بسم الله الرحمن الرحيم
السلام عليكم ورحمة الله وبركاته
مع مرض كورونا الله يحفظ البلاد والعباد والاوضاع مثل ماالكل شايف اشياء كثيرة تغيرت سواء في العمل والقوانين والانظمة والتسهيلات والتيسير على العباد الله يحفظ بلادنا واميرنا
لكن حسبنا الله ونعم الوكيل على كل من عسر على مسلم في هالشهر الفضيل
بعرض لكم موضوع صار معي في احد البنوك ماعرف اذا ادارة المنتدى تسمح بذكر اسم البنك لان بصراحة تعاملهم سيء جدا جدا وهذه ليست المره الاولى لكن لان راتبي اساسا ماينزل عندهم مجرد ارباح الاسهم فااقول عادي ماتفرق لكن موقف اليوم بصراحه رفع عندي الضغط
اتمنى الي يدخل الموضوع يفيدني بالاجراء الي اقدر اتبعه وارفع الموضوع لمن
دخلت البنك وانتظرت الدور وتحملنا الزحمة وطول الانتظار بعدها جاء دوري حبيت اسحب قالت اسحبي بالبطاقة قلت لها بطاقه ماعندي قالت روحي عند الموظفه قدمي طلب رجعت للموظفة قالت عن طريق النظام وتحتاج 3 ايام*
طيب انا محتاجه المبلغ ضروري قالت كلمي الادارة مابي اطول عليكم كلمت الادارة الموظفه تحسسك انك تبي فلوس من جيبها قلت خلاص بسحب الرصيد كامل وبسكر الحساب قالت رجعي اخذي رقم وانتظري طبعا البنك سكر الساعه صارت وحده
تخيلوا صيام ومستاذنه من دوام لان ضروري احتاج المبلغ اليوم وهذي تقولي مانعطيك كاش لازم تسحبين 50 الف اذا الحساب كله مافيه 50
غير اسلوبهم الاستفزازي فعلا بنك ماانصح احد يتعامل معهم الي يشترى صحته وراحة باله
فيدوني لوسمحتم ابي اشتكي عالبنك اذا موقفي صح واذا غلطانه بعد قولوا لي