اسوأ بنك في قطر لامراعاة لوضع صحي ولاشهرفضيل

[حمــد]

في تلاعب في الفائده بشكل مبطن حتى في الاسلامي متلا يقولك بنعطيك قرض بقيمه مليون ريال بسعر فائده او ربح محدد بشرط دفعه اولى بقيمه 40% من قيمه القرض طيب حلو معناها المبلغ الفعلي المستلم 600 الف ريال ولكن الفائده عن المليون ريال وليس المبلغ المستلم فتصبح الفائده تقريبا ضعف ما اقره البنك المركزي ! طبعا غير مصاريف فتح الملف والتامين والتامين على الحياه وغيره

[ابو عبدالله.]

اول مره اسمع ان الاسلامي يحط مرابحه على المبلغ المقدم

ما مر علي هذا من قبل

[حمــد]

يلي يعيش ياما يشوف يا بوعبدالله وماخفي اعظم

[ابو عبدالله.]

يعطيك العافية اخوي ابو عبدالله
بصراحة اي شي يكون اسمه اسلامي ترتاح نفسيا
لكن في بعض الامور تكون التسهيلات والتعامل مع الينوك الغير اسلامية اسهل واكثر مرونه
مثلا انا بغيت قرض عقاري الميلغ كان خيالي من ينك اسلامي
البنك الغير اسلامي معقوله شوي وقال ان موضوع الفوائد تغير لان الدولة عن طريق البنك المركزي عالجت هالموضوع وحددوا نسبة الفوائد وماتزيد مثل قبل
والله العالم مدى صحة هالكلام

مساء الخير

غير صحيح اختي

من قال لك ان الوضع تعالج

هذا كلام مرسل و ليس لكل عميل

الاسلامي يفرق من بنك الى بنك

في اسلامي مرابحته على الراتب 3.7
وفي اسلامي اخر 2.7

اذا بتتسلفين قارني كذا بنك و النسب ممكن تتعدل بالتفاوض مع البنوك و ليست ثابته كما هو معلن بالورق

الي ياخذ مليون و مليونين يطلب تخفيض و ينظر بطلبه. يدورون العملاء الي ياخذون مبالغ كبيره و يراعون النسب لهم

الغير اسلامي بيعطيك اقل اول توقيع العقد لكن له حق رفع الفائده الى اقصى ارتفاع سمح به المركزي

وهو اعلى من مرابحه الاسلامي بالنهايه

ايضا لن تنهي الاقساط كما تم توقيعه بالعقد لو كانت خمس سنوات مثلا. بتتجاوزين الست و سبع سنوات احسبي كم قسط اضافي بتدفعينه و قارني مع نسبه الاسلامي الثابته و المده نفسها خمس سنوات بالضبط ولا شهر زياده

تعرفين ايش لك و ايش عليك. و يا عيني لما تشوفين السلفه تنقص كل شهر. مش باقي البنوك. يشيل و يحط و كأنك ترمين راتبك بالشارع مش بأقساط

خلنا نتكلم عن المرونه

انا عميل ايش ابي من البنك

حساب اسحب منه ببطاقه و لما استلف. اعرف كم علي و متى بخلص. ايش ابي بعد. ابتسامه ولا فوائد مركبه تطيل عمر السلفه سنوات ولا ايش

البنوك الاسلاميه انظلمت بالسمعه لصالح البنوك الاخرى

دوم يقولون. خدمه تعبانه و زحمه و تأخير. الخ

وهذه كلها اشاعات

الاسلاميه فيها خدمه زينه و افرع كثيره

خدمات الكترونيه نفس باقي البنوك

و مميزات افضل ببعض الامور

بطاقه الدولي الاسلامي انا اخذت عبر نقاطها تذاكر تتجاوز قيمتها 23 الف ريال و ادخل للخدمه بالفرع في اي بي و اخلص بسرعه

نظام نقاط البطاقه افضل من اغلب البنوك بنظري

نقاط للتذاكر بدون دفع رسوم التذكره. باقي البنوك يحولونها نقاط للقطريه ووادفع رسوم و الكراسي قليله للي ياخذ تذكره بالنقاط

الدولي يحجز لك عبر موقعهم و بدون رسوم. احجز بالنقاط و شيل بس

فيها خيارات تحويل النقاط. لنجوم. و للقطريه و حجز فنادق و سيارات التأجير

تذاكرهم مش بس للقطريه. عندهم صفحه بالنت تحجزين لاغلب شركات الطيران. و باقي البنوك بس القطريه و فوقها رسوم التذكره و المطار

عروض الدولي في رمضان ولا بنك يعطي نسبه مرابحه مثلهم و انا خبره بأصطياد افضل النسب و لفيت بنوك اسلاميه و كلهم ما قدروا يعطوني نفس الاسلامي
كلهم اعلى بنص٪ و اكثر.

مع العروض يعطون نقاط مجانيه. المليون عطوني 40 الف نقطه. فيها تذكره لتركيا او اذربيجان هذا غير النسبه المخفضه 2.71 و بدون رسوم اداريه فقط التأمين وهو مبلغ بسيط اقل من 1% و كل البنوك تاخذ تامين

اعتقد ما في مقارنه بين البنوك الاسلاميه و غيرها. لا من سالفه الحلال و الحرام الشرعيه. ولا من ثبات السلفه و انتهائها بوقتها ولا من النسب الثابته الي ما فيها رفع بدون علم العميل ولا من الخدمات و استرداد نقاط البطاقات الخ

لكن اختي اذا بتدخلين بموضوع سلفه و مقدم اعتقد انه لعقار طبعا. فأدرسي الوضع قبل السلفه و المقدم

هناك حلول افضل من الاستلاف من بنك غير اسلامي وهذا موضوع اخر غير نقاشنا حاليا

اذا حبيتي نقدر نتناقش بهالموضوع او افتحي موضوع جديد عن افضل السبل لشراء عقار و افضل السبل للاستلاف عشان نحدد توجه الموضوع و نفيدك بالي نقدر عليه

[مخطط قطري]

ابو عبدالله كفيت ووفيت ولكن 2.7% هذي التراكمي يعني بنسه العاديه كم ؟ اعتقد ظ¥ظھطœ او اقل!

[LOLOO]

ماشاءالله عليك يابوعبدالله معلومات خطيره بصراحة
مااحد ينكر ولايختلف اثنين على ان السلف من البنوك من طاح فيها غرق ( دين ) يعني في كل حالاته هم
والي لاحظته ان من بداية السلفة ان المبلغ الي انخصم كله ارباح البنك اما من القيمة الاساسية شي بسيط جدا
لكن فيه شي بعد خلاني ماافكر بالاسلامي وهو في حال بعت العقار مثلا وجيت اسدد في الاسلامي تبقى الفائده مثل ماهي لازم ادفعها اما الغير اسلامي لا خلاص ولا شرايك

[مستر بن]

.
.
.

بشريننا بالرد اللي بيردون فيه عليج ،
المشكله فالستاف مب فالبنك نفسه . . .

[LOLOO]

.
.
.

بشريننا بالرد اللي بيردون فيه عليج ،
المشكله فالستاف مب فالبنك نفسه . . .

صادق والله

اتصلوا بعد الشكوى وقالوا تقدرين تجين تسحبين اوتسكرين الحساب مثل ماطلبت
قلت هالشي ممكن اسويه بدون مااشتكي
ثاني يوم اتصلت الموظفة تعتذز وانتهى الموضوع ورمضان كريم

[تاجر كشخة]

اي معامله خاطئه تشتكي عليها ومنها سحب مبلغ دون علمك مده الاعاده للمبلغ ثلاث ايام فقط

بعدها يخالف البنك على عدم انهاء اعداه المبلغ بحسابك.

اسهل طريقه لتصحيح اي خطأ هي الشكوى عن الخطأ و بعدها بكم يوم اذا ما انصلح. تشتكون على الموظف الي اخذ الشكوى لعدم اتخاذ اللازم

بدقايق تنحل المشكله

يعتبر خطأ مركب لعدم التصحيح و اهمال الشكوى

القانون شديد جدا على البنوك لكن غفله العميل هي الي تسهل التقصير و طول المده

كل خطأ له طريقه للتصحيح

بعطيكم مثال

سحبت خمس الاف و ما طلعت المكينه المبلغ. رجعت سحبت خمس الاف ثانيه و طلعت. لكن خصم من الحساب عشره الاف

اتصلت و طلبت اعاده المبلغ. ايش صار. الموظف عمل طلب اعاده لعمليه السحب الثانيه وهي تمت صح. فما رجعت خمس الاف لي

لما رحت للبنك بعد اتصالات كل كم يوم عرفت انهم ما عملوا طلب اعاده للعمليه الخطأ و الطلب كان للعمليه الصحيحه فألغي الطلب اتوماتيكيا لانه صحيح

لما وصلت الفرع و اشتكيت قالوا لي هالكلام. فليش الموظف اخطأ. هل هو عمد ام قله خبره. المهم اعادوا طلب الاعاده بشكل صحيح و خلال ثلاث ايام رجعت الفلوس

توجد امور بالبنوك ما ابي اكتب عنها لكن نصيحه. اي خطأ واضح لفلوسكم فقط اذكروا انكم بتقدمون شكوى للمركزي او النيابه

البنوك دم ضروسهم المحاكم. وايد يحكمون عليهم بالضرر و التعويض


الي يذكر كان في قضيه نشرت بالجريده من كم سنه. عن شخص خسر وظيفته و البنك ضاعف الفائده و الرسوم لضعف مبلغ السلفه و قدم قضيه

لما القاضي شاب ان الشخص اصلا دفع الفوائد اكثر من مبلغ السلفه حكم باعاده الفوائد له كامله و حط عليه خميسن الف فقط

الحكم الشرعي كان ان لا يجوز وضع فائده تناهز او تتجاوز السلفه. فخسر البنك كل الفائده الي اخذها سابقا اثناء الاقساط المسدده و اعتبرت من مبلغ السلفه الاصليه و كأن العميل سددها خلاص

وايد امور نجهلها عن البنوك و اتمنى اي مسلم يروح لبنك اسلامي افضل و اضمن

لي باع طويل مع البنوك و اعرف كثير عن مطبات السلف و بطاقات الائتمان وحتى الرسوم المخفيه الي ما تبين في كشف حساب البطاقه

عشان نستوعب اكثر

بطاقه الائتمان يقولون انها 2% فوائد وهي فعلا 2% شهريا مش سنوي مثل السلف العاديه ففعليا العميل يدفع 24% سنويا فوائد البطاقه

تأمين البطاقه انحط علي بدون علمي و اكتشفت ان البنك ياخذ 500 ريال شهريا فقط للتأمين وهو لا يغطي فقط الوظيفه او الوفاه

عيل ليش حاطين تأمين و بدون علمي

من زمان وانا ملغي البطاقه ببنك غير اسلامي ولا لي اي شغل غير بنكي الاسلامي كانت بطاقه و تعلمت الكثير بعد الشكاوى و المراجعات و اكتشاف امور كرهتني بأساليب التعامل مع العملاء و سحب فلوسهم بطرق انا ما تعجبني

بارك الله فيك اخوي ومنك نستفيد

[الحاقول]

انا من سنتين كنت في احد البنوك , ولما عطيتها الشيك , كانت تتكلم بالجوال , وتشق بعض الأوراق
وللأسف شقت شيكي معهم !!!!
وبكل برود قالت اسفه ,,
قلت مو مهم ,, بس صرفي الشيك
قالت ما قدر مشقوق
قلت انتي السبب
قالت ممنوع اصرف شيك مشقوق
قلت اوكي باروح حق المدير
شعرت انها خافت وجلست تبكي
قلت خلاص سامحتك
وذهبت الى صاحب الشيك وطلبت منه كتابة شيك اخر بدل الشيك المشقوق