اسوأ بنك في قطر لامراعاة لوضع صحي ولاشهرفضيل

[ابو عبدالله.]

ابو عبدالله كفيت ووفيت ولكن 2.7% هذي التراكمي يعني بنسه العاديه كم ؟ اعتقد ظ¥ظھطœ او اقل!

هذا الثابت. اذا بتقارنه بالمركب نفس البنوك التقليديه بتكون حول 5 ظھطœ او اقل شوي

يضل ثابت ولا يرفع بعكس باقي البنوك

النسبه 2.71 انا اخذتها من سنه بالضبط و بعدها المركزي خفض الفائده و احتمال تلقى اقل منها بعد

السلف تقدر تسوي عليها شوبنق. نفس الاغراض. افتر على كذا بنك و بتحصل الي يسوي لك خفض. بحسب حجم السلفه
و بعضهم يسوي لك بكج. يعطيك نقاط مجانيه ع البطاقه او كاش باك عشره و عشرين الف هديه منها الدولي و بروه. عرضوا علي كاش باك لكن طلبت المرابحه تخفض احسن من الكاش باك

الدولي عطاني افضل عرض و اربعين الف نقطه للسفر تذكره تركيا كانت ب 29 الف نقطه فقط. بدون رسوم تذكره ولا قله كراسي. حجز عادي يعني. عبر موقعهم واي شركه طيران تختار

بروه ايامها عطوني 2.9 اعتقد و كاش باك 16 الف حسبتها و فضلت الدولي


للاسف في بنوك اخرى للحين معتمدين ان الزبائن تبي بس اسلامي وما يهم النسبه فبقوا بنسب تتجاوز 3%

و بعضهم 3.4

المليون سلفه. على خمس سنوات اقساط. تفرق معاك 50 الف ريال لكل 1%
يعني لي فرقت بحدود 40 الف ريال اقل مع الدولي وفوقها 40 الف نقطه مجانيه للسفر


الي بياخذ سلفه عوده. يطلب معاها بطاقه في اي بي حتى لو راتبه اقل من خمسين الف يفاوض يعني. عشان يعطونه ع كل اربع ريال نقطه. بدل البطاقه الفضيه عشر يال بنقطه واحده فقط

[ابو عبدالله.]

ماشاءالله عليك يابوعبدالله معلومات خطيره بصراحة
مااحد ينكر ولايختلف اثنين على ان السلف من البنوك من طاح فيها غرق ( دين ) يعني في كل حالاته هم
والي لاحظته ان من بداية السلفة ان المبلغ الي انخصم كله ارباح البنك اما من القيمة الاساسية شي بسيط جدا
لكن فيه شي بعد خلاني ماافكر بالاسلامي وهو في حال بعت العقار مثلا وجيت اسدد في الاسلامي تبقى الفائده مثل ماهي لازم ادفعها اما الغير اسلامي لا خلاص ولا شرايك

بضطر اختلف معاك اختي ههههه

الغير اسلامي يسدد فوائده اولا ليش. عشان اذا فكرتي تسكرين السلفه ياخذ مبلغ السلفه كامل منك و يقول كل الي دفعتيه كان الفوائد فقط

ولو كلمتيهم ان بتسددين يقولون ليش. انتي سددتي الفوائد خلاص الحين بس السلفه خساره تروحين بنك ثاني و يحكون فوائده عليك مره ثانيه


وهذا غير صحيح ايضا

لانهم كل فتره يرفعون الفائده على المتبقي وعلى الي دفعتيه اصلا

يعني المتبقي و فوائده تنحط عليها فائده ثانيه وتضلين تدفعين بالفوائد لين ينكسر ظهرك و تملين و تطلبين نقل السلفه لبنك اخر و هم طول المده اخذ بفائده و اخيرا ياخذون السلفه كامله حتى لو دافعه كم سنه من السلفه

الاسلامي فيه اعاده مرابحه.

اول سنه بتسددين يرجعون 75% من المرابحه

ثاني سنه. بنسبه اقل اعتقد نص المرابحه.

اخر سنه يرجعون 25% من باقي المرابحه

بعض الغافلين يبون يتهمون الاسلاميه عشان يبروون بقائهم بالبنوك الاخرى فيقولون كل البنوك نفس الشي. هذا يرجع فايده وهذا يرجع مرابحه. وين الحلال عيل


و نرد عليهم. ان زمان كنتوا تقولون الربوي يرجع جزء من الفائده بعكس الاسلامي

فمجالس البنوك الاسلاميه قررت تنافس بهذا الشي فوضعت نظام جوائز للتسديد المبكر

الحين ردوا وقالوا اكو الاسلاميه ترجع الفائده نفس الربويه

شتبون من الاسلامي يسوي. تبون نقول لكم ان الربوي نفس الاسلامي. لا مب قايلين وعليكم بالعافيه التعامل بالربا و دعم البنوك الغير اسلاميه و إزر قذف البنوك الاسلاميه بأنها مشابهه للربوي.

[تاجر كشخة]

مساء الخير

الموظفين مدربين مضبوط وما في شي اسمه ما يعرفون او الله بالخير

كل شي مرتب لللعميل. من شروط بخط مصغر و كلمات يجهلها اغلب العملاء و كلام ينقال غير مطبق بالواقع

بطاقه مجانيه لمده سنه و اول شهر تنحط رسوم البطاقه

تقسيط للبطاقه و رسوم مخفيه لعدم تسديد كامل المبلغ

فوائد للسلف لا يقال للعميل انها ترتفع خلال فتره بسيطه اوتوماتيكيا

يقال ان سعر الفائده بالبنك انخفض لكن السلف ترتفع و تخفض الفائده فقط للعملاء الجدد و يبدأ رفعها تدريجيا

لو عندك سلفه و تسأل كم نسبه الفائده حاليا ع سلفتك ينقال لك البنك اعلن عن خفض الفائده و انت تدفع اعلى من الفائده الي وقعت عليها في البدايه و ما يقول لك الموظف ان نزول الفائده للعملاء الجدد فقط

هذا موظف ما يعرف شغله ؟ ولا يتعمد عدم ذكر وضع سلفتك لين انت تصر على كشف السلفه و بياناتها

خذ الادهى و الامر

كل فتره يتم رفع الفائده لتصل للحد الاقصى و كل رفع يشمل السلفه كامله الي سددته والي للحين تدفعه

يعني تنحط فائده على المبلغ الي ان دفعته اصلا. تخيل

عليك 600 الف و سددت نصها و هم رفعوا الفائده. بتكون على كامل العقد 600 الف. مش بس الباقي 300 الف

عمركم عرفتوا حد خلص سلفته في وقتها او حتى بعد سنتين اضافيه من السلفه المفروضه عليه

يعني سلفتك خمس سنوات. هل عرفتوا حد خلص ب خمس سنوات او سبع سنوات حتى

انا تجنبت كل هالامور لاني ببنك اسلامي و فقط كانت بطاقه ببنك غير اسلامي و بسبب مشكله تابعتها اكتشفت خفايا كثيره ليست في صالحي كعميل او كإنسان

كفو عليك هذي العلوم الي تفيدنا ويا ما قلنا خلوا عنكم البنوك الربوية وخلكم في الاسلامية قالوا لا كلهم نفس بعض

[ابو عبدالله.]

الله يحييك ياخوي

المشكله ان الغالبيه و من سنين كثيره لحين ما يفهمون سالفه البنوك و الكل يسمع و يردد نفس الشي كلهم. و. الاسلاميه تاخذ ربى بس بمسميات ثانيه
و الغير اسلامي مريح و كشخه و تعامل افضل

تعال اسأل ايش الفرق بيقول لك يقدمون لي كوفي اذا زرت الفرع او يعاملوني في اي بي

طيب حتى البنوك الاسلاميه ومن سنين رفعت خدماتها و تعاملها و عندهم في اي بي

الفرق ان بنوك تقليديه اول ما سلفك توصل اقصاها تعال دور المعامله في اي بي

والله ولا يعطونك وجه دام انتهوا من ربط راتبك لين تتقاعد و توصل السلف لمستوى يستحيل معها ان تنقل لبنك اسلامي

ما فكرتوا ليش طول هالسنين احنا مش قادرين نعدل اوضاعنا مع البنوك الغير اسلاميه

وليش كل ما ندفع سنوات ما تنزل السلف الا شي بسيط

نعرف كل شي الا سلف و عمليه فوائد البنوك اشمعنى

ليش مب واضحه. ليش ما تخلص السلف. ليش لما نبي نسدد نلقى السلفه ما نقصت و تطلع تسديد للفوائد بس

تعتقدون ان هالسوالف صارت بالصدفه بزنز بالمليارات يمشي بالصدفه

تعالوا نشوف اوضاع الناس الي تسلفوا من بعض البنوك بالفوائد. حد منهم خلص سلفته على وقتها او بفتره معقوله ولا للحين يدفع من سنين وهو مكانك سر

لما حد منكم يسأل موظف هل يشرح له و يقتنع من تفسير الموظف ولا يحس ان في امور مش فاهمها و يسكت لان ما بيده حيله

لكن قانوا بالاسلامي

هل حد منكم ما خلص سلفته بوقتها مثلا

هل انحط على حد مبلغ اضافي من بدأ سلفته لين خلصها

هل احتجت ان تستفسر عن سلفتك لانك شاك ان حصل خطأ

عن نفسي ما اعرف حد خلص سلفته ببنك غير اسلامي. ولا اعرف حد ببنك اسلامي اشتكى ان المده طالت او انحط عليه ريال زياده

و كل سلفه اخذها من بنكي الاسلامي هي اقل نسبه من باقي البنوك العاديه

و خدمه في اي بي و تتصل و يجهزون العقد و تعال وقع و موافقه فوريه و بطاقه في اي بي و ادخل بدون طابور ولو تبي يجيبون العقد لبيتك توقعه بيجيبونه

[LOLOO]

كفيت ووفيت الله يجزيك خير يابو عبدالله لكن الي توهق الحين وش يسوي ؟! فيه امل يتلاحق ماتبقى من الخرده الي عنده ؟!ولا راحت عليه ؟!
واذا بعد مافيها كلافه نفتح موضوع وتشرح لنا وبطريقه اسهل شوي ومقارنة بين البنك الاسلامي والربوي ؟!

[رحال]

الله يحييك ياخوي

المشكله ان الغالبيه و من سنين كثيره لحين ما يفهمون سالفه البنوك و الكل يسمع و يردد نفس الشي كلهم. و. الاسلاميه تاخذ ربى بس بمسميات ثانيه
و الغير اسلامي مريح و كشخه و تعامل افضل

تعال اسأل ايش الفرق بيقول لك يقدمون لي كوفي اذا زرت الفرع او يعاملوني في اي بي

طيب حتى البنوك الاسلاميه ومن سنين رفعت خدماتها و تعاملها و عندهم في اي بي

الفرق ان بنوك تقليديه اول ما سلفك توصل اقصاها تعال دور المعامله في اي بي

والله ولا يعطونك وجه دام انتهوا من ربط راتبك لين تتقاعد و توصل السلف لمستوى يستحيل معها ان تنقل لبنك اسلامي

ما فكرتوا ليش طول هالسنين احنا مش قادرين نعدل اوضاعنا مع البنوك الغير اسلاميه

وليش كل ما ندفع سنوات ما تنزل السلف الا شي بسيط

نعرف كل شي الا سلف و عمليه فوائد البنوك اشمعنى

ليش مب واضحه. ليش ما تخلص السلف. ليش لما نبي نسدد نلقى السلفه ما نقصت و تطلع تسديد للفوائد بس

تعتقدون ان هالسوالف صارت بالصدفه بزنز بالمليارات يمشي بالصدفه

تعالوا نشوف اوضاع الناس الي تسلفوا من بعض البنوك بالفوائد. حد منهم خلص سلفته على وقتها او بفتره معقوله ولا للحين يدفع من سنين وهو مكانك سر

لما حد منكم يسأل موظف هل يشرح له و يقتنع من تفسير الموظف ولا يحس ان في امور مش فاهمها و يسكت لان ما بيده حيله

لكن قانوا بالاسلامي

هل حد منكم ما خلص سلفته بوقتها مثلا

هل انحط على حد مبلغ اضافي من بدأ سلفته لين خلصها

هل احتجت ان تستفسر عن سلفتك لانك شاك ان حصل خطأ

عن نفسي ما اعرف حد خلص سلفته ببنك غير اسلامي. ولا اعرف حد ببنك اسلامي اشتكى ان المده طالت او انحط عليه ريال زياده

و كل سلفه اخذها من بنكي الاسلامي هي اقل نسبه من باقي البنوك العاديه

و خدمه في اي بي و تتصل و يجهزون العقد و تعال وقع و موافقه فوريه و بطاقه في اي بي و ادخل بدون طابور ولو تبي يجيبون العقد لبيتك توقعه بيجيبونه

كفيت ووفيت يابوعبدالله .. نتمنى انك تفيدنا وتفتح مواضيع مشابهه وغايبه عن اذهانا
اختي لولووو .. اتمنى لك التوفيق

[LOLOO]

كفيت ووفيت يابوعبدالله .. نتمنى انك تفيدنا وتفتح مواضيع مشابهه وغايبه عن اذهانا
اختي لولووو .. اتمنى لك التوفيق

امين يارب الله يوفق الجميع
وكل عام وانتم بخير

[ابو عبدالله.]

كفيت ووفيت الله يجزيك خير يابو عبدالله لكن الي توهق الحين وش يسوي ؟! فيه امل يتلاحق ماتبقى من الخرده الي عنده ؟!ولا راحت عليه ؟!
واذا بعد مافيها كلافه نفتح موضوع وتشرح لنا وبطريقه اسهل شوي ومقارنة بين البنك الاسلامي والربوي ؟!

مساء الخير

نفتح موضوع ليش لا

واذا بغيتي بنكمل بهذا الموضوع عادي

كل واحد يقدر يتلاحق دام عقله براسه و بيحسبها صح

الي يبي ينقل لبنك اسلامي يتصل ببنكه و يسأل كم تبون و اسكر السلفه

اذا عرف كم و بينصدم طبعا لكن بيعرف كم

بعدها يمر بنك اسلامي و يطلب شراء مديونيته من بنكه السابق و يقول كم عليه بالضبط

بس يوقع ورقه انه خول البنك الاسلامي بنقل السلفه و خلال كم يوم هو مخلص و الاسلامي بنفسه بيخاطب بنكك و بينقلك ولا عوار راس ولا تعب

و بيتصل موظف من بنكك السابق و بيحاول يعرض خفض الفائده او يقنعك بالبقاء. بس قولوا ما نبي شكرا

عشان ترتاحون اكثر مروا البنك الاولي و سألوا كم نسبه الفائده على السلفه الان لازم تمرون ما ينفع الاتصال لان بيقولون ما ارتفعت الفائده اذا بأتصال

مروا الفرع و شوفوا شاشه الموظف جدامكم كم محطوطه النسبه و قارنوا بالنسبه الي وقعتوا عليها اول السلفه و الحين كم. عشان تعرفون وين تروح فلوسكم و كم دفعتوا لليوم وهي فوائد فقط اكثر من تسديد للسلفه

الي بيقول لكم انكم دفعتوا الفوائد خلاص وما بقى الا السلفه و بتخسرون اذا انتقلتوا لبنك ثاني اضحكوا في وجهه و قولوا راضيين على الاقل الاسلامي ما يرفع المرابحه بدون علمي مثلكم

[ابو عبدالله.]

اختي لولوه. عشان تعرفين ايش الفرق بين الاسلامي و غيره

كل البنوك تعتبر شركات ربحيه

الاسلامي ماشي على الشرع في شراء سلعه و بيعها لك بربح حتى لو عطاك كاش. ترى شاري لك معادن و باعها و عطاك فلوس البيع فيعتبر شرى لك معدن و باعه و حط نسبه مرابحه ع الصفقه

غير الاسلامي لا. مختلف تماما

اعطيك كاش و تعطيني فوائد عليها و تزيد بالمده او اذا رفع عليك الفوائد وهذا يحصل لا محاله

مثلا اخذتي سلفه على سنه 100 الف. بيحط فوائد 4% مثلا

خلال هالسنه رفع الى 5% و زاد عليك قسط زياده

بتتجاوزين السنه بشهر اضافي. فأوتوماتيكيا يحط عليك 5% اضافيه لانك دخلتي سنه ثانيه

تذكرون من سنوات كانوا يعرضون تأجيل قسط بدون رسوم اضافيه و الناس تفرح

كانوا ينقلون هذا القسط لاخر السلفه و بفوائد و تجاوز مده السلفه الفعليه لتدخل سنه اضافيه و تنحط فائده كامله لسنه جديده على كامل المبلغ

تخيلوا

دوامه حتى الغني ما يطلع منها

البعض يأجل قسط عشر الاف من سلفته المليون و تزيد سنه اضافيه و ينرقع عشرات الالاف من الفوائد الاضافيه غير الفائده الاولى ببدايه السلفه

الاسلامي ما فيه هالسوالف. سلفتك و ربحنا و مدتك كذا وخلاص

ما عنده جدوله سلفه و تضاعف فوائد

[ابو عبدالله.]

المشككين بالبنوك الاسلاميه سطحيين بالمقارنه لكن.

بعضهم و للاسف على اطلاع و يتعمد وضع نقاط غير مفهومه لنا عشان نضيع

و للاسف اكثر ان البعض يعمل ببنك غير اسلامي و فاهم و يشكك بالفرق بين البنوك

الاسلاميه كانت فكره بعض المشايخ جزاهم الله خير

نظام البنوك عالميا مرتبط بالفوائد و تعامل المصارف المركزيه ايضا نفس الشي لانهم شبكه وحده

كل البنوك تضطر ان تستخدم الريبو وهي فائده يوميه تودع اموالها بالمركزي و تاخذ فائده. لا مفر حتى الاسلاميه لكن هذا قانون و معاهدات و عقود دوليه

لما ارادوا تأسيس بنوك اسلاميه و اسميهم الجيل الاول. الدولي و المصرف

وضعوا نظام اسلامي للمرابحه مش فوائد تزيد و تنقص على العملاء

فالبنك صحيح يضطر يتعامل بالريبو مع المركزي و له طرق للتخلص من هذه الفائده للتخلص من الربا و مثال. دفعها في اوجه الخير و المسؤوليه المجتمعيه او الاعلانات

لكن اوجد طرق شرعيه للعملاء بالمرابحه

فسلفتك حلال منهم و موضوع تعاملهم مع المركزي له مجلس فقهي يدير هذا الشأن و يتصرف بأفضل السبل

عرفنا ايش موضوع الاسلامي الحين. والي يحب يصححني فكلي آذان صاغيه

لحد ينتقد الاسلاميه لاضطرارها للتعامل مع المركزي بالريبو. كل البنوك جذي. هذا قانون محد يقدر يتجاوزه. و لهم فقهاء يفتون لهم بالافضل و كيف يتصرفون