ماذا استفدنا من كورونا

[ابو عبدالله.]

السلام عليكم

صبحكم الله بالخير

ماذا استفدنا من كورونا

موضوع شيق استغربت من نقاشه مع اكثر من صديق

وحبيت اعرف هل الاغلبيه وجدت ايجابيات بالموضوع

بمكالمه مع صديق و مع السوالف قلت له من قله الطلعه اني ما صرفت شي هالفتره

فقال انا راتبي ما لمسته الا للجمعيه و شويه بترول

و بدأت النقاط تنذكر عن امور اكثر

اكل المطاعم وقف و تنوعت اطباق المنزل. حتى البيتزا صارت فرش او من الجمعيه بدل البيتزا من مطاعم الي لما تبرد يتحول الجبن الى ما يشبه البلاستيك صعب الاكل

وقت اكثر مع العائله ومع الصغار خصوصا للاب و الام العامله و متابعه دروسهم بشكل اكثر


صديق يقول ان السايق كل يومين يعبي بنزين الحين ما يذكر متى صب اخر مره

صار بنفسه يروح الميره مع زوجته بدل الخدم وحتى فاتورته اقل من صرف الخدم بالجمعيه. بحكم انتقاءه و ايضا توفر عروض لا ينتبه لها الخدم بس شيل وحط

صار ملم بكل الاحداث و المعلومات بقراءه الجريده يوميا و زاد عليها تتبعه لفرص اعلانيه بمواقع الشراء و البيع

صديق اخر طلع ابداعه اليدوي بعمل جلسه كراسي بالحوش و مظله خشبيه يقول من زمان شاري الاغراض وما تفرغت لها غير اني سويت صيانه لامور كثيره بالبيت ما قدرت اسويها قبل

عني شخصيا اكتشفت امور ما كنت مركز فيها قبل

امور اخلصها بالنت مثل تأمين السياره و صرت اخلص امور بالنت اكثر من قبل مع سيل من نقاط الكردت كارد كفائده جانبيه و نقاط الميره لما اتسوق بنفسي

اشتريت مواد و كشافات و ستلايت للعزبه و رجعت شغاله تمام و صرت اودي العيال كذا مره. وقبل ما كنت اروحها الا للضروره

انتبهت اكثر للامور الي اعتبرها بزنس جانبي غير الوظيفه

و امور اخرى سأذكرها لاحقا ان شاء الله

اتمنى اشوف تجارب البعض و ايش استفادوا من كورونا


و الله لا يوريكم مكروه

[@north_star@]

فعلا رب ضارة نافعة .... بالنسبة لي هو قضاء وقت أطول مع العائلة بالدرجة الاولى وتوفير من المجمعات والمولات والمطاعم وحتى بترول السيارة
والشي الاجمل انه كل أكلك فالبيت ويكفي انه انظف وأامن وفي شي وهذا طبعا من الناحية الدنيوية .
أما من الناحية الدينية فزيادة التفكر بخلق الله واعجاز الله وعقاب الله بفيروس لا يرى بالعين المجردة وايش سوى بالعالم

[Rider]

ممكن الاغلبية نشترك في قلة الصرف فعلا هذا لي يحدث خاصه اذا قلنا رمضان جاينا وبعده العيد والصرف يزيد لكن اتوقع هذي المره مافيه اي صرف وهذا درس نتعلم منه
ممكن الشي الوحيد المحزن انه المساجد بتكون مغلقة في رمضان اهم شي بعد الازمة مانرجع مثل السابق لابد نحافظ على المكتسبات التي خرجنا منها

[ابو عبدالله.]

فعلا رب ضارة نافعة .... بالنسبة لي هو قضاء وقت أطول مع العائلة بالدرجة الاولى وتوفير من المجمعات والمولات والمطاعم وحتى بترول السيارة
والشي الاجمل انه كل أكلك فالبيت ويكفي انه انظف وأامن وفي شي وهذا طبعا من الناحية الدنيوية .
أما من الناحية الدينية فزيادة التفكر بخلق الله واعجاز الله وعقاب الله بفيروس لا يرى بالعين المجردة وايش سوى بالعالم

من اهم النقاط صادق
الوقت مع العائله و الاكل

صرنا نشوي هالايام وكانت عاده منسيه من فتره طويله لقله الوقت

قله الطلعات فعلا وفرت الكثير و حتى لو بنطلع للضروره ما في زحمه و لا ضغط نفسي

[ابو عبدالله.]

ممكن الاغلبية نشترك في قلة الصرف فعلا هذا لي يحدث خاصه اذا قلنا رمضان جاينا وبعده العيد والصرف يزيد لكن اتوقع هذي المره مافيه اي صرف وهذا درس نتعلم منه
ممكن الشي الوحيد المحزن انه المساجد بتكون مغلقة في رمضان اهم شي بعد الازمة مانرجع مثل السابق لابد نحافظ على المكتسبات التي خرجنا منها

فقدنا صلاه المساجد و الله يقبل صلاتنا بأجر الصلاه فيها. امين

مع اني منضبط بموضوع اغراض رمضان وما اكدس مثل غيري. نظام صحي شوي يعني

لكن العالم الي نشوفها بالاسواق برمضان شيء ضخم و صرف مبالغ فيه نوعاما

انتمى اني اقدر احتفظ بفوائد تجربه الحظر و الطلعه ببعض الامور و اهمها الوقت مع العيال و الاهل و تنظيم الوقت اكثر

[nooora]

[ابو عبدالله.]

مشكوره اختي نوره. جدا جميل

[sara jsm]

الصراحة الشي اللي وايد مستمتعه فيه صلاة الجماعه ..
بحكم اني امرأة نادر مااصلي جماعه .. لكن الحين ولدي الصغير يقيم الصلاة ..
وزوجي يأم فينا او ولدي الكبير فصار الموضوع مفيد بدرجة كبيرة لليهال وانا مستمتعه فيه ..
:
اما بخصوص المطبخ فقمت اجهز مفرزنات رمضان بروحي ومقضيه وقت بعمل اصناف جديدة ..
والله الكورونا جمعتنا اكثر .. صح قلت الزيارات ومن زمان ماشفت هلي لكن مكالمات الفيديو شغاله اللهم لك الحمد ..
وعلمت ولدي العابنا القديمة ( اسم - جماد ) والسلم والثعبان واونو
ماتغير شي ثاني علي لان احنا الحريم مب مثل الرياييل كله طلعات