محل رخام وبورسلان

[SH.FLOWERS1]

عندي صالة في البيت ودرج وغرفة معيشة ونوم ماستر اجددها حاليا
ودي اركب رخام مايل للون الابيض في عروق رصاصية خفيفة للصالة عندي مع الدرج وغرفة المعيشة للضيوف اما غرفة الماستر بورسلان
او اركبهم كلهم بورسلان مشابة للرخام اذا بيصلح للدرج
وين تنصحون الواحد يشتري رخام بسعر زين من المحلات المعروفة او مصانع في الصناعية مع التركيب
يخاف الواحد يتخسر يشتري رخام ويطلع تركيبة سئ وتروح فلوسه*
او بورسلان ودي اركبه زيرو جوينت خصوصا المشابة للرخام لكن اغلب المبلطين يقولون
لازم 2مل فواصل مابين القطع البورسلان وفبه مبلطين يقول تقدر زيرو جوينت وتحط الفواصل
ع الحوائف بجانب الحوائط الاربعة وتركب عليها نعلات بتكون مخفية وبكذا مايحتاج تخرب شكل البورسلان.
ولا راح يطلع معك البورسلان او يخرب مع الوقت.

[معماري قطري]

البورسلان القطع الكبيرة وايد زين وفيه أشكال رخامية .. ايطالي أو اسباني هو الأفضل وطريقة قصه مثل الزجاج سهلة جداً .. بس ضروري يتركب على سكريد مستوي غير متعرج ولا فيه منحنيات

خل الفواصل في الجنب وركب زيرو جوينت اللي ما يقدرون على الزيرو جوينت العيب فيهم ويبرزون الدواء قبل الفلعة

عند بورسلانيسا أظن هذا اسمه نوعيات زينة وعندهم مقاول يركب زين وعنده العدة اللازمة لتثبيت البلاطة وحملها قبل التركيب .. المحل قبل فوشون بشوي في طريق سلوى وفيه محلات ثانية كثيرة بس ذيه عطاني رقم مقاول مختص بتركيب القطع الكبيرة وكالعادة ضيعت الرقم .. الجوينت اللي في الأطراف خلها فارغة ويعبونها سيليكون .. ولازم روبة سائلة حتى لو زيرو جوينت حاول تشوف نوعية مناسبة يمكن تحصل عند مابي اللي قرب الدي اتش ال في طريق سلوى وانصحك تاخذ لاصق مناسب من عنده بعد

الدرج لو كان بسيط قصه سهل على سبيل المثال عرض كل عتبة 30 وارتفاعها ( القائم ) 15 والطول 120 بتحصل بورسلان بسهولة 60 في 120 تقدر تقصه من النص يكفي عتبتين وللإرتفاع وحدة تكفي 4 عتبات .. ممكن توديه معمل رخام يقصونه ويحفون الزاوية اللي بتتركب جدام حتى تجي لافة ولا تنكسر ولا تكسر أي حد يضربها .. لو تبي الشكل يطلع أحلى خذ اللي بسكوتته نفس اللون Fully Vitrified ولو ما حصلت معامل الرخام تحط عليه لون رمادي أو مقارب للون البورسلان .. حل ثاني لا تحف الزاوية ولا تقصها ركب ستانلس ستيل أو نحاس يجي جاهز ومنحني للزاوية وبعضه يجي سيدة بلفة حول 1 أو 2 ملم ما تبين

لو حاب تعطي الدرج تشكيلة غير سو الواجهة ( القايم ) لون ثاني وتقدر تركب سيراميك عادي حتى لو قطع صغيرة بنقوش غير حتى تقدر تركب القطع اللي 2 في 2 سم فيه نوع يجي من داخل مذهب مع الاضاءة يستوي وايد حلو

أما تشوف حد تفرض عليه هذي التفاصيل أو أي تفاصيل تحب والا تشوف حد يسجل لك تفاصيل طريقة تركيبه بالمواد اللي يقترحها والسعر اللي تتفقون عليه وكل شيء أكيد قابل للمفاوضة .. بعض اللي يركبون ناصح وفاهم ويقول لك شالأفضل وبعضهم من يقول لك بص يا أفندم اعرف إنه ما يدري شالطبخة

[doha_vip]

البورسلان القطع الكبيرة وايد زين وفيه أشكال رخامية .. ايطالي أو اسباني هو الأفضل وطريقة قصه مثل الزجاج سهلة جداً .. بس ضروري يتركب على سكريد مستوي غير متعرج ولا فيه منحنيات

خل الفواصل في الجنب وركب زيرو جوينت اللي ما يقدرون على الزيرو جوينت العيب فيهم ويبرزون الدواء قبل الفلعة

عند بورسلانيسا أظن هذا اسمه نوعيات زينة وعندهم مقاول يركب زين وعنده العدة اللازمة لتثبيت البلاطة وحملها قبل التركيب .. المحل قبل فوشون بشوي في طريق سلوى وفيه محلات ثانية كثيرة بس ذيه عطاني رقم مقاول مختص بتركيب القطع الكبيرة وكالعادة ضيعت الرقم .. الجوينت اللي في الأطراف خلها فارغة ويعبونها سيليكون .. ولازم روبة سائلة حتى لو زيرو جوينت حاول تشوف نوعية مناسبة يمكن تحصل عند مابي اللي قرب الدي اتش ال في طريق سلوى وانصحك تاخذ لاصق مناسب من عنده بعد

الدرج لو كان بسيط قصه سهل على سبيل المثال عرض كل عتبة 30 وارتفاعها ( القائم ) 15 والطول 120 بتحصل بورسلان بسهولة 60 في 120 تقدر تقصه من النص يكفي عتبتين وللإرتفاع وحدة تكفي 4 عتبات .. ممكن توديه معمل رخام يقصونه ويحفون الزاوية اللي بتتركب جدام حتى تجي لافة ولا تنكسر ولا تكسر أي حد يضربها .. لو تبي الشكل يطلع أحلى خذ اللي بسكوتته نفس اللون Fully Vitrified ولو ما حصلت معامل الرخام تحط عليه لون رمادي أو مقارب للون البورسلان .. حل ثاني لا تحف الزاوية ولا تقصها ركب ستانلس ستيل أو نحاس يجي جاهز ومنحني للزاوية وبعضه يجي سيدة بلفة حول 1 أو 2 ملم ما تبين

لو حاب تعطي الدرج تشكيلة غير سو الواجهة ( القايم ) لون ثاني وتقدر تركب سيراميك عادي حتى لو قطع صغيرة بنقوش غير حتى تقدر تركب القطع اللي 2 في 2 سم فيه نوع يجي من داخل مذهب مع الاضاءة يستوي وايد حلو

أما تشوف حد تفرض عليه هذي التفاصيل أو أي تفاصيل تحب والا تشوف حد يسجل لك تفاصيل طريقة تركيبه بالمواد اللي يقترحها والسعر اللي تتفقون عليه وكل شيء أكيد قابل للمفاوضة .. بعض اللي يركبون ناصح وفاهم ويقول لك شالأفضل وبعضهم من يقول لك بص يا أفندم اعرف إنه ما يدري شالطبخة

الله يحفظك بوعبدالله دايماً شرحك وافي

يعطيك العافيه على مجهوداتك في هذا القسم

[معماري قطري]

ويحفظك ربي يا اخوي

انا صراحة كنت متخوف من القطع الكبيرة وافكر شلون بيشيلونها لكن يوم تابعت اليوتيوب عرفت القصة شلون .. ويوم سئلت المحل وضح لي إن فيه مقاول يركبها وعارف شغله وعنده العدة اللازمة .. راويت مقاول اليوتيوب عن طريقة التركيب قال لا مب حولنا وصعب نسويها ولا فكر شلون حتى يعلم اللي عنده .. القطع الكبيرة بعضها تجي مترين ونص في ثلاثة متر ونص وهذي قطعة تكفي حائط حمام كامل لو تركنا الجزء العلوي صبغ بدون تبليط أو ركبناها بالطول في حايط عرضه 2.5 وارتفاعه 3 أو شوي أكثر لين 3.5 .. الفواصل بتكون قليلة ونقدر كذلك نركب في الفواصل القليلة ستانلس ستيل أو نحاس أو بلاستيك ونخليها جوينت مرنة بدال المونة .. الفاصل بيطلع لنا طولي فقط .. ممكن يكون فيه هالك بس نستخدمه للنعلات والقص سهل فوق ما نتصور ودعوة لمشاهدة الفيديوهات في موضوع اليوتيوب

