النتائج 1 إلى 10 من 10

الموضوع: مشكله في الديمر والليتات

  1. #1
    عضو
    رقم العضوية
    55998
    تاريخ التسجيل
    Apr 2020
    المشاركات
    7

    مشكله في الديمر والليتات

    السلام عليكم ورحمه الله وبركاته

    ياجماعه الخير انا سويت ملحق في بيت الوالد وركبت ليتات سبوت لايت وديمر للتحكم بالاضاءه بس طلعت لي مشكله في الاماكن الي فيها الديمر الليتات ترمش كل 3 دقايق لاقل من ثانيه وترجع طبيعي

    فمادري المشكله كبيره ولا بسيطه

    ياليت الخبراء في الكهرب يفيدوني

  2. #2
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    يمكن مركب ال اي دي على ديمر عادي وما ينفع .. مر على محل يبيع ليتات بس شوف حد فاهم وفهمه المشكلة وخذ عينة معاك خل كهربي يفكها ويفك الديمر .. ولو كهربي فاهم بيحل لك المشكلة .. تقدر تغير الليتات لنوع قابل لتخفيض الاضاءة Dimmalbe وفيه منهم ال اي دي وغيرهم ويمكن ضروري تغير الديمر لنوع مناسب

  3. #3
    عضو
    رقم العضوية
    55998
    تاريخ التسجيل
    Apr 2020
    المشاركات
    7
    اخوي معماري قطر الليتات اليد ديمابل الي تقدر تتحكم بمستوى الاضاءه جربت اكثر من نوع اخر شي صفيت على الي انا مركبهم بس مادري هل له خص بقوه الاحمال الكهربائيه يعني المشكله الليتات ترمش اقل من ثانيه وترجع طبيعي

  4. #4
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة Meshaal7 مشاهدة المشاركة
    اخوي معماري قطر الليتات اليد ديمابل الي تقدر تتحكم بمستوى الاضاءه جربت اكثر من نوع اخر شي صفيت على الي انا مركبهم بس مادري هل له خص بقوه الاحمال الكهربائيه يعني المشكله الليتات ترمش اقل من ثانيه وترجع طبيعي
    أكيد المشكلة في الديمر شوف واحد متناسب مع كمية واط الليتات كمجموع ولو استمرت المشكلة معناها الخلل في اللمبات حتى لو مكتوب عليهم ديمبل ممكن فيهم خلل

  5. #5
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    وعليكم السلام

    انا مش خبيرة في هالسوالف ..
    لكن يوم بغيت اركب حق بيتي ليتات ال اي دي قالي الكهربائي مايتركب عليهم الديمر ..
    الديمر يبي له الليتات العاديه اللي الحين ماعادت موجودة نفس قبل ..
    وكنت مركبه وجربت وكذا ليت ينفجر مرة وحدة بدون سبب ..

    :

    ان شاءالله العضو عزيز يشوف الموضوع هو مهندس كهرباء واكيد بيفيدك ..
    تُنسى ، كأنَّكَ لم تَكُنْ ..

  6. #6
    عضو فعال
    رقم العضوية
    42820
    تاريخ التسجيل
    May 2012
    المشاركات
    1,708
    اليت الديمر يجي من المصنع مخصص يكون ديمر

    انا اتوقع المشكلة من توصيل خط الكهرباء وسماكة السلك ولها حسبة كم سبوت لايت وحجم قوة الايت حتى لو ان ال اي دي مايصلح تشبك كل اليتات في سكت واحد لانه طبيعي راح يرومش اليت

    جرب ركب ليت عادي على سويش ديمر يقعد اليت يرومش تقول فلاش لان تيار الكهرباء متذبذب مهب ثابت

    كل سويش ديمر له قوى ومعيار كم يستحمل من احمال وحجم وسماكة الاسلاك

    ونوع المبة له دور اذا لمبة صينيه ومهب من شركة معروفة راح يشتغل اول الامر فترة وبعد فترة يحتر المحول داخل المبة

    كل لمبة ديمر يجي داخلها محول صغير واذا مافي تهوية والسقف حار يخترب المحول الداخلي فيها


    هذي لمبة من شركة اورسوم واختبار بسيط والفرق بين المبة اللي تجي صناعة المانية وديمبر وراح تلاحظ فرق في عدسة الضوء والاختلاف اللي مابينها وبين المبة العاديه من نفس الشركة والمحول الداخلي اللي فيها



    هذا الاختبار البسيط راح تلاحظ المبة العادية ترومش على على سويش ديمر لان تيار الكهرباء متذبذب ومش موافق مع المبة لان مافيها محول يضبط لك قوى التيار الكهربائي

    https://l.top4top.io/m_1576jlfjx0.mov



    لاحظ في الصورة اللي تحت فرق العدسة بين المبة العادية والمبة ديمر




    الحين اختبار المبة ديمر



    https://i.top4top.io/m_15766utra8.mov

    لو تلاحظ في الصورة اللي تحت لمبة الديمر داخلها محول صغير هذا المحول اذا حتر وسقف الغرفة حاره بين الجبس والسقف تقعد المبة ترومش لان تيار الكهرباء اللي داخلها متذبذب





    وعندك في هالصورة اختلاف عدسة المبة بين العادية والمبة ديمر



    وهذي المبة عادية بس الون اصفر نفس لمبة الديمبر وراح تلاحظ اختلاف في نصاع وقوة انعكاس العدسة





    لاحظ فرق العدسة تحت




    في نوع لمبات سبوت تجي تصنيعها غير المبة تجي بزعانف تبريد من الخلف كانها رديتيتر

    طبعا جودتها افضل وسعرها اغلى بواجد من لمبة الاسبوت العادية

    في لمبات بتروح سعرها بين 300 دولار من شركة ايركو الى 100 دولار من شركات اخرى بس يقولون ضمان انها تشتغل بين 5 سنوات بدون مشاكل

    انا شفت لمبات صناعة يصنية درجة اولى سعرها تقريبا 150 للمبة في محل بطريق سلوى جنب الشعلة وبضاعته ممتازة وحلوه

    وأن شاءالله احد الأعضاء يعطينا ويفيدنا اكثر
    التعديل الأخير تم بواسطة Azizuk ; 25-04-2020 الساعة 07:41 AM

  7. #7
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    ما قصرت يا بو سعود

    اوسرام الصناعة الألمانية من وين احصلها؟

  8. #8
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    اقتباس المشاركة الأصلية كتبت بواسطة معماري قطري مشاهدة المشاركة
    ما قصرت يا بو سعود

    اوسرام الصناعة الألمانية من وين احصلها؟

    محل الشمائل في قريه بروة
    تُنسى ، كأنَّكَ لم تَكُنْ ..

  9. #9
    عضو فعال
    رقم العضوية
    42820
    تاريخ التسجيل
    May 2012
    المشاركات
    1,708
    اقتباس المشاركة الأصلية كتبت بواسطة معماري قطري مشاهدة المشاركة
    ما قصرت يا بو سعود

    اوسرام الصناعة الألمانية من وين احصلها؟

    الله يسلمك وكيل الاوسرام هو الجيدة وله موزعين من ضمنهم محل الشمائل مثل ماذكرت اختنا سارة ومحل تورست جنب الشعلة في قرية بروة هذول اقوى موزعين حق الاوسرام وفي كذا محل بس اذا محتاج كميات تحصلهم عند الشمائل او تورست

    وتقدر تاخذ من الوكيل دايركت الجيدة طلع وكيل كذا ماركة بس حاسب من الموظفين اللي هناك في الوكاله تحصله مايبي يبيعك بيقول لك روح للموزعين يحاول يلف ويدور مثل ماسوى معاي يوم رحت لهم حسيت ان يبيني اروح حق محل تورست واتصل عليه وقال لي روح له بيسنعك احنا مب متوفر حاليا

    بعدين اخذت جميع احتياجاتي من الشمائل

    محلات العامر اللي بطريق سلوى عنده سبوتات ليتات حلوه وسعرها مناسب مقارنه مع الاوروبي ايركو

    اوسرام او فيليبس تقدر تطلب طلبيه لمبة عدد ساعات اطول عمر وزاية اكبر توصل لين زاوية 60 درجة

    لان اللي في السوق كله زاوية 36 درجة ودرجة الون 2700 كلفين

    حتى قوة الشمعة تقدر تطلبها اقوى

    اوسرام ماعنده الا درجتين من الالوان 2700 الاصفر مايل للبرتقالي شوي و 6500 الاف الابيض الناصع

    اما شركة فيليبس متوفر عندهم كذا درجة من اصغر درجة الى اقوى درجة بالطلب

    وكيل فيليبس تكنوكيو وعندهم مكتب فوق تدخل لهم عن طريق الباب الخلفي

    عندك بعد ماركة سيلفينيا موجودة عند دوحة الانوار جنب التيسير بطريق سلوى او محلهم اللي في قرية بروة
    التعديل الأخير تم بواسطة Azizuk ; 25-04-2020 الساعة 09:07 PM

  10. #10
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    مشكورين ما قصرتوا اخوي عبدالعزيز واختي سارة

    ركبت بانلات 60 في 60 للمطبخ ولدورة المياه الرئيسية .. الواحد ب 80 بس وايد قوية انارتهم ولو احترقوا تبدلهم بالكامل .. صناعة صينية تحت التجربة نشوف شلون يكونون

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •