صفحة 2 من 3 الأولىالأولى 123 الأخيرةالأخيرة
النتائج 11 إلى 20 من 21

الموضوع: ابواب الببيت الخارجيه وديكور السور الامامي انعكاس لشخصيتك !!

  1. #11
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    من أجمل الأبواب اخوي بو سعود وفوق هذا عملي

  2. #12
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    انا افضل هذا النوع حديد مصمت يكون قوي ويعمر أفضل من التيوبات الخفيفة والبلاستيك أي سيارة ويمكن رفسة تكسره

  3. #13
    عضو مؤسس
    رقم العضوية
    21272
    تاريخ التسجيل
    Jul 2008
    الدولة
    قطر
    المشاركات
    5,844

    ,

    ,


    مرحبا


    sara


    شكرا على مرورك الكريم

    شلوون عيل



    تعليقك في محله ( الباب الرئيسي ) عنصر مهم جدا مكمل للروح العامه للبيت
    من المفترض انه عنصر مكمل للديكور اذا البيت مودرن يفترض
    يكون فيه لمسه مودرن ولو بنسبه 30 % اذا ماكانت اكثر حتى يكون مريح للعين ومافي نشاز بالروح العامه للستايل العام للبيت
    اذا كنا حابين الخشب والبيت مودرن اسهل طريقه ندخل عنصر الحديد او الاستيل في الخشب فياخذ الباب لمحه مودرن
    او نروح للحديد المشغول وهو الأقرب للديكور العام المودرن

    بعرض لكم باب الصاله والمجلس الدخلي لبيت الوالده



    واحد باب الصاله ولثاني مجلس داخلي



    الباب هذا صار له 20 سنه بالضبط من سنه 2000 هو من خشب التيك الصولد
    اكل عليه الدهر وشرب مثل ما يقولون ومثل ماهو واضح بالصور
    الشمس المباشره تصيده لانه مقابل الشرق والرطوبه كذلك وماعليه حمايه

    سبب التاخير شروط الوالده التعسفيه الله يطول عمرها


    شروطها للصيانه

    ممنوع حد يفك الباب
    ممنوع يصير ريحه صبغ في المكان
    ممنوع يصير ازعاج وتطقطق مطارق

    لانها ما تبي تغير مكان جلستها بالصاله كل يوم

    طبعا ما نقدر نحط النجار ( على الصامت ) مو مبايل هو


    بعد جهد جهيد اقتنعت اليوم ان نرتب الباب ونعيد الحيويه فيه

    تبي لونه يكون ابيض ناري اكرهت البني من كثر ماهو مقابلها ( ويتغير الزجاج ) الى زجاج حديث مودرن وشرط يكون فيه اللوان

    بجيب ( شركتين ) عندي ارقام مناجر وبنشوف كيف نتفق معاهم ومن يقدر ينفذ التجديد حسب المطلوب ونشوف السعر
    والي برتاح له ونشوفه فاهم في شغله وخطه العمل واضحه وفاهم شغله بنتفق معاه ان شاء الله



    واذا عالجنا الباب المريض بنحط صوره لكم وهو معرس بالثوب الأبيض الجديد




    بالنسبه للزراعه خارج البيت اتفق معاك ونفس الراي ان يكون زراعه ثابته بالأرض ودائمه
    مساحه اكبر ونقدر نحط نخل كبار واشجار كبيره وصغيره واجمل بشكل عام للبيت


    ,


    ,
    التعديل الأخير تم بواسطة شموخ دائم ; 31-05-2020 الساعة 02:03 PM

  4. #14
    عضو مؤسس
    رقم العضوية
    21272
    تاريخ التسجيل
    Jul 2008
    الدولة
    قطر
    المشاركات
    5,844

    ,

    ,


    na Qatar


    بو سعود


    حياكم الله

    وشكرا على المرور الكريم

    بوسعود

    اتفق معاك بشكل عام على اللي ذكرته بتوزيع الأبواب كل نوع حسب الاحتياج وان يكون عملي

    واختلف معاك في شي

    انا ما زلت من المدرسه ( القديمه ) الكلاسيك في الديكور احس البيت يطلع مرقع
    اذا أبواب الحمامات شكل ولون وابواب الغرف ديكور مختلف او ماده مختلفه والصالات شي مختلف
    احس ( جماليات البيت ) ضعفت كثير ونزل مستواه الجمالي كثير بهذي الطريقه

    احب البيت شرقي كل شي يكون شرقي مع الابواب
    احب البيت مودرن يكون كله مودرن مع الأبواب


    مع اني اتفق معاك على المدى الطويل طريقتك افضل
    ولكن مثل ما يقولون الناس اذواق و ( قناعات ) وصعب نغيرها للأسف

    مدرستي مدرسه الكلاسيك القديمه ( متفهم جدا مع الناس ) وقاسي على نفسي في اختياراتي لبيتي


    ما اعرف كيف اشرح اكثر ان شاء الله فكرتي واضحه


    بحط صوره باب حتى نثري الموضوع بالصور



    باب خشب ( سيمي سولد ) خفيف الوزن والتكلفه







    هذا الأبواب الي تلاقونها في المساجد والأسواق الشعبيه مثل سوق واقف وبعض فنادق البوتيك بقطر
    سمي سولد أسعاره الحين من 6000 الى 9000

    بننتقل الى الأبواب المودرن وال ubvs
    بالردود القادمه

    هذا البيت الي فوق العربي مباع الان الله يبارك لصحابه استخدمت فيه باب خشب تراثي لان البيت شرقي عربي ستايله
    وما ابي ارفع التكلفه العامه للبيت وبنفس الوقت ابيه مقبول جماليا
    فاستخدت الباب هذا الي ينحط هذي الأيام في المساجد والأماكن التراثيه
    كلفني سنه 2014 تقريبا 5000 ريال وما زال جيد



    ,

    ,

    التعديل الأخير تم بواسطة شموخ دائم ; 31-05-2020 الساعة 03:09 PM

  5. #15
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    اخوي شموخ ..
    اذا مساحة البرنده كبيرة ليش ماتحطون باب زجاج كامل بـ فريمات ستيل ..
    نفس هالصورة ... بيحافظ لك على البيبان الخشب فترة اطول ..



    :

    ومن ناحية الزجاج اللي بالخشب .. في بيتي تعبت ادور نقشه حلوة يقدر ينفذها النجار عنده بالمصنع ..
    وابي شي يناسب ستايل البيت عندي .. واخر شي خذت مشوره اخوي ( عزيز ) وتعاملت مع شركة اوكسجين حق الستيكرات وسوالي شغل فنان وعليه ضمان 3 سنوات ..
    باراويك الصور عالخاص اذا تحب .. لاني اخاف يقلدني ( معماري ) ويبوق افكاري

    :
    :

    الدوحة يو بي في سي امس نزلوا اعلان عندهم عجبني ..



    مااعرف اسعارهم لكن نفس هالستايل ( خشب ) بعض محلات شارع سلوى يسونه على ( 30-60 الف )
    تُنسى ، كأنَّكَ لم تَكُنْ ..

  6. #16
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة sara jsm مشاهدة المشاركة
    اخوي شموخ ..
    اذا مساحة البرنده كبيرة ليش ماتحطون باب زجاج كامل بـ فريمات ستيل ..
    نفس هالصورة ... بيحافظ لك على البيبان الخشب فترة اطول ..



    :

    ومن ناحية الزجاج اللي بالخشب .. في بيتي تعبت ادور نقشه حلوة يقدر ينفذها النجار عنده بالمصنع ..
    وابي شي يناسب ستايل البيت عندي .. واخر شي خذت مشوره اخوي ( عزيز ) وتعاملت مع شركة اوكسجين حق الستيكرات وسوالي شغل فنان وعليه ضمان 3 سنوات ..
    باراويك الصور عالخاص اذا تحب .. لاني اخاف يقلدني ( معماري ) ويبوق افكاري

    :
    :

    الدوحة يو بي في سي امس نزلوا اعلان عندهم عجبني ..



    مااعرف اسعارهم لكن نفس هالستايل ( خشب ) بعض محلات شارع سلوى يسونه على ( 30-60 الف )
    بقتها وخلصت انتي ما تدرين بعبدالعزيز ما يقاوم أي سؤال مني ويعلم بسرعة

  7. #17
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة شموخ دائم مشاهدة المشاركة

    ,

    ,


    مرحبا


    sara


    شكرا على مرورك الكريم

    شلوون عيل



    تعليقك في محله ( الباب الرئيسي ) عنصر مهم جدا مكمل للروح العامه للبيت
    من المفترض انه عنصر مكمل للديكور اذا البيت مودرن يفترض
    يكون فيه لمسه مودرن ولو بنسبه 30 % اذا ماكانت اكثر حتى يكون مريح للعين ومافي نشاز بالروح العامه للستايل العام للبيت
    اذا كنا حابين الخشب والبيت مودرن اسهل طريقه ندخل عنصر الحديد او الاستيل في الخشب فياخذ الباب لمحه مودرن
    او نروح للحديد المشغول وهو الأقرب للديكور العام المودرن

    بعرض لكم باب الصاله والمجلس الدخلي لبيت الوالده



    واحد باب الصاله ولثاني مجلس داخلي



    الباب هذا صار له 20 سنه بالضبط من سنه 2000 هو من خشب التيك الصولد
    اكل عليه الدهر وشرب مثل ما يقولون ومثل ماهو واضح بالصور
    الشمس المباشره تصيده لانه مقابل الشرق والرطوبه كذلك وماعليه حمايه

    سبب التاخير شروط الوالده التعسفيه الله يطول عمرها


    شروطها للصيانه

    ممنوع حد يفك الباب
    ممنوع يصير ريحه صبغ في المكان
    ممنوع يصير ازعاج وتطقطق مطارق

    لانها ما تبي تغير مكان جلستها بالصاله كل يوم

    طبعا ما نقدر نحط النجار ( على الصامت ) مو مبايل هو


    بعد جهد جهيد اقتنعت اليوم ان نرتب الباب ونعيد الحيويه فيه

    تبي لونه يكون ابيض ناري اكرهت البني من كثر ماهو مقابلها ( ويتغير الزجاج ) الى زجاج حديث مودرن وشرط يكون فيه اللوان

    بجيب ( شركتين ) عندي ارقام مناجر وبنشوف كيف نتفق معاهم ومن يقدر ينفذ التجديد حسب المطلوب ونشوف السعر
    والي برتاح له ونشوفه فاهم في شغله وخطه العمل واضحه وفاهم شغله بنتفق معاه ان شاء الله



    واذا عالجنا الباب المريض بنحط صوره لكم وهو معرس بالثوب الأبيض الجديد




    بالنسبه للزراعه خارج البيت اتفق معاك ونفس الراي ان يكون زراعه ثابته بالأرض ودائمه
    مساحه اكبر ونقدر نحط نخل كبار واشجار كبيره وصغيره واجمل بشكل عام للبيت


    ,


    ,
    حلو الباب اللي حوله قزاز والله يحفظ الوالدة لكم

    والدتي نفس الشيء ليتات غرفتها ابي ابدلها وتقول ما تضمن تكون قاعدة ولا تقدر تخليهم يدخلون

    انا جبت عامل بروحه يشتغل على صبغ الأبواب يدوي وكانت حالتها وايد زينة أصلاً وتعلم منه السايق .. بس ألحين ابغي اغير اللون بالكامل مفكر في المهوغني المايل للعنابي .. يمكن يناسب لبعض الألوان الداخلية ولا يناسب لغيرها ويمكن ابقى مع لون الآش وود أفضل لي تبين العروق وبس حماية

    باصور لكم المدخل شلون محمي والأبواب الداخلية وخذتها رخيصة وقتها لا كلفتني 30 الف ولا 20

  8. #18
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    اقتباس المشاركة الأصلية كتبت بواسطة معماري قطري مشاهدة المشاركة

    شفت في سويسرا غالبية البنايات القديمة يستخدمون غرانيت صلب في الجزء السفلي من المباني الحجرية
    فعلا حزام من الجرانيت على المبنى بيطلع جميل ويحمي الارضية من الملح ..
    شفت بيت في سميسمه مسويه راعيه هالشكل لانه عالبحر .. وان شاءالله انا بعد باسوي على حسابك

    :

    اقتباس المشاركة الأصلية كتبت بواسطة معماري قطري مشاهدة المشاركة
    بقتها وخلصت انتي ما تدرين بعبدالعزيز ما يقاوم أي سؤال مني ويعلم بسرعة
    بـ اسجنكم انتو الاثنين
    تُنسى ، كأنَّكَ لم تَكُنْ ..

  9. #19
    عضو مؤسس
    رقم العضوية
    21272
    تاريخ التسجيل
    Jul 2008
    الدولة
    قطر
    المشاركات
    5,844
    ,

    ,



    سالم


    مرحبا


    تسلم على متابعتك وتواجدك

    الاخشاب هذا عالم جميل ومتنوع والاسماء بالفعل فيها اختلاف وتشابه من دوله الى أخرى
    مره ينطق بالفصحى ومره ينطق الإنجليزي ومره ينطق باللهجه المحليه الشعبيه

    خشب الساي خشب صلب
    في بعض دول الخليج يسمى ( ساج ) اختلاف حرف الياء وحرف الجيم
    ومن يوم احنا صغار نلعب على البحر جنب السفن والنجارين يشتغلون بصيانه السفن
    احنا ناخذ الاخشاب الصغيره المقطعه والزائده عن حاجتهم
    ونسوي منها سفن صغيره نلعب فيها
    وبالفعل هذا الخشب صلب وقاسي جدا ويصعب حتى قطعه يحتاج معدات قويه للقطع

    خشب الساي مرتبط في الخليج ( بالبحر ) كثير
    ولذلك كل البيوت قديما الأبواب من خشب الساي



    شوف جماله كيف وواضح الحفر فيه بالفعل فن من اجمل الاخشاب واصلبها



    خشب الساي في السفن الكبيره وسفن الزينه

    ,

    ,
    التعديل الأخير تم بواسطة شموخ دائم ; 02-06-2020 الساعة 12:33 PM

  10. #20
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة sara jsm مشاهدة المشاركة


    فعلا حزام من الجرانيت على المبنى بيطلع جميل ويحمي الارضية من الملح ..
    شفت بيت في سميسمه مسويه راعيه هالشكل لانه عالبحر .. وان شاءالله انا بعد باسوي على حسابك

    :



    بـ اسجنكم انتو الاثنين
    يمكن انا تقدرين علي لكن بو سعود بوس عود ما تقدرين عليه وهو واسطتي

صفحة 2 من 3 الأولىالأولى 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •