لاتنغروا بالجامعي .. فليس بالضرورة ان يكون ناضجا وواعيا

[مستر بن]

نروح ونرد على الشهادة.. شالسالفة

.
.

الشهاده هالايام تنفعك بس
وقت الزواج ( لان الاغلب يقول اضمن مستقبل بنتي )
و تنفعك بنسبة ظ¤ظ*ظھ للشغل . .

لان وايد ناس عندهم شهادات وماعندهم خبره . .
متخرج عالبركه ، وصار جامعي

وواجد ناس ماعندهم شهادات لكن شغلهم مضبوط . . .

الفرق : اللي عنده شهاده بيعيش مرتاح وبيضمن مستقبله . .


. . . . . . . . . . . . . . . . . . . . .


اما من ناحية النضج ، والله نسبه كبيره من الجامعين عقولهم صغيره . . مثل ما قلت متخرج عالبركه

[كازانوفا]

صدقت ليست بالضرورة الشهاده اذا كانت اخلاقه بالحضيض الكثير من العائلات انخدعو بالرجل بعد اول مشكله حصلت بينه وبين زوجته ..
..الله المستعان

[ابو عبدالله.]

العلم يا اخوي يرفع الانسان وحث عليه رسولنا الكريم صلى الله عليه وسلم والدين الإسلامي .. النجاح مب بس جمع فلوس .. للأسف مجتمعنا يمكن يشجع على الشغل بالثانوية وعدم الاهتمام بالعلوم العليا والتخصصات النادرة ونظام الدولة ككل .. انا حاولت سنين طويلة اني ادرس ماجستير في تخطيط المدن أو العمارة أو الهندسة القيمية وكله اصطدم بعقبات كثيرة .. ألحين عرفوا الحق وسمحوا للي حديثي التخرج بدراسات عليا وحتى لو بدوام جزئي يعني يرتب جدوله مع الجامعة ويلتزم به ويروح ياخذ كورساته واختباراته ويرجع وكل سفرة تعتبر له مهمة رسمية .. ولو في الداخل بعد سهلوا له التفرغ وتكاليف اي جامعة .. هذا شيء زين بس كنا نطالب به ونتمناه في زماننا

عارف إن البعض ما عنده شهادة جامعية بس المفروض يسعى لتعليم نفسه وبعد اتوقع فيه تسهيلات للي عندهم الرغبة في تطوير أنفسهم

اكيد العلم يرفع الانسان لكن اي علم اخوي معماري

اذا العلم دفنه براسه و جلس ياخذ راتب على الفاضي و ما يداوم

مادري ليش ذكرت ان النجاح مب جمع فلوس بس. ما اعتقد اني قلت ان الفلوس هي النجاح و بس ههههه

كلن له نصيبه من الحياه سواء علم جامعي او غير جامعي. و الفلوس ايضا نوع من تحقيق الاهداف و له مقياس و نجاح

على فكره مجتمعنا ما يشجع على العمل بالثانويه. بالعكس اشوف وايد يدخلون عيالهم الجامعات او الكليات الامنيه الخ لكن الي ما ينقبل يروح يشتغل
فالاساس هو التشجيع على الدراسه. هذا الي شفته بأمانه

يمكن قبل 15 سنه و اكثر كانوا لا يبالون و يخلون الولد يختار العمل او الدراسه لكن الحين يعلمونه الفرق و يشجعون على الدراسه

و اغلب الاباء بوضع مادي يسمح انه يدعم الابن و البنت للدراسه الجامعيه. غير الدعم من كذا جهه لاكمال الدراسه سبونسرشب يعني

اتفق معاك ان جهات العمل حست بأهميه الدراسات العليا و سمحت بها لرفع المستوى للموظف و الجهه ايضا


اخر نقطه ذكرتها ان البعض ما عنده شهاده او ما كمل و المفروض يحاول يعلم نفسه. اذكر علقت بكذا موضوع ان مش الكل يجد الفرصه وحتى ناس ما اعترفوا بشهاداتهم و اشتغلوا بالثانويه

اي كانت الاسباب فمش الكل بيحمل شهاده. لكن الكل عنده فرصه يطور نفسه و يرتقي و ينجح بالعمل و غير العمل

و ذكرت لك قبل ان صديق وصل مناصب مهمه و تخصصيه نادره جدا بسبب توفيق الله و تطوير نفسه بدورات و خبرات نادره

فوق هذا. هو و غيره وصلوا لرواتب عاليه وهذا نجاح مضاعف برأيي

الله يوفقهم و يوفقنا

لا تظن ان المغزى هو الراتب او جمع مبالغ عاليه بأعتباره نجاح مادي فقط

انا اقصد ان الارتقاء المادي هو نتيجه للعمل و الرقي الوظيفي و حسن اداره الموارد الماديه

منها توفير دعم للابناء للدراسه او الزواج و غيره

ومنها تجهيز للتقاعد المناسب بدل ما يضطر يتشكى و ينتقد الحظ براتب بسيط

[ابو عبدالله.]

الدراسة الجامعية على كلام واحد فلسفي يقول انه ماتضمن نجاحك في الحياة وضمان الشغل
لكن تجيز لك ان عندك مخ تفكر فيه وتجيزك الجامعه بناء ع ذلك.
بالغالب في جميع التخصصات ماعدى الطب والهندسة عندنا في الوطن العربي اغلب الجهات الابتعاث او الاماكن توظف الجامعيين في غير تخصصهم وتقتل موهبتهم ودراساتهم.
وهذا موجود عندنا في قطر نشوف بعض الدكاترة طب او العلم اذا سوى انجاز في مجاله يكفاءونه يكون مدير اداري مثلا في المكان الي هو فيه وبدال مايكون مشغول مثلا ف شغله الي قبل ينشغل في اموار ادارية كبيرة ويمكن يفشل فيها وصارت عندنا السيناريو هذا وفي الخليج كذلك.
ادري شطحت عن الموضوع لكن هالجزئية هذي فيها سبب من الموضوع هذا

اتفق مع تعليقك اخوي

الجامعه تجيزك ان عندك مخ

و كثير خريجين يتوظفون بغير تخصصهم

البعض تنقتل مواهبهم لكن البعض الاخر يبدع بعمله و يرتقي و ينجح بقوه

المسأله عقليه و اجتهاد و حسن تدبير و توفيق من الله

بالمقابل هناك الي يشتغل بتخصصه ولا ينجح و ينصدم بامور توقف انتاجيته ولا يبدع. بعد اعتبرها سوء حظ او قله ابداع او قله حيله الخ

هذا يرجعنا للمربع الاول وهو الموضوع اعلاه

الشهاده ليست معيار النضج او النجاح او الوعي