صفحة 1 من 3 123 الأخيرةالأخيرة
النتائج 1 إلى 10 من 22

الموضوع: @@ خطــــة الخمــــسين @@

  1. #1
    عضو مميز الصورة الرمزية الجـــوديّ
    رقم العضوية
    47465
    تاريخ التسجيل
    May 2014
    المشاركات
    2,314

    @@ خطــــة الخمــــسين @@



    السلام عليكم ورحمة الله وبركاته


    عـــــودة .. أتمنى تكونون كلكم بخير


    كل عام وأنتم بخير وتقبل الله طاعتكم ..

    والله يحفظنا وإياكم من كورونا ويرفع عنا البلاء والوباء

    ...................

    حبيت أشارككم فيديو شفته وعجبني محتواه .. وأعتقد الكثيرين يحتاجونه ... لعله يفيد مايضر

    ومن عنده شي أفضل من المحتوى أو تجربة تفيدينا .. الله يجزاه الخير يشاركنا




    تحياتي ،،

  2. #2
    عضو مؤسس
    رقم العضوية
    21272
    تاريخ التسجيل
    Jul 2008
    الدولة
    قطر
    المشاركات
    5,844
    ,

    ,



    مرحبا

    الجـــوديّ

    من أجمل المساهمات هذا الأسبوع

    حقيقه 14 دقيقه من الفائده والمتعه قضيتها هنا

    كل انسان ما يحط اهداف لنفسه ولا يخطط للسنوات القادمه راح يتحسر على الوقت الي مضى

    واكبر مشكله نعيشها بالخليج خصوصا والعالم العربي عموما

    ان الشباب فقط ( يعيش يومه ) ويستمتع براتبه وماعنده خطه اكثر من الشهر الي يعيشه

    او يشتري السياره او يسافر الى الدوله الي يحبها

    ومن اصعب الأمور ( تقنعه ) يحط خطه او يستثمر راتبه

    اما المستقبل فقليل جدا من يخطط له

    لاحظت ( البنات ) فيهم من يخطط افضل من الشباب

    واذا فات مستقبل الشباب يفوت مستقبل أجيال ومستقبل الدول معاه

    للأسف


    ,

    ,
    التعديل الأخير تم بواسطة شموخ دائم ; 29-05-2020 الساعة 01:48 PM

  3. #3
    تميم المجد الصورة الرمزية nooora
    رقم العضوية
    12021
    تاريخ التسجيل
    Jan 2007
    الدولة
    دار تميم العز
    المشاركات
    10,083
    شوفت هالمقطع من اسبوعين ،، كان مسافر لدوله تبعد عن المهلكه بالطيارة تقريبا اربع ساعات ،، شنو المشكله لو ذكر اسم الدوله ،، مسافر لتركيا لكن يخاف مسكين ،،

  4. #4
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    الحمد لله رب العالمين

    انا استثمرت وقتي من بداية التخرج والدراسة .. جمعت مبلغ أثناء دراستي الجامعية وكنت ادرس مرتاح وساكن في شقة بروحي ومدلع نفسي كله بحدود مدروسة .. قبل لا اخلص دراستي تزوجت وتكفلت بتكاليف زواجي وكان عندي مبلغ يقترب من 500 الف ريال كاش غير عن الأسهم اللي كان الوالد الله يغفر له يشتريها لي مع كل اكتتاب .. طبعاً زواجي ما كلفني كل استثماري الكاش وكان بسيط كلفني حول 200 الف وشوي .. كان الوالد أكيد ما يقصر معاي وقت حاجتي لمبلغ كبير أثناء دراستي

    عشت حول 13 سنة في بيت صغير في حوش بيت الوالد الله يغفر له هو تكفل ببناءه .. أثناء شغلي كان استثماري يكبر في الأسهم فقط وأكيد كنت غلطان .. كانت فرص الأراضي موجودة وكثيرة وكان وقتها القطعة 1000 متر في الوعب تكلف 300000 وفي معيذر جاتني فرص ب 30000 وقبل لا ابني حصلت قصر على 6 اراضي وعلى الشارع العام كان واقف عظم بمليونين و 200000 وكان متوفر عندي المبلغ وغلطت ما شريته .. إرتفع سعره وقت الأسياد 2006 الى 35 مليون

    أكيد الرزق مقدر من رب العالمين والحمد لله إحنا في نعمة وخير

    تقاعدي في ال 54 وألحين وصلت ال 56 والحمد لله عيالي 3 من 4 يشتغلون ومكتفين بنفسهم واساعدهم أوقات والراتب التقاعدي يكفيني ويزيد .. واستثماري في البورصة يعطيني مدخول سنوي يعوضني مبالغ التذاكر والزيادات اللي للشغل

    إستثمرت في بنيان بيتي على أُسس سليمة وصحيح المساحة شوي ضيقة علينا بعد ما استوينا عائلتين انا وولدي في نفس البيت وحانت الخطة الجديدة للبناء من جديد واستثمار هذا البيت بتأجيره

  5. #5
    عضو مؤسس
    رقم العضوية
    21272
    تاريخ التسجيل
    Jul 2008
    الدولة
    قطر
    المشاركات
    5,844
    ,


    ,


    مرحبا

    اخوي معماري

    ما شاء الله انت مثال طيب لنا هنا الله يبارك لك ويرزقك

    ومثال طيب وواقعي لكل الشباب الجيل الحالي

    نبي نفهم الحين كيف تدلع نفسك ؟ شنو خاش عنا

    في اللؤلؤه عندك عقار او لوسيل او تسافر ؟؟

    ووين تسافر



    قلبي قارصني

    اعترف


    ,

    ,

  6. #6
    عضو مميز الصورة الرمزية الجـــوديّ
    رقم العضوية
    47465
    تاريخ التسجيل
    May 2014
    المشاركات
    2,314
    اقتباس المشاركة الأصلية كتبت بواسطة شموخ دائم مشاهدة المشاركة
    ,

    ,



    مرحبا

    الجـــوديّ

    من أجمل المساهمات هذا الأسبوع

    حقيقه 14 دقيقه من الفائده والمتعه قضيتها هنا

    كل انسان ما يحط اهداف لنفسه ولا يخطط للسنوات القادمه راح يتحسر على الوقت الي مضى

    واكبر مشكله نعيشها بالخليج خصوصا والعالم العربي عموما

    ان الشباب فقط ( يعيش يومه ) ويستمتع براتبه وماعنده خطه اكثر من الشهر الي يعيشه

    او يشتري السياره او يسافر الى الدوله الي يحبها

    ومن اصعب الأمور ( تقنعه ) يحط خطه او يستثمر راتبه

    اما المستقبل فقليل جدا من يخطط له

    لاحظت ( البنات ) فيهم من يخطط افضل من الشباب

    واذا فات مستقبل الشباب يفوت مستقبل أجيال ومستقبل الدول معاه

    للأسف


    ,

    ,






    أهلا شموخ دائم .. ونهاركم سعيد .... وعودة موفقة للأعمال والحياة من جديد

    دائماً ما يستوقفني حالنا .. وافترض اني لما أوصل لعمر متقدم .. هل بتحسف على شي ... لأني ما أحب الحسافة

    وبعد .. أفكر شلون أقدر استغل لحظتي بكل ما أملك فيها أفضل استغلال .. إن كان بالإمكان

    وغالبا الاجابة اننا مش مؤهلين لسبب أو لآخر .. إنا نستغل كل مقدراتنا من مال وصحة ووقت أفضل استغلال


    تجربة هذا الشخص الله يجزاه الشخص ... عطتنا إضاءة إننا على الأقل نقدر ندخل عالم الحياة بعد التقاعد واحنا سعداء

    لا نحاتي ولا نشيل هم بنيان وديون وزواج عيال وغيره من المسؤوليات

    عجبني التخطيط الرئيسي للحياة as a package دفعة وحدة ... وبرؤية واضحة ... والكرف عشانها

    عجبني أيضاً إنه مكّن عياله من إنهم يعيشون باستقلالية في حياته ..

    "الاستقلالية" ... عالم جميل .. لكن الشباب مصرين يتمون "معتمدين" على أهلهم حتى عقب ما يتزوجون ويعيلون :/


    ............... الحمدلله على النعمة .. مازال فيه متسع لمراجعة أنفسنا ومع كرونا نصحح الوضع ونبدأ للي ما بدأ


    حضور مثري كالعادة شموخ دائم ... شكراً لك
    التعديل الأخير تم بواسطة الجـــوديّ ; 31-05-2020 الساعة 08:00 AM

  7. #7
    عضو مميز الصورة الرمزية الجـــوديّ
    رقم العضوية
    47465
    تاريخ التسجيل
    May 2014
    المشاركات
    2,314
    اقتباس المشاركة الأصلية كتبت بواسطة nooora مشاهدة المشاركة
    شوفت هالمقطع من اسبوعين ،، كان مسافر لدوله تبعد عن المهلكه بالطيارة تقريبا اربع ساعات ،، شنو المشكله لو ذكر اسم الدوله ،، مسافر لتركيا لكن يخاف مسكين ،،
    صباح الخير nooora

    أشوف الغموض بأنه ماصرح باسم الدولة شي مدروس وتشويقي .. علشان نكمل لآخر الفيديو .. عل وعسى يقول ههههه

    المهم العبرة والفائدة

  8. #8
    عضو مميز الصورة الرمزية الجـــوديّ
    رقم العضوية
    47465
    تاريخ التسجيل
    May 2014
    المشاركات
    2,314
    اقتباس المشاركة الأصلية كتبت بواسطة معماري قطري مشاهدة المشاركة
    الحمد لله رب العالمين

    انا استثمرت وقتي من بداية التخرج والدراسة .. جمعت مبلغ أثناء دراستي الجامعية وكنت ادرس مرتاح وساكن في شقة بروحي ومدلع نفسي كله بحدود مدروسة .. قبل لا اخلص دراستي تزوجت وتكفلت بتكاليف زواجي وكان عندي مبلغ يقترب من 500 الف ريال كاش غير عن الأسهم اللي كان الوالد الله يغفر له يشتريها لي مع كل اكتتاب .. طبعاً زواجي ما كلفني كل استثماري الكاش وكان بسيط كلفني حول 200 الف وشوي .. كان الوالد أكيد ما يقصر معاي وقت حاجتي لمبلغ كبير أثناء دراستي

    عشت حول 13 سنة في بيت صغير في حوش بيت الوالد الله يغفر له هو تكفل ببناءه .. أثناء شغلي كان استثماري يكبر في الأسهم فقط وأكيد كنت غلطان .. كانت فرص الأراضي موجودة وكثيرة وكان وقتها القطعة 1000 متر في الوعب تكلف 300000 وفي معيذر جاتني فرص ب 30000 وقبل لا ابني حصلت قصر على 6 اراضي وعلى الشارع العام كان واقف عظم بمليونين و 200000 وكان متوفر عندي المبلغ وغلطت ما شريته .. إرتفع سعره وقت الأسياد 2006 الى 35 مليون

    أكيد الرزق مقدر من رب العالمين والحمد لله إحنا في نعمة وخير

    تقاعدي في ال 54 وألحين وصلت ال 56 والحمد لله عيالي 3 من 4 يشتغلون ومكتفين بنفسهم واساعدهم أوقات والراتب التقاعدي يكفيني ويزيد .. واستثماري في البورصة يعطيني مدخول سنوي يعوضني مبالغ التذاكر والزيادات اللي للشغل

    إستثمرت في بنيان بيتي على أُسس سليمة وصحيح المساحة شوي ضيقة علينا بعد ما استوينا عائلتين انا وولدي في نفس البيت وحانت الخطة الجديدة للبناء من جديد واستثمار هذا البيت بتأجيره

    الله يصبحك بالخير معماري قطر

    الحياة فرص صج .. ومعليه تضيع كمن فرصة لكن نصيد كمن وحدة مانطلع منها فاضيين ههههه


    غالباً مانسمع إن فلوس الابتعاث ماتكفي .. ونفس الكلام مع فلوس العلاج في الخارج ...

