أن فيروس الذي تسبب في وباء الإنفلونزا الإسبانية، لم يزل محل دراسة حتى اليوم، بعد مرور أكثر من مئة عام على وقوع الوباء
منقول
———
بكرة بعد ما يشبعون قتل الناس بيطلعون لنا بدون علاج والحل ان اتركوا المناعة تقاوم هذا القايروس ،،،
ما عرفنا لهم الصين وامريكا يعني تعتبر من أقوى الدول مب معقوله اتهام الصين لامركيا باختراع كورونا مزحة ، يطلع هذا الحجي من مسؤول كبير ، والله لو وسائل اعلام نقول ذباب الصيني لكن تصريح من مسؤولين كبار ،،
الموضوع يا انها لعبة او ان الفيروس خرج عن السيطرة ،، والله اعلم ما نفهم لكن علينا اخذ الاحتياطات والتزام بالتعليمات ،،
في قطر كثير من المختبرات المتطورة وفيه تركيز على التطوير والعلم بس للأسف ما نحصل مجال حتى ندخل هذي المختبرات
في التسعينات اشتغلنا مع استشاري عالمي لتصميم مبنى مختبر ضخم للأجهزة الدقيقة .. انبنى واشتغل ولا دخلته كلش .. أذكر وقتها أول مرة اعرف اليو بي في سي وكان ضروري للمختبر وطلبه المقاول من شركة فرنسية وكان أول مبنى في قطر يتم تركيب هذي النوعية من الدرايش فيه
واحة العلوم والتكنولوجيا 150 هكتار تعادل 600000 متر مربع من المختبرات ومراكز الأبحاث للشركات العالمية وهذي بعد ما يوطوط فيها قطري لأنها سرية وخاصة بالشركات الكبرى العالمية مثل مايكروسوفت واكسون موبيل
الجزيرة للأبحاث والدراسات الانسانية والدبلوماسية
الجامعات اللي في قطر كلها تسوي أبحاث وشفنا جهاز التنفس اللي أنتجوه .. وأوقات انسان بسيط ممكن يسوي بحث وابتكار لدواء فعال والموضوع توافيق وأوقات يكون صدفة محد توقعها
عيل المختصين مشت عليهم وسكروا المدارس وحتى الأعمال غالبيتها خففوا من الناس اللي يداومون فيها .. في ثلاث شهور تسبب الوباء بشكل مباشر أو شبه مباشر بوفاة الكثيرين
في أمريكا ضحايا 9 - 11 أقل بكثير من ضحايا هذا الوباء
المشكلة اللي مقرر يسوي المقلب هذا في العالم هو بروحه متورط وخسران ويموت من شعبه كثير .. واللي مسوي هذا المقلب ( لو حقيقي ) هذا كله تخيلي
انا مع المعلومات والأخبار اللي اسمعها واشوفها ومتأكد انها صادقة في غالبها .. عندي أمل وملاحظة إن الوباء زايد في الدول والمدن الباردة وعند المستهترين به ومتأمل بإذن الله يخف ويتلاشى بإرادة رب العالمين بسبب قدوم الحر
شغلتين انا شاك فيها وابري ذمتي منها.. كون الفايروس من اوله لآخرة مؤامرة.. انا اقول لا هذا ابتلاء.. لكن اني اطرش لك معلومات ناقصة او اطرش لك مسافرين مصابين او احتمال تظهر عليهم اعراض ونا ساكت معناته انا متآمر في مستوى معين (مب صناعة الفيروس) لكن انتشاره.
الشغلة الثانية اللي أشك فيها هي ان الفايروس ما ينتقل الا بالتعرض المباشر أو المخالطة مثلما يقولون؟
لان فيه ناس لا سافروا ولا خالطوا وجاهم الفيروس وتعالجوا وردوا بيوتهم.. ثم إن اجسامنا فيها مستقبلات وفيها اجهزة حماية وكلها بأمر الله.. يضعفك ليبتليك ويلطف بك ويحييك سبحانه لحكمة.
احنا المسلمين ما نقارن بغيرنا.. مب اننا ضد الرصاص لا مب قصدي..
لكن ايماننا ترونه نص اللقاح يعتبر وهذا انتم شفتم الخواجات بعضهم اسلم ويصلي بدون وضوء.. وفي اسبانيا ردوا يؤذنون!
والناحية الثانية عندنا كمسلمين ان نبينا عليه الصلاة والسلام دعى ربه لامته بأن لا يهلكوا بسنة عامة.. يعني الموت بالجملة معصومة منه الأمة.. سواءََ صدق المسلم او كذب.. سواء يستاهل او ما يستاهل.. هذا وعد الله لنبيه محمد عليه افضل الصلاة والسلام.
لكن الابتلاء حاصل و الطواعين تطهر من وقت لوقت.. ويا جماعة والله السنتين اللي مضت كانت هيئة الترفيه في السعودية تقيم الحفلات في ساحات المساجد.. وبرمضان وعقب التراويح مسابقات ودي جيه و غناء..
فلا نستغرب الابتلاء ونظن في الله احسن الظنون ان المساكين والغلابا والطيبين بيكونون في كنف الرحمن وحتى لو أصيبوا بيطيبون..
طول ما أحنا نتبع منظمة الصحة العالمية لن نخطو خطوة للأمام .
بالوضع الراهن لن يكون اللقاح اختيارياً والله المستعان .
قال صلى الله عليه وسلم : « لئن أمشي في حاجة أخي حتى أقضيها، أحب إلي من أعتكف في مسجدي هذا شهرًا».