صفحة 8 من 10 الأولىالأولى ... 678910 الأخيرةالأخيرة
النتائج 71 إلى 80 من 91

الموضوع: اسوأ بنك في قطر لامراعاة لوضع صحي ولاشهرفضيل

  1. #71
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    اي معنى هالخبر

    اي بنك يحط فائده قريبه من حجم السلفه او تجاوزها فهو مخالف لقوانين قطر و مصدرها الشريعه الاسلاميه

    يعني اذا متلته و مأجل اقساط و مضاعفين الفوايد 20 و 30 سنه لين تتقاعد تقدر تقدم شكوى بالمحكمه لبطلان الفوائد و مخالفتها قوانين الدوله

    هذا خبر بجريده رسميه و الحكم واضح التفاصيل

    و اتمنى الي تعبان بنفس الوضع يستفيد من المعلومه

  2. #72
    عضو فعال الصورة الرمزية يمامـة
    رقم العضوية
    46696
    تاريخ التسجيل
    Dec 2013
    المشاركات
    7,477
    اقتباس المشاركة الأصلية كتبت بواسطة ابو عبدالله. مشاهدة المشاركة
    مساء الخير

    قبل لا اعلق على كلام حبيت اصحح للاخت يمامه ان بعد الشكوى اتصلت الموظفه و اعتذرت عن الخطأ. و المبلغ الي حبت تسحبه اختنا لولو كان مبلغ عادي من الكاشير مش مليون مثلا

    اي عميل يبي يسحب من حسابه حتى لو ما عنده بطاقه يقدر ياخذ شيك من البنك و يسحب جدا عادي. لكن موظف يقول تاخذين المبلغ بعد ثلاث ايام هذا خطأ ولا يوجد تعميم من المركزي لمنع اي سحوبات بنفس الوقت
    مساء النور لك وللجميع..
    والله يتقبل منا ومنكم صيامكم وصالح اعمالكم..

    بوعبدالله..
    الموضوع مب موضوع الموظفة تعتذر..

    الموضوع هل بالفعل ممنوع صرف مبالع عن طريق الكاش؟
    اقول لك نعم ممنوع صرف المبالغ عن طريق الكاش
    بسبب ازمة كورونا..
    والمطلوب من العميل التوجه للصراف الآلي..
    عاد موضوع اني ما عندي بطاقة هذه مشكلة اتحملها
    البنك ماله ذنب فيها..
    واذا البنك تصرف مع العميل بطريقة ياكل فيها حق العميل
    عندنا المصرف المركزي نقدم شكاوي..
    لكن اني اشتكي على كل الاجراءات المتبعة
    في اي جهة واعتبرها اجراءات خاطئة لانها عطلتني
    اهنيه لازم نراجع نفوسنا قبل ما اوجه اللوم لغيرنا.
    "حسبنا الله ونعم الوكيل"

    كـلنا قطـــر وكـلنا تمـيـم الـمـجـد

  3. #73
    عضو مميز
    رقم العضوية
    14264
    تاريخ التسجيل
    May 2007
    المشاركات
    1,407
    اقتباس المشاركة الأصلية كتبت بواسطة ابو عبدالله. مشاهدة المشاركة
    اي معنى هالخبر

    اي بنك يحط فائده قريبه من حجم السلفه او تجاوزها فهو مخالف لقوانين قطر و مصدرها الشريعه الاسلاميه

    يعني اذا متلته و مأجل اقساط و مضاعفين الفوايد 20 و 30 سنه لين تتقاعد تقدر تقدم شكوى بالمحكمه لبطلان الفوائد و مخالفتها قوانين الدوله

    هذا خبر بجريده رسميه و الحكم واضح التفاصيل

    و اتمنى الي تعبان بنفس الوضع يستفيد من المعلومه
    يعطيك العافية ابو عبدالله
    لا هم اكيد في البداية ماراح يحطون الفائده بحجم السلفة خاصة اذا المبلغ كبير لكن اذا الفائدة مش ثابته في هالحالة ممكن
    والي اتذكره ان نسبة الفائدة ثلاثة ونص تقريبا
    وحاولت احول السلفه لبنك اسلامي طلبوا مبلغ خيالي بصراحة بس حسب مافهمت من كلامك ان مب كل البنوك الاسلامية نفس الشي فا بشوف بنك اسلامي ثاني وان شاءالله خير
    ومانستغني عن توجيهاتك ونصايحك الله يجزيك خير

  4. #74
    تميم المجد
    رقم العضوية
    1104
    تاريخ التسجيل
    Mar 2005
    المشاركات
    5,623
    السلام عليكم
    اخوي بوعبدالله اعذرني على التاخر في تعليقي على بعض النقاط..

    البنوك الربوية او التقليدية تحسب الفايدة بشكل يومي على الرصيد وتضيفها شهريا .. حسب معادلة الفائدة المركبة لذلك مهم لهم تاخير الدفعات ومايسمى امتيازات مثل تسلف اليوم وادفع اول قسط بعد 3 شهور لان كل شي بحسابه.. تأجيل الاقساط نفس الشي بيحسبون كم رصيدك وياخذون عليه الفوايد .. الكثير يعتقد انه قاعد يدفع الفائدة في بداية القرض ولذلك قرضه مايخلص رغم انه ماخذه لاربع سنوات مثلا وعقب سنتين من الاقساط المنتظمة مع تاجيل قسط او قسطين يشوف انه مازال امامه 3 سنوات بينما الواقع ان قرضه ينحسب على الرصيد المتبقي وسعر الفائدة اللي ممكن يتغير ( البنوك قانونيا مطالبة بابلاغ العميل بتغيير الفائدة حسب تعليمات المصرف المركزي ).
    الفايدة احيانا بعض البنوك يتلاعبون بمسمياتها.. يذكرونها في اعلاناتهم مثلا 2% فائدة ثابته ,, واحيانا فائدة سنوية والفرق بينهم تقريبا الضعف.. الفائدة الثابتة تتحول الى سنوية بضربها في 1.8 تقريبا.

    البنوك الاسلامية ممكن تغير الفايدة لبعض انواع التمويل مثل "التمويل بالاجارة او اي عقود اخرى او حسابات التمويل المعاد جدولتها" حسب نص تعميم المصرف المركزي

  5. #75
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    يا هلا

    عزيز ياخوي

    انا فاهم كيف تدير البنوك عمليه الفائده

    كان كلامي سابقا بنقاط محدده

    مهما كان تفسير البنك عن استقطاع الفائده فهو يتفق على مده معينه لكنها لا تنتهي و مثالك عن ان يدفع سنتين و يكتشف ان باقي ثلاث سنوات هذا للحين باقي جدامه ثلاث لكن فعليا هي اكثر و ستطول المده اكثر من ذلك

    عمليه فتره سماح اول ثلاث شهور هذه بيفهمونك اياها وكم بياخذون اكثر
    لكن لاحقا اذا بتأجل قسط خلال مده التسديد لا تذكر كم الفائده الي بتزيد لانها فعليا بتدخلك بسنه اضافيه حتى لو شهر زياده ستوضع فوائد سنه جديده كامله
    هذا الي بغيتك تسأل عنه

    ذكرت ان الكل يعتقد انه يسدد الفائده اولا بينما قرضه ينسحب عالرصيد المتبقي. هذه اشرحلي اياها اخوي

    لان كل من اعرف و حب يسكر سلفته قالوا له انه كان يسدد الفائده اولا

    مثلا واحد اخذ 220 الف سلفه لسياره و اقساطه 3 و شوي و سدد ثلاث سنوات فعليا سدد فوق مئه الف ولما حب يسكر السلفه قالوا له ادفع 180 الف

    كان المفروض باقي له سنتين و يخلص
    لكن 180 الف باقيه و فوقها فوائد للمده الباقيه كم صارت 220 الف الاوليه مقارنه مع الي دفعه ثلاث سنوات و للحين باقي له 180 اضافه للفوائد

    هذه سلفه سياره يعني اقل نسبه فوائد يعرضها البنك للعملاء. مش سلفه عاديه و نسبه اعلى

