الحل التعاقد مع الصين وعمل محطات فحص في كل فريج
مختبرات متنقلة تفحص 10 الاف في 10محطات
كل يوم نفحص 100 الف نخلص في
شهر ونفتح البلد تجارة وحياة
الحل التعاقد مع الصين وعمل محطات فحص في كل فريج
مختبرات متنقلة تفحص 10 الاف في 10محطات
كل يوم نفحص 100 الف نخلص في
شهر ونفتح البلد تجارة وحياة
وزارة الصحة خلها تلحق على علاج الحالات العادية .. إستوينا نخاف نروح لأي سبب ونسمع أشياء تخوف من التعامل وتكنسلت مواعيدنا كله علشان يصلحون خطأ القطرية
أتذكر الباكر كان يقول ما فيه دليل علمي .. شتبي تشوف أكثر يا مدير القطرية
من يومين تشببت شوي وقلت خلني انزل بسرعة على الدرج ونزلت تكرمون حافي أو نعاللس للي ما يعرفون معنى حافي .. ضربت الأرض بقوة بدون ما احس شوي واحس بألم بعد يومين اكتشفت عندي شق في الجلد وواصل للداخل ويحرق مع المشي وألم في مشط القدم .. شسوي ووين اطق براسي ما لي الا العلاج البيتي حطيت دواء ومعقم وباستخدم العسل بعده
من أيام اذكر الدكتور عبداللطيف الخال يقول كلها اسبوعين بعدين اكتشفوا ما خربته القطرية في الصناعية وما حولها وما أدراكم ما حولها .. ألحين يقول شكلنا مطولنا .. أكيد مطولين لو ما فيه اجراءات حازمة وفحوصات للكل .. في البداية افحصوا المشكوك فيهم واحجروا عليهم لين تتأكدون من سلامتهم
المشكلة الأخبار منقوصة ومختصرة بخصوص عدوى لمخالطين من خلال سلسلة طويلة من مصابين هدوهم في المجتمع وناس قالوا لهم تكفلوا بنفسكم واحجروا نفسكم بنفسكم ووقعوهم على تعهد نفس تعهد المدارس الخاصة اللي متعودين عليه طلبتنا ما يودي ولا يجيب
اعتقد انها فكرة صعبة شوي ويمكن ماتحقق هدفها .. لان حتى الشخص اللي تطلع نتيجته سلبية مافي ضمان انه مايكون حامل للفيروس.. يمكن مختلط بمصاب من يومين او اقل من اسبوعين فترة الحضانة وينفحص ويطلع سليم وهو شغال عدوى في اللي حوله .. الحل الوحيد هو الاعتزال مدة اسبوعين وعدم الخروج لضرورة او غير ضرورة وحزتها الفيروس مايلقى حد يحمله..
اعتقد الدولة قاعدة تسوي اللي عليها ماقدر انتقدها ماشية باسلوب متعارف عليه عالميا لكن حصل اختراق في مكان صعب ( مساكن العمال) وعلى فكرة كل دول الخليج حالتها نفس الشي معظم الحالات من مناطق العمال.. الكويت والبحرين رغم ان ادائهم كان ممتاز وخصوصا الكويت كانت استباقية وسريعة لكن الحالات الان من العمال.
لما اقول الدولة تسوي المطلوب خذ مثال اللجان اللي تزور مساكن العمال واصدرت تعليمات للتباعد الاجتماعي في مساكن العمال والتناوب على اربع مجموعات على الاكل وتقليل القانطين في الغرف الى 4 بحد اقصى وتوفير المعقمات والكمامات على رب العمل وتوفير اشخاص للنظافة وهذي اجراءات ضرورية يمكن متاخرة لكنها ممتازة.
الجانب الاخر هو الاستعداد الطبي ببناء المستشفيات وتوفير الأسرة الكافية باذن الله .
التعديل الأخير تم بواسطة مرتبش ; 27-04-2020 الساعة 12:08 AM
مرحبا باخوي العزيز معماري
كلامك صحيح تعاملهم مع الازمة مش بجدية خطورتها
من بعض المسئولين وكذلك المواطنين والأكثر استهتار المقيمين
ما زالت هناك تجمعات وناس غير مباليه وهذا الوباء
يزول بتكاتف الجميع يعني ما يصير انا مأخذ الموضوع بجدية
ويعديني مقيم غير مبالي
ربعنا لازم يكون عندهم شفافية عن أماكن وجود الإصابات
وجدول يومي بجنسية المصابين
كذلك تغيير خطة المكافحة
حان وقت تطويرها بلا مكابرة آو استخفاف
تحياتي يالغالي
حياك الله اخوي مرتبش
خطة الفحص الشامل قابلة للتحقيق مع الحضر لأسبوعين
تقضي على الوباء كاملا باْذن الله من فلت من الفحص لن يفلت
من الحضر وبعدها 3 شهور تباعد اجتماعي وحماية
وماسك خطة كفيلة بدحر هذا الوباء
للا سف اخوي استهتار البعض وصل مرحلة خطيرة
للعلم اجتماعات ومجالس وزيارات وكل أنواع الاختلاط موجودة
والحل وضع اسماء المتوفين من كرونا وإعلان ان سبب الوفاة هو
كورونا حتى يتعض الكل يد وحده ما تصفق الحل
تكاتف الكل للتغلب على الوباء
الحكومة ما تقدر تسجن الكل للأبد
خطة شاملة ومنع الناس من التجول لفتره
او سنضل نتخبط الى اجل غير مسمى
تحياتي اخوي مرتبش
كلامك في الصميم خصوصاً الشفافية وأماكن تواجد المصابين وجنسياتهم حتى اسمائهم
شفناهم ينشرون أسماء القطريين المخالفين والمفروض اجراء يمشي على الكل
أشوف الجدول كثير دول بعدنا بدت مشوار كارونا وألحين عندها حالات شفاء أكثر من المصابة وهذا يعني بدوا يسيطرون .. صحيح ما نقدر نحكم يمكن الورق ما يعكس الواقع بس بعض الدول ذات المصداقية مثل المانيا اشوفها بدت تتعافى بأقل الخسائر
اليوم 957 اضرب في 10 ايّام قادمة
عندك 10000 مصاب على مصابين السابقين
وين بيودونهم ???
اذا كثرت الحالات قلة السيطرة
وكثرة حالات الوفاة
الوضع خرج عن السيطرة فعلا
العمال بيسببون الدمار لنا اول امس
رحت اشوف مجمع فلل معروض للبيع الله وكيلكم
دخلت المجمع وحاصرونا العمال وانا بدون كمامة والله
تميت اصارخ عليهم وطلعت بسرعة متخلفين يلمون عليك
بلا تحفظ وبلا وقاية ومتجمعين مع بعظ وين العزل
والتباعد الاجتماعي
لو الامر بيدي اسوي مدن عمال فيها كل شي
وفيها ملاعب وسينما وكل شي يحبون
مش يزاحمون باوبئتهم
في أماكنا السكنية
حسبنا الله ونعم الوكيل
شخبار احتراز.. فهمت انه بيكون تطبيق ينفعنا بمعرفة المصابين ومن ثم نعرف لو كنا مخالطين لهم .. حد جربه
التعديل الأخير تم بواسطة مرتبش ; 27-04-2020 الساعة 02:20 PM