانه كل سرعه شنو ممكن تسوي فيها.

و اتذكر ايضا اني مصور و الحين الصورة تحت بتلقاها



هاي صحيح اني مصوره من كتيب الشركات و التعاقدات مالهم بس للامانه قبل ما اعرف عنه و اقراه قاري نفس المعلومة بالظبط فكتيباتهم بس بخط صغير تحت.

و طالما انك قطرنا سرعه النت ٢٠ ميجا كفيله للاستخدام العادي.

و اسئل جهة عملك و ايضا لما تروح لهم عن خصم الشركات و الوزارات.

اغلب اهل قطر ما نعرف هالشي و رجعتلهم و للعلم اخوي الباقة اللي تتكلم عنها تراها اربعين جيجا و ليس ثلاثين.
و عرض الشركات تضاف لك عشرين قيقا زيادة المجموع يصير 60 جيجا بتفس المبلغ و انا من سوو قطرنا 850 ادفع و عالفاضي لا نجوم ولا غيره للاسف.

و معاه بي ان ببلاش و اوربان بوينتس

[تاجر كشخة]

للأسف انكويت مرات ومرات من فواتيرهم لكن الحين عرفت لهم اشترك بعشرة ريال اسبوعيا و 100 دقيقة تكفيني والنت ما ابيه لانه في كل مكان

[شموخ دائم]

,

,


مرحبا


شكرا على الموضوع


بالفعل اعلان مضلل


مافي شي عندهم اسمه ( غير محدود )

في اوربا وفي أمريكا الي يحط اعلان مضلل يتعاقب

ومن واجب

مسؤلين الاتصال في قطر ( معاقبه اوريدو )

هذا خداع للناس

لازم يشيلون كلمه غير محدود ويذكرون المتاح بالباقه بالأرقام


end less

واضح المعنى ولا لها تفسير اخر
حتى لو كتبول تحت بخط صغير عدد المتاح فالكلمه الكبيره خداعه


وثاني شي

لازم ما يرفون أسعار ( الباقات ) تحت مسميات جديده
بهدف الغاء الباقات القدميه ورفع السعر بمسميات جديده

خاصه استخدام كلمات ( قطرنا )

قطر ليست لعبه في اعلاناتكم واضح ان الهدف رفع الأسعار


أتمنى الناس يشتكون رسمي ومخاطبه المجلس الأعلى للاتصالات
لوضع حد لهذا التلاعب


كلمه غير محدود لازم تزال
endless



,

,

,

,