ماعليك زود ياسعود
مكيفات تدمر ممتازين اذا راح تركب نظام vrv لانهم من أول الشركات اللي اشتغلت في هذا النظام مع متسوبيشي التيسير
السوق كله صيني حالياً ومعظم الشركات صناعة صينيه بس على حسب طلب المواصفات
عندك شركة الجديد يستخدم مكيفات توشيبا وممتاز في تركيب مكيفات نظام vrv
انا انصح اَي شخص حاليا بيركب مكيفات يستخدم مكيفات نظام vrv ويحرص ياخذ نوع شركة تستخدم 3 كمبرسرات في وحدة خارجية وحدة ثنين يشتغلون والثالث يكون احتياط وبنفس الوقت يشتغلون بالتناوب ( يعني ثنين يشتغلون والثالث احتياط وبعدين يتغيرون يعني الاحتياط يتغير من كمبريسر الى اخر ) يعني الاحتياط مب ثابت
معظم نظام vrv يجي عدد 2 كمبريسر وعلى حسب حجم الوحدة الخارجية هو يجي 8 طن ويوصل لين 16 الى 30 طن تتجمع الأطنان على حسب حجم البيت
لنفرض بيت يحتاج 70 طن وهذا بيت مساحته تقريبًا 1300 متر مربع تتوزع وتجمع الوحدات الخارجية مع بعض ويتم التوزيع على حسب احجام مساحات الغرف
يعني غرفة تحتاج 5 طن تكون الوحده الداخليه 5 طن غرفة ثانية تحتاج 3 طن هذا وحدة خارجية حجم 8 طن تشتغل مع بعض توفر طاقه وإذا مكيف مغلق الكمبريسر يشتغل على حسب المطلوب مايشتغل بطاقة 8 طن
ونوع الكمبرسر المستخدم الكمبرسر الحلزوني
اذا حاب مكيف جبار ويتحمل الحر عليك بالمكيفات الامريكية ترين او كرير بس بشرط يكون امريكي الصنع 100 % كمبرسر لونه احمر لشركة ترين وكرير لونه ازرق من شركة دنفوس بس سعر المكيف الامريكي غالي ومكلف
المكيفات غري متسوبيشي ميديا جنرال هايسنس جنرال كول كرير يورك توشيبا دايكن ومعظم المكيفات الباقيه كلها ممتازة اذا اخترت المواصفات الممتازة
وان شاءالله اللي جربو مكيفات يفيدونك
التعديل الأخير تم بواسطة Azizuk ; 30-03-2020 الساعة 12:38 PM
الله يوفقك ومنتدانا ما شاء الله الشباب خبراتهم ممتازة في هذي الأُمور وأكيد كلنا مع الدعاية المستحقة للشركة اللي شغلها زين وجودة منتجها عالية
السلام عليكم ممكن حد يفيدني جزاكم الله خير انا امركب مكيفات اسبلت من شركة مكوي من 4 سنوات تقريبا واسوي الصيانة الدورية بنتظام ... وصارت مشكلة في مكيف واحترق والله ستر لحقنى علية وطفيناه وصارت مرة ثانية في مكيفين بس طلعو ريحة حريق وطفيتهم وشيكنا طلعت الديمه ؟؟؟ البريرنق امجيم ؟ وعدة على خير.... اليوم احترق مكيف رابع والحمدالله لحقت علية وطفيتة بطفايت الحريق!!! المشكلة المكيف مايفصل من الفيوز ويتم شغال وشاب نار؟؟؟ احين قررت اغير كل مكيفات البيت تقريبا 38 مكيف سمعت في مكيفات صندوقهم حديد مش بلاستك؟ او ايش تنصحوني فية
اول شي الحمدالله على سلامتكم وماتشوفون شر
غريبة ان المكيفات تحترق ومن نفس النوع وانت توك مركبهم من ظ¤ سنوات باقي سنة على ضمان الكمبرسر تقدر تشتكي عليهم عند حماية المستهلك لان هذا الخطاء يمكن خطاء في التركيب او اسلاك الكهرباء ضعيفة او في خطاء في الدائرة الكهربائية داخل الوحدة الخارجية المذربورد ( mother board ) او راجع الشركة
عموما حاليا الشركات الكبيرة معظمها عمالها ومخازنه مغلقه بسبب الاوضاع
عندك شركة الجيد ممكن يوفرون لك مكيفات او شوف شركة غري وبنفس الوقت عليهم ضغط الشركات الاحسن تروح تمر على الشركات وتشوف من اللي يقدر يوفر لك توريد وتركيب
وبالنسبة للفيرزات انها ماتفضل معنى ان الفيوز قوته اكبر من حجم المكيف
يعني اذا المكيف 3 طن وانت مركب فيوز 50A ماراح يفصل لازم الفيوز حجم قوته تناسب حجم اطنان المكيف عشان اول مايصير اي خطاء في المكيف يفصل الفيوز عندك
راجع حجم الاسلاك لازم 6 مم وانت طالع على حسب حجم اطنان المكيف
ثانيا شيك على الفيوزات في العداد انها ماتكون اكبر من حجم الاطنان وبنفس الوقت نوعية الفيوز شنو من اي شركة مستخدم الفيوز الاسود القديم صعبه يفصل بسرعة الفيوزات الجديده اي حركة خطاء الكهرباء على طول يفصل
ونشوف ردود بعض الاعضاء ان شاءالله بيلقون لحل
تسلم الشيخ على الرد افويزات البيت النوع الجديد الرمادي مش الأسود.... تواصلت مع مقاول البيت بيطرش مهندس مكيفات وكهربائي بشيك وبيتواصل مع الوكيل اذا عيب في التصنيع.... وإذا اطريت اغير شنو احسن شركة مكيفات سبلت... الاغلب رشح جنرال
جنرال مكيف ماعليه كلام بس حرام عندك مكيفات واجده حرام تبدلها كلها خل الوكيل المكيفات يشوف العطل وين بالضبط بعدين حدد اذا تغيرهم كلهم والا لا
هو مكيفات اللي انت مركبهم ممتازه بس غريب ان يحترقون 4 مكيفات بنفس الطريقه اكيد في خطاء في الدائره الكهربايئة في الوحده الخارجية انا متاكد او ان الايرث اللي موصل بجسم المكيف مهب مركب عدل او ناسين يركبون الايرث اطلب الشركة يفحصون العطل وين بالضبط
على ماضن وكيلهم ال سعد هالشركة ولو تتواصل معاه شخصيا صدقني ماراح يخليك لان تهمه سمعت الشركة
والله يحفظك
على فكرة حاليا معظم المكيفات اذا تختار المواصفات الممتازة عندهم تعتبر ممتازة كل شركة عندها كذا صنف ومواصفات
شركة ميديا المصنع فاتح له مكتب اقليمي في قطر قبل كان في وكيل اللي هو جنرال كول المكيفات وبلانت مكيفات وباقي الكماليات
بس حاليا فتحو لهم مكتب اقليمي في الطريق الدائري الثالث قبل أشارات السينما لانهم موقعين عقود مع الدولة وبعض المشاريع العملاقه
تسام الشيخ على المعلومات وجزاك الله الف خير... بكرة بيمر مهندس التكيف وبيشوف الموضوع... الله يستر