صفحة 1 من 2 12 الأخيرةالأخيرة
النتائج 1 إلى 10 من 11

الموضوع: فحص التربه

  1. #1
    عضو نشط
    رقم العضوية
    20581
    تاريخ التسجيل
    May 2008
    المشاركات
    744

    فحص التربه

    السلام عليكم يا جماعة الخير
    من الجهه التي تفحص اجتهاد التربه للارض المخصص للبناء
    ****** لا اله الله محمد رسول الله *******

  2. #2
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    عليكم السلام ورحمة الله وبركاته

    إجهاد التربة الله يسلمك فيه مختبر اسمه الخليج والتيسير بعد عندهم مختبر .. قبل كان فيه اوروبي تعاملت معاه على طريق سلوى بس اظن سكر

    نصيحة خل الاستشاري اللي بيصمم لك يقدم طلب لأن الطلب فيه تحديد محددات خاصة للفحص بعضها ما تحتاجها ولازم يكون المكتب عنده مهندس انشائي مختص يحسب القواعد بدقة حسب قوة التربة اللي يحصلها بدون مبالغات وخل الاستشاري يرسل الطلب بالفاكس حتى يحصل عرض أسعار

  3. #3
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    بعدين لو بتروح بروحك لمختبر فحص بتتعرض للخداع وبيحاولون يقنعونك باختبارات ما لها داعي بس حتى يزيدون التكلفة

    على سبيل المثال اختبار ال Chemical content ما تحتاجه الا لو بتصمم قبو قرب البحر باقي ارض قطر معروفة شديدة الملوحة وكثيرة السلفيت .. إختبار عمق المياه الجوفية هذا انا ما افضله لأنه ما بيفيدني في شيء لأنه متغير حسب الجو والموسم وحتى حسب ظاهرة المد والجزر .. المهم هو اختبار عمق الصخور لو الأرض ضعيفة وعمل ما يسمى بور هولز لمعرفة لو فيه تجويفات في عمق الأرض .. تحت عمق التاسيس بحدود معقولة متر أو مترين .. طبعاً البنيان الغير عادي 2 بيسمنت مثلاً هذي لها اختبارات محددة يحددها الاستشاري والمالك ما عليه بس الا يدفع

    بنيان عادي حتى لو بيسمنت انصح بعمل حفر اختبارية أي عمال يسوونها برخيص وهذي انت بروحك والاستشاري الفاهم يقدر يقدر قوة الارض والتربة ويقدر يعرف لو حفر وطلع له ماي .. بعد مب غلط تمر على موضوع مراجعة المخططات المعمارية حطيت فيه صور لبيسمنت فيه مياه وتم شفطها

  4. #4
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    عندي ولد عم حبوب داخل المقاولات من أوسع ابوابها ويبني كله تجاري وكله له وبرخيص .. قرر يبني بيت له ولإخوه ويسوي بيسمنت .. بدأ الحفر من سنة تقريباً ونسأله كم العمق اللي وصلت له قال 4 متر .. قلت انت شكلك بتنسى نفسك وبتحفر وايد .. مريت مكانه وشفت الدفان مكود بارتفاع هائل ولا فيه حد في الموقع وبوكلين مكسور وواصل عمق في تقديري ما يزيد عن 2 متر لكن الأرض صخرية وقوية وشكلهم تعبوا معاها وطلعوا .. لأن المقاولين يتفقون مع عمال آخرين للحفر ويعطونهم على المتر المكعب من 7 الى 12 ريال حسب ما سمعت وذيلا بسهولة لو شافوا العمل متعب وما يقدرون عليه تركوا الموقع وراحوا

  5. #5
    عضو
    رقم العضوية
    41517
    تاريخ التسجيل
    Jan 2012
    المشاركات
    286
    الحمدالله سويت االبسمنت هو افضل شي بالبيت خاصه لو تفتحه كله ببعض تحس كانه ملعب كره صغير خماسي هو تعب ومجهود ويكلف ممكن زياده عن عن سعر البيت حسب المساحه انا 320 متر مربع زاد علي بحدود 200000 مع الحفر والعوازل ضمان عشر سنوات عازل خارجي وداخلي

  6. #6
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة ابراهيم 2012 مشاهدة المشاركة
    الحمدالله سويت االبسمنت هو افضل شي بالبيت خاصه لو تفتحه كله ببعض تحس كانه ملعب كره صغير خماسي هو تعب ومجهود ويكلف ممكن زياده عن عن سعر البيت حسب المساحه انا 320 متر مربع زاد علي بحدود 200000 مع الحفر والعوازل ضمان عشر سنوات عازل خارجي وداخلي
    الأهم من العازل اللي تنتهي صلاحيته بعد 10 سنين وممكن يطول شوي أكثر بس مب وايد هو عمل تصريف لأي مياه جوفية وعمل سلوبات تبعد المياه عن الجدران

    معمارياً عمل فتحات تهوئة نازلة تعطي تهوئة ونور شيء مهم وممكن نسويها أصغر شيء أو بمساحة حديقة نازلة .. وهذي تفيدنا في تقليل مساحة الجدار المعرض للرطوبة وملامس للتربة وتقليل التكلفة

  7. #7
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    بدال ما نسوي ارضية الدور الأرضي مرتفعة اللي هي بتكون سقف البيسمنت نخليها نازلة وبإرتفاع معقول لسهولة الدخول والخروج للبيت ونسوي درايش بارتفاع عادي للبيسمنت وتكون مفتوحة على جدار نازل تحت الأرض ومفتوح هذا التجويف من فوق للنور والهواء .. بغينا نسوي هذا التجويف بعرض 40 سم ممكن حتى 20 ممكن ومن فوق يتغطى بشبك حديد قابل حد يدوس عليه أو نرفع الجوانب طابوق .. عندنا مساحة ونقدر نوسع بعد زين بدال 40 سم ممكن تكون بلكونة نازلة حتى نقدر نزرع فيها لو حبينا

  8. #8
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    يمكن أهم من فحص التربة عمل حفر استكشافية

    هذي طريقتها سهلة لو عندنا أرض البيسمنت 20 في 20 على سبيل المثال نحفر في الزوايا وفي الوسط 5 حفر متر ونص مربعة تكفي وحسب عمق التأسيس ونشوف الأرض شلون وشأخبارها .. حتى الاستشاري المصمم ممكن يقدر قوة التربة على أساسها

    الحفر كم يكلف لو بعمال ومعدات بسيطة؟ ولا شيء يذكر مقارنة بفحص التربة عن طريق مختبر

  9. #9
    عضو
    رقم العضوية
    41517
    تاريخ التسجيل
    Jan 2012
    المشاركات
    286
    صحيح كلامك اخ معماري انا سويت بير مياه جوفيه منسوبه اقل من البسمنت متر ونصف وقت اسحب الماي ماحصل شي بالبسمنت تركته اسبوع اختبر العازل طلع لي بعد تسريبات رشح بسيط ببعض الاماكن كلمت شركه العازل سووا الاماكن الي ترشح ماي الحمدالله الحين صار لي عشر ايام مافي اي شي وللحين مسكر ماتور السحب وهذا يدل فعلًا ان بير المياه الجوفية مهم جدااااا جدااااا وبعد ممكن نستفيد بالماي في احواض الزراعة بالبيت

  10. #10
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    للزراعة ممكن تحتاج هذي المياه لتنقية ومعالجة أو فلترة أقل شيء بس ضروري اللي بيسوي نظام يخليه دائم ما يكون بس لوقت البنيان وبس مثل رفيجنا اللي حطيت صور لشغله في موضوع مراجعة التصاميم

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •