هل هناك قصور في فعالية اجراءات الدولة؟؟

[Rider]

كلامك صحيح من زمان هم يقولون وايد مصابين ما يدرون بالمرض ويمكن يظهر عليهم مثل الزكام والكحة ال 10% أو 5% يتطور معهم لأعراض مميتة .. المشكلة الأكبر في انتشاره بطريقة سريعة وبدون محد يحس وهنا نلاحظ الاجراءات عندنا لك عليها وكلام حق ننقله من واقع ما نشوف ونسمع من أخبار

بعد صحيح دول كثيرة متطورة فشلت وفشلها وايد أكبر وقطر اشوفها 10/10 في الرعاية الصحية و 3/10 في انتشار الوباء والحد من انتشاره.. قطر وبجدارة الحين الخامسة على العالم بنسبة انتشار الوباء كم مصاب للمليون من السكان ولو نحسب الحالات الفعالة للمليون صدقني بنحصلها الأُولى بجدارة وراها اسبانيا .. بس اسبانيا الحالات الفعالة نزلت يمكن للنص وقطر للحين اجمالي الشفاء + الوفيات = 1822 من 16191 = 11.25% أما اسبانيا المتشافين 151633 والمتوفين 25428 وصحيح نسبة المتوفين للاصابات كبيرة عندهم وهذا دليل ضعف رعاية صحية .. نسبة المتشافين + المتوفين للاصابات في اسبانيا = 71.3% .. هذا يعني إن قطر لازم توصل 50% وفوق

زين نشوف كم دولة عربية وصلت 50% وفوق .. سوريا فوق ال 75% وما اصدق أرقامهم .. ليبيا قريبة من 40% واتمنى للدولتين تكون الأرقام صحيحة وعندهم حالات شفاء أكثر من حالات الاصابات والوفاة


نجي للدولة العربية اللي أوثق في أرقامها واجراءاتها اللي هي الأُردن .. الاصابات 465 والوفيات 9 مرتفعة بنسبة كبيرة مقارنة بقطر والمتعافين 370 والحالات الفعالة 86 نسبة الوفيات + المتعافين تعادل 81.5% .. عندنا غرينلاند 11 تعافوا بدون وفيات والنسبة 100% ومعاها كم دولة بس اعتقد بينهم وفيات بس نسبة خلو البلاد من المرض 100%

مب غلط نقول عن بعض الاجراءات تحت المطلوب وننتقدها

نعم ياخوي ننتقد لكن لاحظ دول الخليج كلهم نفس الشي لكن قطر اقل نسبة وفيات حنا مشكلتنا الحين مع الفئة العمالية وكل دول الخليج نفس الشي الفئة العمالية الكويت يوم بدوا مع العمال شوف الاعداد زادت
وش الحل في نظرك اخوي معماري
بعدين ياخوي لو تشيل فئة العمال بتحصل في قطر نسبة قليلة من الحالات يعني اذا لقينا حل للعمال الامور بتكون طيبة

[مهندس مقيم 2]

يعني اذا لقينا حل للعمال الامور بتكون طيبة

جميع الإجراءات الإحترازية اللي فرضتها الدولة لا تطبق بشكل فعال في قطاع المقاولات بسبب قلة وعي العمال و عدم الجدية في التطبيق من قبل الشركات و التركيز على الاستعراض و التصوير و الكلام الفاضي.

حتى معظم الشركات تجبر موظفينها المخالطين انهم يرجعوا للعمل بعد اسبوع فقط، و في الكثير من الحالات رفضت الشركة انه المخالط يجلس في البيت أصلا علما ان هناك حالات ايجابية في نفس مكان العمل.

قطاع المقاولات يمثل اكثر من نصف العاملين في الدولة و بدون ايقافه سيستمر المرض في الإنتشار بنفس الوتيرة و الله يحفظنا و يحفظ قطر من كل مكروه.

[معماري قطري]

جميع الإجراءات الإحترازية اللي فرضتها الدولة لا تطبق بشكل فعال في قطاع المقاولات بسبب قلة وعي العمال و عدم الجدية في التطبيق من قبل الشركات و التركيز على الاستعراض و التصوير و الكلام الفاضي.

حتى معظم الشركات تجبر موظفينها المخالطين انهم يرجعوا للعمل بعد اسبوع فقط، و في الكثير من الحالات رفضت الشركة انه المخالط يجلس في البيت أصلا علما ان هناك حالات ايجابية في نفس مكان العمل.

قطاع المقاولات يمثل اكثر من نصف العاملين في الدولة و بدون ايقافه سيستمر المرض في الإنتشار بنفس الوتيرة و الله يحفظنا و يحفظ قطر من كل مكروه.

يحتاج رقابة صارمة وتعامل مع المصابين

المشكلة في ادخال ناس من برا مصابين في الأساس وفي استمرار الطيران بنقل المصابين من دول موبوءة الحين السيطرة صعبة

[معماري قطري]

نعم ياخوي ننتقد لكن لاحظ دول الخليج كلهم نفس الشي لكن قطر اقل نسبة وفيات حنا مشكلتنا الحين مع الفئة العمالية وكل دول الخليج نفس الشي الفئة العمالية الكويت يوم بدوا مع العمال شوف الاعداد زادت
وش الحل في نظرك اخوي معماري
بعدين ياخوي لو تشيل فئة العمال بتحصل في قطر نسبة قليلة من الحالات يعني اذا لقينا حل للعمال الامور بتكون طيبة

الحل تطبيق لإجراءات صحية قوية يعرفونها زين .. وصلتني صورة لباص كله عمال الفجر رايحين لموقع هذيلا أي مصاب بيعدي البقية بسهولة .. وصلتني صور لعمال متجمهرين عند حياة بلازا قالوا فطور جماعي بعدين قالوا قطر الخيرية مجمعتهم تعطيهم معونات .. المشكلة أكد لي واحد ثقة رؤيته للتجمهر وكل واحد لاصق في الثاني لا والشرطة موجودين وينظمون الوضع

[][ الوحيد ][]

الحل تطبيق لإجراءات صحية قوية يعرفونها زين .. وصلتني صورة لباص كله عمال الفجر رايحين لموقع هذيلا أي مصاب بيعدي البقية بسهولة .. وصلتني صور لعمال متجمهرين عند حياة بلازا قالوا فطور جماعي بعدين قالوا قطر الخيرية مجمعتهم تعطيهم معونات .. المشكلة أكد لي واحد ثقة رؤيته للتجمهر وكل واحد لاصق في الثاني لا والشرطة موجودين وينظمون الوضع

افطار الصائم في حياه بلازا مع احترامي للشخص اللي بلغك بالتجمهر ..
المشروع ماسكه اخونا حمد الجميله اللي يجزيه خيره و قروب شباب قطريين
و حمد يغطي اللي يصير كلله عالسناب و ترتيب من احسن مايكون و محافظين على التباعد مع العمال و اذا تتابع حمد عالسناب بتشوف كل شي

[معماري قطري]

افطار الصائم في حياه بلازا مع احترامي للشخص اللي بلغك بالتجمهر ..
المشروع ماسكه اخونا حمد الجميله اللي يجزيه خيره و قروب شباب قطريين
و حمد يغطي اللي يصير كلله عالسناب و ترتيب من احسن مايكون و محافظين على التباعد مع العمال و اذا تتابع حمد عالسناب بتشوف كل شي

اللي شفته في الفيديوهات واضح ما يحتاج توضيح وهذي في رأيي سقطة كبيرة يجب أن يحاسب منظمها أياً كان .. اللي شفته تلاصق اجتماعي وكل واحد وجهه في وجه الثاني وزين عرفنا إن في قطر ناس عايشين على البركة ويخالفون تعليمات الجهات المختصة حتى لو كانوا يمثلون جهة ذات إختصاص آخر .. انا ما صدقت ان الفيديو في زمان كورونا لين أكد لي الأخ الثقة إنه شايف التجمهر بعيونه في وقت انتشار الفيديو

العمل الخيري في هذي الحالة مب في محله وهذا رايي واسمح لي الكل التزم بأوامر الدولة لكن هذا كان وضع غريب وانا ابدي استغرابي منه ومن وجود الشرطة تنظم وبعدين نسأل شلون ننتج قريب الألف مصاب يومياً ولا بد مع الأيام بنتعداها

[Rider]

اللي شفته في الفيديوهات واضح ما يحتاج توضيح وهذي في رأيي سقطة كبيرة يجب أن يحاسب منظمها أياً كان .. اللي شفته تلاصق اجتماعي وكل واحد وجهه في وجه الثاني وزين عرفنا إن في قطر ناس عايشين على البركة ويخالفون تعليمات الجهات المختصة حتى لو كانوا يمثلون جهة ذات إختصاص آخر .. انا ما صدقت ان الفيديو في زمان كورونا لين أكد لي الأخ الثقة إنه شايف التجمهر بعيونه في وقت انتشار الفيديو

العمل الخيري في هذي الحالة مب في محله وهذا رايي واسمح لي الكل التزم بأوامر الدولة لكن هذا كان وضع غريب وانا ابدي استغرابي منه ومن وجود الشرطة تنظم وبعدين نسأل شلون ننتج قريب الألف مصاب يومياً ولا بد مع الأيام بنتعداها

انا اخوي معماري اتفق معاك مرات بعض الصور توضح التنظيم فعلا يكون هناك تنظيم بس مؤقت أثناء استلام الوجبات اما قبل وبعد استلام الواجبات فوضى كبيره ولكل فوق الثاني
اما تعليق الثاني بعد عدد يوم امس من الحالات لي وصلا قريب الف حالة سؤال وش الفائده من الاجراءات الاحترازية لي طبقتها الدوله وتكلم عن اغلاق المجمعات التجارية والمحلات المختلفة والانشطة وزاد الطين بله الاغلاق يوم الجمعه والسبت لجميع المحلات الا المحلات الغذائية والصيدليات لي ممكن في هاليومين الموظفين يخلصون اشغالهم ترى مب الكل يعمل عن بعد وطلب الناس الجلوس في البيت وعدم الخروج الناس اكثر من شهرين قاعدين لكن للاسف اقولها من زيادة عدد الحالات معناها فشل الاجراءات الاحترازية عيل ليش نضيق على الناس طبعا مابغي اتكلم عن المجال الصحي لانه الاخوان ماقصروا الكل علق وانا كنت اشجع الاخوان في كل المجالات لكن من زيادة الاعداد فيه شي غلط وحنا الحين عارفين مشكلتنا وين في العماله الوافده للاسف قاعدين يهتمون فيهم اكل وشرب ومسكن ورواتب تمشي ليش كل هذا علشان ترضى علينا للجان حقوق الانسان في العالم مقابل التضحية بالموطن والمقييم اتمنى لي ماله شغل فالبلاد خلاص يتسفر بعدين بعد الازمة نوقف موضوع التاشيرات لي من 80 بلد يدخلون من غير اي اجراء بدينا بعدين يطلع علينا احد الدكاترة يقول زيادة العدد سبب عدم التزام الناس ياخي الحمد الله القطريين وغيرهم ملتزمين شوف مشكلة العامله بلا موضوع ذروه تذبذب مخالطين منحنى ترى خلاص حفظنا الكلام لي يعاد يوميا

[احب قطر]

انا اخوي معماري اتفق معاك مرات بعض الصور توضح التنظيم فعلا يكون هناك تنظيم بس مؤقت أثناء استلام الوجبات اما قبل وبعد استلام الواجبات فوضى كبيره ولكل فوق الثاني
اما تعليق الثاني بعد عدد يوم امس من الحالات لي وصلا قريب الف حالة سؤال وش الفائده من الاجراءات الاحترازية لي طبقتها الدول وتكلم عن اغلاق المجمعات التجارية والمحلات المختلفة والانشطة وزاد الطين بله الاغلاق يوم الجمعه والسبت لجميع المحلات الا المحلات الغذائية والصيدليات لي ممكن في هاليومين الموظفين يخلصون اشغالهم ترى مب الكل يعمل عن بعد وطلب الناس الجلوس في البيت وعدم الخروج الناس اكثر من شهرين قاعدين لكن للاسف اقولها من زيادة عدد الحالات معناها فشل الاجراءات الاحترازية عيل ليش نضيق على الناس طبعا مابغي اتكلم عن المجال الصحي لانه الاخوان ماقصروا الكل علق وانا كنت اشجع الاخوان في كل المجالات لكن من زيادة الاعداد فيه شي غلط وحنا الحين عارفين مشكلتنا وين في العماله الوافده للاسف قاعدين يهتمون فيهم اكل وشرب ومسكن ورواتب تمشي ليش كل هذا علشان ترضى علينا للجان حقوق الانسان في العالم مقابل التضحية بالموطن والمقييم اتمنى لي ماله شغل فالبلاد خلاص يتسفر بعدين بعد الازمة نوقف موضوع التاشيرات لي من 80 بلد يدخلون من غير اي اجراء بدينا بعدين يطلع علينا احد الدكاترة يقول زيادة العدد سبب عدم التزام الناس ياخي الحمد الله القطريين وغيرهم ملتزمين شوف مشكلة العامله بلا موضوع ذروه تذبذب مخالطين منحنى ترى خلاص حفظنا الكلام لي يعاد يوميا

اتفق مع كلامك 100٪ تم فرض إجراءات علينا يالقطريين خااااطئة... لا وتسببت في تكدس الناس.. مثلا.. ليش اغلقت العديد من أفرع البنوك وخليت بس كم فرع.. تعرف كيف صار التكدس في هالافرع؟؟ وكذلك المحلات.. خليت اوقات عملها محدود.. مماتسبب في تكدس في هالمحلات لان اوقات العمل محدودة... وهل يعني الفيروس راح يختفي في خلال اوقات العمل القصيرة؟؟

الادهى والأمر من ذلك..انا متعود مع بيتي وعيالي نطلع البحر.. نروح بروحنا ونقعد مع بعض كمتنفس لابنائي.. ليش منعت حركة اليخوت والطراريد رغم ان الخروج مقتصر على أفراد الأسرة الواحدة... انت تسبب كبت للناس اكثر من اللازم... مقابل ذلك.. انت مخلي الفئة العمالية تسرح وتمرح ولا يتم اخذ إجراءات عليهم.. امس الصبح في موقع بناء الجوازات الجديدة.. كان تدافع مايقارب من 200 إلى 300 عامل لركوب الباصات بشكل ولا كأن مطلوب التباعد الاجتماعي..

ياجماعة.. القطريين المصابين لايزيدون عن 700 حالة.. والباقي كلهم من الأجانب... غيروا اتجاه البوصلة.. وفكرَا بطريقة اكثر ابتكارا للتعامل مع هالأزمة... اتمنى مراجعة استراتيجية التعامل مع هالأزمة وعدم التهاون مع المقصرين في عملهم... احنا مش في وقت مجاملات.. احنا في وقت الحفاظ على حياة المواطنين والمقيمين.

[nooora]

لو يوفرون خدمات اون لاين كان سهل على الجميع ،، في الدوائر الحكومية والمؤسسات والبنوك بالرغم من ااعطاهم كل المعلومات الخاصة عن حسابك يقول لك تعال راجعنا بنفسك ،، كيف نتخلص من الشك في المعاملات ؟
تراسلهم ايميل طويل تبي تستفسر
الجواب : شكرا هههههه ، شكرا على وشو ماجااوبتني ،،
ان شاءالله 2050 ممكن نشوف التغييرات ،،

[nooora]

الموظفين غير مدربين على اخذ القرارات ،، متعودين على شغل الاوراق ،، ياخذ منك الاوراق ويتأكد من المرفقات ويدخله السيستم ،، زين بوفر عليك وقت برسل لك كل شي اون لاين شنو المشكله ؟
ف امريكا 90 بالميه من المعاملات الحكوميه اون لاين،،
واذا تراسلهم ايميل يردون عليك فورا ،، واذا تكلمهم يسألون جم اسئلة وبعدين يدشون معاك في المشكله ويتعاملون معاك بكل ثقه ،، لا في شك ولا يحسسوك انك تكذب عليهم ،،
مفروض تكون هناك دورات كيف يردون على الايميلات والمكالمات ،،