يا مرحبا بهل عمان .
يا مرحبا بهل عمان .
استخدام الهامش بطريقة امنه عندما تظهر إشارات ايجابية مؤكدةللارتداد . والله يوفقكم
العنوان حلو بس لين قريت الموضوع حسيت انه دعايه للمجموعه........ ما علينا
التداول بالهامش مش بهالصوره الورديه
اذا كنت تداول خلال المده المسموح فيها(اللي هي سبع ايام عمل) انت ما عندك مشكله لكن المصيبه اذا تجاوزت المده هذي فيها حالات
وهذا هو اللي كان المفروض يناقش :
1- اذا كانت محفظتك تحتوي اسهم من شركه (أ) و (ب) و(ج) من بعد 7 ايام المجموعه ممكن تبيع أي سهم من الاسهم اللي فالمحفظه (ومب شرط يبيعون الاسهم اللي شريتها عن طريق الهامش) من غير ما يرجع لك لسداد المديونيه.
2- ممكن يبيع اسهمك على اقل سعر في السوق وما استبعد انهم يتفقون مع طرف ثاني للشراء لعلمهم ان البيع راح يكون بيع قهري يعني المجموعه ما راح تنتظر علشان تبيع بافضل سعر لان يدخل فالسيستم وما تقدر تتحكم فيه يعني ممكن يصير فيها لعبه.
3- اذا كانت محفظتك تحتوي اسهم من شركه (أ) من بعد 7 ايام المجموعه ممكن تبيع الاسهم واذا انت طالب شراء السهم ما راح يبيع لك السهم لان ضد قوانين السوق يعني انت متوهق متوهق المجموعه من ورائكم والسوق من امامكم.
من تجربتي الشخصيه انصح بعدم استعمال التداول بالهامش والشركه الوحيده الوحيده فالسوق اللي غير مسموح للتداول بالهامش فيها
هي شركة بلدنا وبس (علشان جذي اشوف وضعها امن للتداول من كل الشركات) واللي يعرف شركه ثانيه ممنوع التداول بالهامش يعطينا خبر.
بالتوفيق لك وللجميع
انت اللي تحدد اتجاه سهمك " ترخص سهمك ينزل تغلي سهمك يرتفع"
السلام عليكم وصباح الخير
المجوعة صرح كبير ولا بحاجة من عضو جديد مثلي يسوي لها دعايات فهي في السوق قبل نعرف انا وانت ان عندنا سوق للأوراق المالية ونقدر نبيع ونشتري فيه اسهم
وبخصوص التداول بالهامش على فكرة فائدتهم الوحيدة هي من عمولة التداول اذا انت التزمت بشروطها يعني التداول بالهامش مو ذاك الربح لهم عشان ينتظرون مني اسوي له دعايات
والي ظللته بالأحمر اخوي هذا يعتبر طعن وتشهير والتشكيك في نزاهة الوسيط وتستطيع المجموعة رفع عليك قضية وراح تكسبها قانونيا وتعرض نفسك للمسائلة
عندك دليل بان هناك استغلال وبيع قهري من المجموعة واتفاق مع طرف ثاني لبيع اسهمك عليه بخسارة يفضل كنت أدرجته مع مشاركتك
اليه الي ظللته بالأحمر فعليا واليا صعب تطبق في السوق نقول مثل ما انت تفضلت ان عرضوا اسهمي على طرف ثاني نقول على اقل سعر عرض ( الأسهم على فكرة بالسوق تطلع بالسعر والحجم مو بسم الشخص او رقمه المساهم ) نقول دخل طرف ثالث شاف ان السعر منخفض وشتراها بحكم ان افضل سعر معروض يعطى لافضل طلب طيب والطرف الثاني الي انت قلت متفق معهم يشترون له لا المجموعة اربحت ولا الطرف الثاني اشتراء وخسروا ثقة عميل
اما بخصوص سهمك بلدنا أتوقع ان السهم ادرج مؤخرا مع تفعيل الهامش وهم أيضا لاحظت بانهم يفضلون التأكد فترة من الزمن من استمرار التداول على السهم بأحجام وسيولة عالية وكبيرة ليتم تفعيل الهامش لذلك اشوفهم استبعدوا اسهم مثل السينما والعامة وغيرهم من الأسهم الي التداول عليها لا يذكر من التداول بالهامش
بلدنا منذ الادراج حتى اخر أسبوعين او ثلاثة كانت السيولة فيها اقل من مليون ريال يوميا والتذبذب فيه اقل من عشر دراهم صعود او هبوط واتوقع عندما يرون ان الوقت مناسب لتداول فيها بالهامش ما راح يتأخرون بتقديم أي خدمة للعميل ممكن تساعده في التداول ويستفيد منها
التعديل الأخير تم بواسطة كنغ المضاربة ; 28-05-2020 الساعة 07:58 AM
.
"المجوعة صرح كبير ولا بحاجة من عضو جديد مثلي يسوي لها دعايات فهي في السوق قبل نعرف انا وانت ان عندنا سوق للأوراق المالية ونقدر نبيع ونشتري فيه اسهم"
فهمنا الدعايه
"والي ظللته بالأحمر اخوي هذا يعتبر طعن وتشهير والتشكيك في نزاهة الوسيط وتستطيع المجموعة رفع عليك قضية وراح تكسبها قانونيا وتعرض نفسك للمسائلة"
ما ادري هل هذا تهديد؟
".......بخصوص سهمك بلدنا........."
سهمك بلدنا؟!!! ما فهمت قصدك
الظاهر تعليقي على الموضوع ازعجك واااااايد!!!! ما اعرف ايش السبب؟!!
بس من باب اولى كانت مناقشة الفكره المطروحه بموضوعيه افضل
بالتوفيق لك اخي العزيز
التعديل الأخير تم بواسطة محيوس ; 28-05-2020 الساعة 04:03 PM
انت اللي تحدد اتجاه سهمك " ترخص سهمك ينزل تغلي سهمك يرتفع"
هلا فيك اخوي انت لم تناقش الفكرة بمشاركتك فوق وكلامي مو تهديد ولا من هالقبيل كلنا اخوان نتبادل الافكار ونستفيد من بعض بس انت بمشاركتك ذكرت امور لو انها فعلا تحدث كما ذكرت البيع القهري وتفضيل مستثمر على اخر وتحقيق ارباح له على حساب مستثمر غافل ببيع اسهمه لمستفيد متفق مع المجموعة الامر هنا اصبح تلاعب باموالنا والامر خطير وكما تفضلت انت بان ذلك من تجربة شخصية لك معهم
كما ذكرت سهمك بلدنا انت بنفسك قلت انا ماشريت ولا بشتري في السوق الا هذا السهم واذا في شركة ثانية ماتداول بالهامش مثلها يعطينا خبر
مشاركتك فوق بالاعلى ليست لي بالخاص هي بالعام واكيد قراءها الاعضاء ولهم التعليق والراي اذا انا اخطئت بحقك لك مني الاعتذار واكيد الخبراء من الاخوة في هذه الامور القانونية لهم رايي وتعليق
التعديل الأخير تم بواسطة كنغ المضاربة ; 28-05-2020 الساعة 05:35 PM
الله يعلم باني لا لي مصلحة لا من قريب ولا بعيد والله يشهد على كلامي ومجرد موضوع ونقاش نستفيد منه كلنا ونعرف ايجابيات وسلبيات التداول بالهامش وحولتوه الى اتجاهات اخرى لا تعنيني لا من قريب ولا بعيد اخوي اذا انت تشوف ردي فوق بان دعايا لهم انا اعتذر عن فتح الموضوع والمشاركة فية واتمنى من الاداره اغلاقة او حذفة وماراح افتح اي موضوع مستقبلا اي كان وبكتفي بالتعليق وردود او حتى متابعة المنتدى من الخارج وتسجيل خروج الافضل الابتعاد عن النقاشات التي لا تزيد ولا تنقص بالعكس راح تضيع وقتنا دون اي فائدة سعدت جدا بتواجدي معكم والله يوفق الجميع
التعديل الأخير تم بواسطة كنغ المضاربة ; 28-05-2020 الساعة 08:01 PM
برنامج المجموعة كاتبين : متوافق مع الشريعة الاسلامية حيث لا توجد اي رسوم أو اي فوائد على المعاملة