    ذكرت ان المركزي شرط ابلاغ العميل عن اي رفع للفائده

    اسأل اي عضو هنا. حد جاله خبر ان رفعوا الفائده عليه
    و خله يتصل بالبنك و يسأل كم نسبته الان اذا هي نفسها الي وقع عليها فأنا ما افهم بالبنوك

    بسألك اخوي. اسأل اي عضوا ايضا. ايش فهم من اول سطر من تعليقك

    حسب الفائده المركبه ايش حسبتها

    هل انت فاهم حسابات الفائده المركبه الي يقولون عنها ممكن موظف بنك يشرح لي طول اليوم بعد بطلع وانا عارف ان مضروب علي

    لا يصح الا الصحيح

    بنك يعطيني اتفاق و ما يخلص مدته بوقتها ولا حتى بعد سنتين اضافيه وانا ادفع دم قلبي و اخر شي لو بسدد يطلع المبلغ قريب جدا من مبلغ السلفه وانا دافع سنوات اقساط قبلها


    ذكرت ان الاسلامي ممكن يغير الفائده لبعض السلف وهذه محدوده مثل ما قلت. عقود الاجاره. اما اعاده جدوله ما في عندهم
    و السلف العاديه ثابته لا ترتفع ارباحها وهذه حمايه للعميل و نظام شرعي للمعامله
    عندهم تاخذ سلفه جديده و جزء منها يسدد السلفه القديمه عشان يطلع لك مبلغ اضافي انت تطلبه بدل نظام الجدوله

    لكن البنوك التقليديه فيها اعاده جدوله و الفائده السابقه تنحط على مبلغ السلفه و تصير مبلغ جديد و تنحط عليه فائده جديده

    يعني ادفع فائده على فائده

    الفرق كبير

  6. #76
    تميم المجد
    رقم العضوية
    1104
    تاريخ التسجيل
    Mar 2005
    المشاركات
    5,623
    اخوي بوعبدالله باحط تعليقاتي بالاحمر
    اقتباس المشاركة الأصلية كتبت بواسطة ابو عبدالله. مشاهدة المشاركة
    يا هلا

    عزيز ياخوي

    انا فاهم كيف تدير البنوك عمليه الفائده

    كان كلامي سابقا بنقاط محدده

    مهما كان تفسير البنك عن استقطاع الفائده فهو يتفق على مده معينه لكنها لا تنتهي و مثالك عن ان يدفع سنتين و يكتشف ان باقي ثلاث سنوات هذا للحين باقي جدامه ثلاث لكن فعليا هي اكثر و ستطول المده اكثر من ذلك

    عمليه فتره سماح اول ثلاث شهور هذه بيفهمونك اياها وكم بياخذون اكثر
    ما اعتقد البنوك تشرح اللي صاير.. من تجربة لي .. يمكن يخبرونك برسوم التأجيل بس بكم زاد القرض مايحاولون يوضحونها لك.. حلها انك تسوي جدول بالدفعات في الاكسل وتشوف الفرق.

    لكن لاحقا اذا بتأجل قسط خلال مده التسديد لا تذكر كم الفائده الي بتزيد لانها فعليا بتدخلك بسنه اضافيه حتى لو شهر زياده ستوضع فوائد سنه جديده كامله
    هذا الي بغيتك تسأل عنه
    مش شرط التأجيل يزيدك سنة..ليش؟ لان التأجيل في بداية القرض عليه فوائد اكثر والتأجيل في اخر القرض فوائده اقل لان المبلغ اقل.. لو تسوي الجدول بتتضح لك الصورة.
    ذكرت ان الكل يعتقد انه يسدد الفائده اولا بينما قرضه ينسحب عالرصيد المتبقي. هذه اشرحلي اياها اخوي
    الفكرة .. ان القرض ينحسب رصيده بشكل يومي.. لو رحت اليوم بتسكر القرض بيعطيك البنك حسبة اليوم وبيقول لك المبلغ اللي عليك فرضا 250 الف ورسوم دفع مبكر 1%.. لو ترجع بعد يومين بيقول عليك 250018 ريال مثلا زائد رسوم الدفع المبكر. هذا مقصدي..
    شنو الحل ؟ ايضا نسوي جدول الدفعات لانك كما تفضلت انهم بيلفون وبيدورون وفي النهاية ماتدري بالضبط ايش الحاصل. الحين شلون نربطها مع الكل يظن انه يدفع الفايدة في بداية القرض؟ لان الموظفين يحاولون ايحاء هذا الشي .. ومن اجل ذلك في ادارة للتوعية المالية في المصرف المركزي تقدر تشوف تعميماتها اونلاين ومن بينها اشتراط معرفة العميل باي تغيير في الفايدة . اذا رصيد القرض يتغير يوميا حسب قانون الفايدة المركبة طبيعي اذا زادت الفايدة من المصرف المركزي بيقوم البنك بحساب الفايدة الجديدة على الرصيد المتبقي اللي هو رصيد القرض في وقت التغيير وننسى سالفة ادفع شنو اول الفايدة او اساس القرض لانه تلاعب بالالفاظ
    http://www.qcb.gov.qa/arabic/custome...circulars.aspx




    لان كل من اعرف و حب يسكر سلفته قالوا له انه كان يسدد الفائده اولا
    عادي شنو تتوقع من البنوك اللي انت اشرت لها ان موظفينها فاهمين كل شي ومعلمينهم يتصرفون بهالطريقة
    مثلا واحد اخذ 220 الف سلفه لسياره و اقساطه 3 و شوي و سدد ثلاث سنوات فعليا سدد فوق مئه الف ولما حب يسكر السلفه قالوا له ادفع 180 الف

    كان المفروض باقي له سنتين و يخلص
    لكن 180 الف باقيه و فوقها فوائد للمده الباقيه كم صارت 220 الف الاوليه مقارنه مع الي دفعه ثلاث سنوات و للحين باقي له 180 اضافه للفوائد

    هذه سلفه سياره يعني اقل نسبه فوائد يعرضها البنك للعملاء. مش سلفه عاديه و نسبه اعلى
    وضحت فوق الفكرة
    ذكرت ان المركزي شرط ابلاغ العميل عن اي رفع للفائده

    اسأل اي عضو هنا. حد جاله خبر ان رفعوا الفائده عليه
    و خله يتصل بالبنك و يسأل كم نسبته الان اذا هي نفسها الي وقع عليها فأنا ما افهم بالبنوك
    انت اخوي فاهم بالبنوك بس ليش المصرف المركزي مايتصرف وينفذ اوامره.. اقرا تعاميمه للبنوك وبتحصلها واضحة وليش العميل مايقرا ويتعلم ومايكون فريسة لموظف قال او سمع. الصوبين غلطانين

    بسألك اخوي. اسأل اي عضوا ايضا. ايش فهم من اول سطر من تعليقك

    حسب الفائده المركبه ايش حسبتها

    هل انت فاهم حسابات الفائده المركبه الي يقولون عنها ممكن موظف بنك يشرح لي طول اليوم بعد بطلع وانا عارف ان مضروب علي

    لا يصح الا الصحيح
    المفروض نشوف ونسأل ومانمشي على كلام الموظف .. حسبتها سهلة لكن الكلام المنتشر يحسسنا انها صعبة

    بنك يعطيني اتفاق و ما يخلص مدته بوقتها ولا حتى بعد سنتين اضافيه وانا ادفع دم قلبي و اخر شي لو بسدد يطلع المبلغ قريب جدا من مبلغ السلفه وانا دافع سنوات اقساط قبلها
    البنك يتفق معاك ويكتب انه بيغير لكن من يقرا
    ذكرت ان الاسلامي ممكن يغير الفائده لبعض السلف وهذه محدوده مثل ما قلت. عقود الاجاره. اما اعاده جدوله ما في عندهم
    و السلف العاديه ثابته لا ترتفع ارباحها وهذه حمايه للعميل و نظام شرعي للمعامله
    عندهم تاخذ سلفه جديده و جزء منها يسدد السلفه القديمه عشان يطلع لك مبلغ اضافي انت تطلبه بدل نظام الجدوله
    اعادة الجدولة يعني سلفة جديدة .. البنك بيستفيد بيستفيد .. شرعي صحيح لكنه ما بيعطيك بدون ماياخذ اكثر
    لكن البنوك التقليديه فيها اعاده جدوله و الفائده السابقه تنحط على مبلغ السلفه و تصير مبلغ جديد و تنحط عليه فائده جديده