[Azizuk]

شركة بيروندا جدا ممتازه في صناعة السيراميك جوده عاليه من واقع تجربه كانه رخام متوفر عند الحطاب

https://peronda.com/en

[معماري قطري]

نصيحة اللي بيركب أي مادة وهو بيشتريها يشترط ضمن العقد على المقاول إنه يقيس ويتأكد من المقاس ويحدد نسبة بسيطة من الهالك .. ويتأكد من الكميات أما هو بنفسه أو عن طريق استشاري وحساباتها سهلة طول في العرض لكل واجهة بنبلطها بدون خصم الفتحات لو كانت عادية والفتحات تكون هي الهالك

حتى اللاصق والقراوت هذي كمياتها تنحسب بدقة .. طريقة سهلة لمعرفة استعمال المقاول للمواد هي التوقيع على عبواتها بماركر وطلب تسليم هذي العبوات للمالك مفتوحة ومستهلكة كمياتها .. لأن بعضهم عديمي الذمة ياخذون لاصق جيد غالي يرجعونه للمورد أو يبيعونه لأي جهة ويستعملون نوعية رخيصة أو اسمنت أبيض .. وأي مقاول ما يجيب العدة اللازمة للتركيب ولخلط اللاصق المفروض يحاسب ولا يترك يواصل العمل ويوقف لهذا السبب .. الاستشاري واجبه يدقق هذي الخطوات

دوم اتركوا استلام المواد وفحصها وتدقيقها على المقاول اللي بيركب ونقلها والمحافظة عليها .. والتنسيق في النقل بين المورد والمقاول .. شيء بسيط ممكن نطلبه من المقاول هو تصوير كل مرحلة فيديو وارساله لنا للتأكد من صحة الاجراءات

[Azizuk]

شركة بيروندا جدا ممتازه في صناعة السيراميك جوده عاليه من واقع تجربه كانه رخام متوفر عند الحطاب

https://peronda.com/en

عفوا مهب سيراميك بورسلين عالي الجوده

وعيدكم مبارك

[SH.FLOWERS1]

مرحبا اخواني لمعماري واخوي عزيز عيدكم مبارك وكل عام وانتم بخير


الله يعطيكم الصحة والعافية ماقصرتوا

بخصوص الدرج يصير يركب عليه بورسلان اغلب المحلات يقولون مايصير لازم رخام.

انا ماعندي استشاري هذا في بيتي الحالي الي ساكن فيه بخصوص الاستلام يمكن اخلي المقاول يستلم البلاط.

سويت بحث سريع في المنتدى حصلت اغلب الناس تمدح محل في الصناعية يبيع رخام اسمه الذهبي اسمه جلال
يمكن امره بعد العيد اشوف وش عنده هل ارخص من المحلات او نفس السعر.

الرخام ابي فلو كاس او ايطالي شبية للكلاكاتا يعجبني الابيض ابو عروق رصاصية خفيفة.

[سعود.]

يصير

لو يرجع الزمن كان مركبه بدل الرخام

[sara jsm]

سويت بحث سريع في المنتدى حصلت اغلب الناس تمدح محل في الصناعية يبيع رخام اسمه الذهبي اسمه جلال
.

والله يااخوي انا رحت المصنع وشفت كل شي بعيني ورحت المخزن بعد ..
المكان خيال وفرق السعر طبعاً واضح وغير الخيارات اكثر ..
لكن ماعنده تركيب واذا بتتفق معاه يركب لك لازم توفر له المواد ..
لازم تروح المصنع وتشوف بعينك وموجود على قوقل مآب .

:

يصير
لو يرجع الزمن كان مركبه بدل الرخام

انا نفسك والله ..