    مع إن في ناس فعلا اقدروا يستفيدون من فلوس مرافق العلاج ويكيفون نفسهم بوضع جيد

    ويجمعون منها بعد مبلغ حلو ويصرفونها بشكل أمثل.



    ماشاء الله قصة نجاحك ملهمة .. الله يبارك لك ويزيدك من فضله .. ويوفقك في بنيان البيت.



  9. #9
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة شموخ دائم مشاهدة المشاركة
    ,


    ,


    مرحبا

    اخوي معماري

    ما شاء الله انت مثال طيب لنا هنا الله يبارك لك ويرزقك

    ومثال طيب وواقعي لكل الشباب الجيل الحالي

    نبي نفهم الحين كيف تدلع نفسك ؟ شنو خاش عنا

    في اللؤلؤه عندك عقار او لوسيل او تسافر ؟؟

    ووين تسافر



    قلبي قارصني

    اعترف


    ,

    ,
    والله يا اخوي كل اللي عندي ورث من العقارات وقديمة ما تجيب همها

    كل استثماري في الأسهم ولو اطلع هالوقت باكون خسران واللؤلؤة والوسيل للتمشي زينة مب للسكن الا للشباب اللي يبون يكونون قريبين من قلب الحدث

    السفر صحيح افتقدناه .. كنت حاجز حق برشلونة والاردن وصارت هالسالفة وحتى فلوس التذاكر لين الحين ما رجعت

    المشاريع المستقبلية بيت جديد إن شاء الله وإحتمال بيت صغير في الزرع .. المشكلة العائلة ما تشجع والا خاطري في شقة في المانيا أو بيت ريفي في القرى هناك

  10. #10
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة الجـــوديّ مشاهدة المشاركة
    الله يصبحك بالخير معماري قطر

    الحياة فرص صج .. ومعليه تضيع كمن فرصة لكن نصيد كمن وحدة مانطلع منها فاضيين ههههه


    غالباً مانسمع إن فلوس الابتعاث ماتكفي .. ونفس الكلام مع فلوس العلاج في الخارج ...

    مع إن في ناس فعلا اقدروا يستفيدون من فلوس مرافق العلاج ويكيفون نفسهم بوضع جيد

    ويجمعون منها بعد مبلغ حلو ويصرفونها بشكل أمثل.



    ماشاء الله قصة نجاحك ملهمة .. الله يبارك لك ويزيدك من فضله .. ويوفقك في بنيان البيت.


    يمكن وضعي يختلف .. انا اشتغلت عمري 14 وكان راتبي زين وامسك أكثره لين خلصت الثانوية كان عندي مبلغ يسوى .. بعد ترفعت لمرشح ضابط وقتها مع احتساب سنوات الخدمة كطالب وسافرت ادرس على حساب الجيش راتب في قطر وراتب في أمريكا .. صحيح ربعي مثل ولدي ألحين يجمعون الراتبين ويخلصون عليهم هناك .. انا كنت عايش عيشة زينة وغالب الوقت شقتي بروحي بس ما اصرف على لعبة غير شوية بولنغ ورحلاتي كانت لربع لي حولي بالسيارة وكنا ننام حتى جنب بعض عند التلفزيون على الأرض .. كانت حياتنا وقتها بسيطة 965 دولار تكفينا وعند بعضنا تزيد شوي

    العلاج اللي يصرفون فيه مبذرين .. كنت في 2015 في ألمانيا وصج وديت معاي مبلغ اضافي وكنت اصرف من الفيزا للسيارات بس زاد عندي من الرواتب الاسبوعية مبلغ زين عطيت الخادمة منه مبلغ فرحها لأنها كانت القلب النابض في خدمة والدتي .. كنت اصرف باعتدال ومعاي اخوي كان دوم مفلس يوم رجع تجمعت عندي مبالغ زيادة .. كله فائض ميزان تجاري

    بعضهم يسكنون فنادق راقية وغالية وحتى ما يتنزلون يطالبون بتخفيض خاص انهم بيسكنون فترة طويلة .. انا سكنت في شقة ارضية 3 غرف وواسعة وصج حبيتها ما رضيت اغيرها حتى مع حر الصيف وهي بدون تكييف تعودت على المروحة

صفحة 1 من 3 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •