اتوقع والله اعلم الشركات الي بيتم الاستحواذ عليها من قبل الصناديق بسبب تراجع اسعارها بشكل مبالغ فيه كالآتي
فودافون
بروه
صناعات قطر
مسيعيد
الدولية
ناقلات
مزايا
قامكو
التحويلية
الاسمنت
اوريدو
توقع لا اكثر
اتوقع والله اعلم الشركات الي بيتم الاستحواذ عليها من قبل الصناديق بسبب تراجع اسعارها بشكل مبالغ فيه كالآتي
فودافون
بروه
صناعات قطر
مسيعيد
الدولية
ناقلات
مزايا
قامكو
التحويلية
الاسمنت
اوريدو
توقع لا اكثر
صحيح اذكر كانوا يشترون 10% من كل بنك أو زادوا النسبة بعدين قبل المتضرر أكثر البنوك ألحين شركات وايد طاحت طيحة قوية آخرها السلام والمتوقع يحذو حذو بنك قطر الأول يقولون لنا لكم ثلث الاسهم وبنسوي سعره ريال وبنرقع فيه بنغير ميلس الادارة وبنركب ليتات وزينة وبعدين بتتآكل أسهمكم وبيرجع بعد سعره لخانة العشرين درهم
انا كمستثمر تهمني محفظتي وليش ما تعتبرني الحكومة تاجر اتاجر في السوق وخسران وتعوضني تعويض مباشر
غيري تسلفوا من البنوك مئات الملايين وبنوا وأنشئوا وبعضهم خسروا ولا يقدرون يسددون وتحولت قروضهم لديون معدومة واحنا مساهمين بغير ارادتنا في سدادها .. ببساطة بنك يوزع 7 مليار ويخلي 7 مليار يبعثرها على المحتاجين من أصحاب مئات الملايين .. اللي اشوفه يعوضون صغار المستثمرين والا الشركات تحت الريال كلها تشتريها الحكومة بريال وبنعطيها أسهمنا بريال ونتخارج
اتوقع نص المبلغ في الوطني
انا الي اشوفه
المبلغ بسيط بنسبة لسوق قيمته 500 مليار ريال
يعني 10 مليار تعتبر2% من حجم السوق ككل
انا كمستثمر اوحتى مضارب مع الامور الصعبه الي صايره
نزول وانهيار اسعار البترول
هل الاسعار مغريه اني ابدا استثمر؟
البنوك تاجيل اقساط ونزول قيمة الودائع كله تاثير على ارباحها
شركات العقارات تعاني بسبب قلة الطلب وغير انهم بيعفون المستاجرين من الدفع لمدة ثلاث شهور
انا كمستثمر صغير جدا بسوق فيه مليارات الاسلم لي احفظ فلوسي الي تعبت وانا احوشها وانتظر لان الوضع مايطمن
الحكومه تدعم مايضرها باذن الله حتى لونزلت الاسعار وهذا هو الوارد ان البيع هو بيكون الاقوى والغالب بالايام الجايه بسبب الاوضاع الصعبه حول العالم
العشرة مليار اخوي السليطي تعادل تداول بارد بحدود 200 مليون لخمسين يوم .. قول لو دخلوا 100 مليون كل يوم بتستوي القيمة تكفي حق 100 يوم تداول .. مع باقي التداول اللي يصير بحدود 200 مليون على فرض إنه بسيط بتستوي 300 مليون وهو قيمة تداول مناسبة
ما ننسى فيه 75 مليار للدعم الفعلي هذي العشرة للبورصة بس وللتداول .. ال 75 مليار ما ندري شبتكون آليتها مثلاً المواطن العادي اللي يبني والا اللي عنده عقار مؤجر بعضهم ما يدفعون ألحين ويتهربون وبعضهم طلعوا من بعض الوحدات من بعوضه إذا التعويض كله يروح لكبار التجار وخل نقول كبار الشركات وغالبية اللي فيها حتى غير قطريين .. وقصدي مثلاً القطرية أكيد بتقدم فاتورة دسمة بخسايرها للحكومة وخسايرها كلها رواتب وكلفة تأجير طيارات ما تشتغل
انا بس اقارن صغار المستثمرين الخسرانين وهم قلة مقارنة بهذي الشركات والدعم القوي اللي يجيها
الله يوفق وكلها شركات تستحق الدعم وأكيد الدولة ما تقصر بس يبقى المساهم له الفتات حتى في التوزيعات اللي استوت يعتبرونها نسبة للسعر السوقي وليست نسبة لما حققته الشركة من صافي ارباح .. لا وبعض الشركات يكوشون على الربح ولا يوزعون والسنة الجاية يوزعون أقل القليل
هذا مب مناخ استثمار صحي اشوفه
جزاك الله خير ياخوي معماري قطر
امنيتي يصير هذا الشي والله
جزيت بما دعيت اخوي الاسطورة
كان المفروض المحافظة على رؤوس أموالنا في البورصة بتوفير مناخ مناسب وقوانين تدعم حق المساهم .. كم شركة قدرت توزع توزيع يبيض الوجه ووزعت 0 والا تحت نص اللي ربحته؟ وايد وقبل كان الاستثمار مجدي أكثر والمساهم له حق كبير في الربح المحقق بغض النظر عن سعر السهم وكانت الأسهم المحققة ربح وتوزيع ترتفع بدون توقف
ألحين اللي صاير سين من الناس يبيعون شركتهم بتحويلها مساهمة ( الا القليل ) ويبيعون الوهم للمساهم وهم يفتحون شركات تقتات على الشركة المساهمة اللي تمكنوا من مفاصلها ويبيعون فيها وياخذون حقهم بطريق آخر وبشركاتهم اللي أنشئوها بأموال المساهمين بدون ما يكون للمساهمين حق فيها وللمساهمين الخسائر المتراكمة
لولا ال 10 مليار لدعم السوق كان المؤشر الان بخانة 6000 نقطة ولكن ندعو لشمول باقي الاسهم بالدعم فليست كل البورصة الوطني وهناك اسهم قاربت على الانقراض لنزولها القاسي كالدولية والمتحدة الآتي كانت تنافس بروة سعريا بالامس القريبوالكثير الكثير من الاسهم
نستبشر خير إن شاء الله مع بدايات اعلان وجود دواء فعال ومتوفر وبإذن الله تنحل مشكلة هذا الوباء وترجع الأوضاع الى طبيعتها شيئاً فشيئاً