التعديل الأخير تم بواسطة مضارب دوسري ; 06-03-2020 الساعة 01:26 PM
نفس الشيء أي شركة فاشلة تنزل السوق يبالغون في راسمالها وهي ما تسوى ربعه ويمكن 10% منه .. ملاكها ياخذون الكاش وتبين بعدين عيوبها .. عيل شركة البان راسمالها مليارين وشركة وقود ما وصلت مليار .. ونفس الوضع ينطبق على شركات كثيرة كانت ناجحة قبل الاكتتاب بينت عيوبها بعد ما نزلت السوق
صحيح
بس بصراحه عن نفسي
فعلا
رب ضارة نافعه
بلدنا ب 1 تنزل السوق والمؤشر 10400_10700
بلدنا ما زالت ب 1 والسوق وصل 9123
في حين شركات هبطت هبوطات متسارعه وقووووويه وكثير من الشركات الاخرى من هبط اكثر من 30%
مثل مسيعيد ووقود والمتحده وصناعات وفودا والاسمنت والتحويليه وغيرهم الكثير
و تجدها صامده
وطلع اللي حط راس ماله فيها ربحان في حال حول منها الى شركات اخرى فالسوق نزلت بشكل عمودي
فكانت علامه فاااااارقه بصمودها في وجه الاعاصير
كانت مضحكه لمن لم يكتتب يوم ادراجها
ومحزنه لمن اكتتب
مع الوقت بدت تكبر بعين الطرفين بصمودها
التعديل الأخير تم بواسطة مضارب دوسري ; 06-03-2020 الساعة 02:10 PM
شكثر بتتم على هالحال مدعومة بقوة بواسطة الوطني مثل ما سمعنا وشكثر بيبقى يضخ بعد بجزء كبير من أرباح المساهمين اللي حجزها عنهم .. وهي سقطت شوي لحول 0.995 ويمكن أكثر ما اتابعها ولا لي نية اورط نفسي بها .. قامكو وزعت درهم وها هي تصف تحت النص ريال لكن هذي وضعها غير .. 7 مليارات ريال أرباح في يد الوطني ما توزعت عادي لو بيسمحون له يشتري 5 شركات يقدر يرفعها لمت أب مب بس يخليها ثابتة .. ولا يخسر شيء كله حلال المساهمين ونفس الوضع ينطبق على كل الشركات وكل البنوك .. ليش نسمع البنك الفلاني بيبيع أسهمه وياخذ موافقات وقصة والا بيشتري جزء مسموح له من أسهمه وباعلان وموافقات؟ وليش الوضع يختلف مع شركة حديثة؟
كل الشركات وطنية وبعضها أشوفها وطنية أكثر من بلدنا .. بقرها ما يتكلمون قطري حتى جايبينهم بطيارات
ليش يوم ازدان يصك لمت أب كم يوم والقابضة حاسبوا الشركات اللي تشتري وهي خارج قطر ومسجلة رسمي .. هم كإدارة سوق المفروض ما لهم خص لهذي الدرجة .. بس الظاهر كانت الخطة أكبر من كم سهم بس وكانت بتكبر لمليارات الأسهم وبعد ما يصرفون كمية كبيرة منفوخة ومسمنة من الأسهم بيبعونها وبيتركونها تهوي مثل ما هو ازدان متروك الحين والقابضة .. بس وضع غريب ما دام السوق حر وحر الوطني يشتري بلدنا بعد حرة شركات الكايمان تشتري اللي تبي من السوق
أبشركم .. الجماعه تكرموا وأعلنوا نيتهم الأجتماع بآخر يوم من المهلة المحددة للأعلان
31/3/2020
أتوقع لو فالشهر أيام زيادة كان ماقصروا
الكل حلل وطبل للسهم لكن للأسف لانه كانو يملكون في السهم واضح البيع في السهم وطبيعي مايوزع