    يعني ادفع فائده على فائده

    الفرق كبير
    ايضا البنك بيعطيك سلفة جديدة وبيستفيد بيستفيد .. غير انه حرام .. والله يبعد الجميع عن الحرام.. لاتفهم تعليقاتي انها دفاع عن البنوك الربوية او انها دعوة لاخذ قروض منها ..انما مجرد توضيحات

  7. #77
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    مساك بالخير

    نوقف شوي

    اشكرك على الاتفاق ان الموظف ما يعلمك كل شي او يوضح بالضبط ايش صاير مع سلفتك او تفاصيل مهمه لك

    في بنوك تعتمد على غياب فكر العميل عن التركيز بالتفاصيل و مثل ما تذكر ان لازم تسوي اكسل شييت عشان تتأكد ان كل التفاصيل سليمه

    كم عميل عنده خبره بعمل كل هذا عشان يصيد اي خطأ او يحمي نفسه

    و ليش كل هذا اصلا وبعد بالنهايه بدفع ومب مخلص

    بختلف بنقطه ان اعاده الجدوله بالاسلامي و غيره تكون متشابهه

    سلفه جديده بنسبه ثابته و جزء منها يسدد سلفه قديمه ما فيها زياده الاباح

    غير الاسلامي يحط الفائده القديمه و يضمها للمبلغ المستلف و يحط فائده جديده الفرق كبير

    للامانه اخوي

    حسبه البنك غير الاسلامي مش سهله ولو تسأل بعد بيضيعونك

    لو كل مره تسأل. واحد بيقول شي. و بعد يومين ارجع اسأل حد ثاني بيقول شي غير

    حتى لما قلت ان المركزي معمم ابلاغ العميل بتغيير الفائده و انت موقع بعقد يقول لا يلزم ابلاغ العميل فراح حقك و انت موقع ع هالشي

    اغلب النقاط الي قلناها طلعت بشرح لا يسهل للعملاء فهمها او الحذر منها

    يمكن انا و انت نلاحظ و نقدر ننتبه لكن الغالبيه لا

    تدري كيف كشفت سوالف وايد ببنوك غير اسلاميه

    زمان ايام الاكتتابات الدسمه كنت اطلع بطاقات كردت كارد من كذا بنك و اسحب كاش كلها و اكتتب و ترجع باقي فلوس الاكتتاب و اسدد بسرعه عشان ما ادفع فوائد
    لين خلصت كل الاكتتابات الدسمه سكرت البطاقات و خليت وحده للضروره

    كل بنك له طرق للاستفاده. بنك يعطيك بطاقه مجانيه و اول الشهر تلقى الرسوم محطوطه عليك و تهاوشهم و يشيلونها. يعني عرض المجان غير صحيح

    بنك رفع الفائده ع البطاقه بدون ابلاغي مع ان عقد البطاقه ما فيه انهم غير ملزمين بأبلاغي. كان لازم يعلموني وما علموني لانها مش سلفه. مجرد بطاقه

    بنك يحط تأمين 500 ريال ع البطاقه بدون علمي شهريا و لما صدت السالفه حطولي شيك تعويض 5 الاف و ورقه تقول اتنازل عن اي مطالبه بتعويض بموضوع البطاقه و الحساب الجاري

    الحساب ما كن ينزل عليه الراتب فقط ادخل شيكات بيع الاسهم او للاكتتاب فعرفت ان في شي يصير بفلوسي بالحساب ما كنت ادري عنه
    ولا ليش يحطون تنازلي عن اي مطالب للحساب مش للبطاقه فقط

    ضليت ست شهور مافي فايده محد يبي يفهمني اي خطأ صاير

    اضطريت اتواصل معاهم بالايميل عشان يكون كلامنا موثق و اثبات فانوني

    شهور محد يرد او يجاوب على امور مش الي اسأل عنها

    و عرفت مع مواصله الضغط ان البطاقه كانوا يحطون رسوم عدم تسديد مبكر 150 ريال

    طيب هم ياخذون فوائد 2% شهري مش سنوي عشان ان الدفع اقساط للبطاقه 5% شهريا

    اذا قالوا ان الاقساط بهالفائده ليش ما قالوا ان في رسوم عدم تسديد لكامل المبلغ

    ولا تنحط هالرسوم بتفاصيل الفاتوره الشهريه بس تنحط على المبلغ اتوماتيك

    كل هذا ببنوك غير اسلاميه. الاسلامي ما فيه هالكلام. كل شي واضح

    بعد كل هالمعلومات الي ذكرتها وفي امور ناسيها الحين. كيف سأثق ببنك قاعد يلعب معاي صياد حرامي ما اعرف كيف يدخل و يطلع و انا اصير مثل الاطرش بالزفه

    ايقنت ان مهما حاول موظف يقنعني ان ما في غلط ما اصدقه و ابحث لين القى الخطأ

    و مستحيل اثق ببنك غير اسلامي ما اعرف كم يحط و يشيل من حسابي حتى لو حطولي خبير مخصص لي ما اثق

    شفت كل عوار الراس

    ولا شي منه موجود بالاسلامي

    كم تبي هذه ارباحنا وقع ومع السلامه

    كردت كارد هذه رسومها الشهريه. رسوم واضحه و بسيطه مش فائده متغيره و رسوم مخفيه و تأمين ينحط بدون ما اطلب لا يغطي الوفاه او فقد الوظيفه

    ولا موظفين يتشردون من شرح اي سؤال للعميل

    اغلبنا من الي بغير الاسلامي عارف ان هناك شفت لامواله ولا يعرف كيف تصير و كثير انصادوا بسنوات ممدده ولا بقادر يخلص سلفته

    العمليه واضحه ان الاسلامي أامن من غيره بكثير و اريح و اوثق بالتعامل

    اشكرك على شرح بعض النقاط مع انها قانونيه لكن تضل للعميل غير مفهومه و بيدفع اكثر بكثير من قيمه السلفه

    حبيت اسألك اخوي

    سمعت عن فائده الماركت مارتشنت

    فائده التضخم بالسوق

    هذه تنحط على العميل غير الفائده المتفق عليها وما تنذكر بالعقد

    نسبتها متغيره بحسب التضخم بالاسواق

    سمعت او تعرف معلومات عنها ؟؟؟

    هذه بالبنوك الغير اسلاميه

    اذا ما سمعت اسأل عنها

    خليتها اخر شي للنقاش و معلومه نتعرف علي كلنا

  8. #78
    تميم المجد
    رقم العضوية
    1104
    تاريخ التسجيل
    Mar 2005
    المشاركات
    5,623
    مراحب اخوي بوعبدالله
    قصدي عن اعادة الجدولة انها في النظامين الاسلامي والتقليدي عبارة عن قرض جديد.. التقليدي بيحسب الفايدة الجديدة على رصيد السلفية القديمة ( اللي هو الرصيد اليومي للقرض).
    عن البطاقات .. في التقليدي والاسلامي سحب الكاش يختلف عن استعمالها في نقاط البيع.. لما تشتري من المحلات تكون عندك فترة سماح ماتدفع عليها فايدة او رسوم اذا كان استعمالك للبطاقة اقل من حدها الا ئتماني. بس للكاش الموضوع يختلف
    في الاسلامي اذا سحبت كاش من البطاقة الائتمانية ياخذون عليك رسوم ثابتة مثلا 50 ريال لكل عملية سحب او نسبة مئوية من المبلغ اما في البنوك الربوية فيحسبون عليك فايدة من تاريخ السحب الى ان تدفع الرصيد ما ينتظرون ال 45 يوم فترة السماح بعد الفاتورة وبعضها فيها ايضا رسوم على السحب . الفايدة على البطاقة اعلى من القرض .
    بالنسبة للفايدة اللي ذكرتها الماركت مارتشنت الصراحة ماعرف عنها وهل يضيفونها للقرض فوق النسبة المحددة من المركزي؟

  9. #79
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    نعم يضيفونها فوق الفائده المحدده من المركزي


    بالنسبه لرسوم سحب كاش بالبطاقه الاسلامي يحط نسبه ثابته اما غير الاسلامي ياخذ رسوم سحب اضافه للفائده اليةميه لحين الدفع

    يمكن تعليقك سليم ان في فتره سماح لكن اشك ان غير الاسلامي ما ياخذ فائده على الدفع بنقاط البيع

    عن الجدوله انا متأكد ان بنوك تحط الفائده القديمه مع السلفه و تحط فوقهم فائده جديده

    ياخوي محد يخلص عندهم الاقساط مهما تناقشنا عن طرق فوائدهم

    لو صحيح كل التفسيرات كان العالم خلصت مب جالسه تدفع دم قلبها فوق المده المتفق عليها بسنوات

    تفسيراتك منطقيه اخوي لكن من يقدر يفهمنا ليش سنوات طويله بعد مده العقد و احنا نسدد اقساط

    تدري ان نسيبي كان ببنك و بسلفه 300 الف على ست سنوات

    السنه السادسه راح لهم قال يمكن باقي كم الف بسكرها

    قالوا له عليك 300 الف

    شلون ما يصير

    راح للمركزي وكل الاوراق تقول ان شغل البنك سليم

    شلون سليم وانا دافع اغلب المبلغ و الفوائد

    قالوا له الفائده مركبه و هذا و ذاك لين نسوه ايش الموضوع

    تخيل ما تعرف ايش صار و انت مسدد اغلب الاقساط و تطلع لك السلفه كأنك ما دفعت ولا ريال

    ست سنوات كلها فوائد يعني شلون

    مع احترامي لكل نقاط النقاش و احترم تفسيراتك و مؤكد انها صحيحه لكن هناك ثغرات لا يعلمها الا البنك

    السالفه مش مثال او مثالين لعملاء هذه قضيه لعقود ماضيه و مستمره للحين

    ولا ليش عملاء كثيرين نقلوا للاسلامي و بالالاف

    ليش فتحت بنوك غير اسلاميه فروع اسلامي قبل سنوات

    ليش البنوك الاسلاميه تعلن ارباح سنويه قويه و قاعده عملائها تتوسع اكثر و اكثر على حساب بعض البنوك الغير اسلاميه

    ما فيها هالمشاكل و احسب و لا انت فاهم غلط و عليك اكثر مما تتوقع و رفعنا و موظفين بعضهم يسوي نفسه مب عارف يشرح لك او يضيعك بامور احتساب الفائده او غيره

    انا على قناعه تامه ان الي كان يرفع الفائده من 9 و ربع الى 13 وربع على رفيجي بدون ما يدري و زادت الفائده 140 الف غير الفائده المتفق عليها اصلا
    مهما راقبوهم او ثبتوا الفائده عند 6% او 5% بعد عندهم طرق لاخذ المزيد مني

    احب اختم النقاش اخوي

    و نصيحتي ان الاسلامي اضمن و اريح للعقل و القلب و الجيب

    و اذا حبيت تعرف اكثر عن فائده الماركت مارشنت اسال اي صديق يشتغل ببنك غير اسلامي و بتعرف العجب

    نسبتها توصل 1.5% او اكثر فوق الفائده الموقع عليها بحسب التضخم في الاسواق مثلا ارتفعت البورصه زادت نسبتها و هكذا و اعتقد مع العقار ايضا

    اسال و تأكد ايش سالفتها

  10. #80
    تميم المجد
    رقم العضوية
    1104
    تاريخ التسجيل
    Mar 2005
    المشاركات
    5,623
    ملف مرفق 103206
    عن البطاقات شوف بطاقة مصرف قطر الاسلامي.. ياخذون 3% نسبة من المبلغ المسحوب .. كذلك ياخذون مرابحة شهرية 1% على المبلغ المتبقي من الرصيد وياخذون 2% رسوم لجهات خيرية على المبلغ المتبقي.

    ماعندي اضافات اخرى للموضوع حاليا.. ان شالله اذا عرفت شي عن الفايدة اللي تكلمنا عنها باضيف المعلومة.
    تحياتي

صفحة 8 من 10 الأولىالأولى ... 678910 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •