التهمة اللي قدموها قتل من الدرجة الثالثة وهذي معروفة حتى الثانية ما وصلتها
لذلك الكثير من الشعب ثار
من ذكرياتي أول ما وصلت ميامي عام 1989 بالسيارة بعد رحلة طويلة انصدمت يوم شفت الاجراءات اللي عندهم وكيف مشبكين مقار الشرطة بارتفاع 3 أدوار شبك كامل وأسياك شائكة النوع اللي يقطع مثل الموس .. كان قبل فترة بسيطة مخلصين من احتجاجات على قتل أسود كان هارب على موترسيكل رماه شرطي من الخلف وقتله .. الشرطي من اصول كوبية وصارت مثل الحرب بين الكوبيين والسود .. انصدمت من اللي شفته وقلت حدي 3 أيام وباشوف مكان ثاني بس بعد ما عرفت شباب خليجيين وسكنت منطقة هادئة تغيرت فكرتي واستوت ميامي الحب اللي ما زال يجري في عروقي
ما ننسى استفزاز بطتهم الوردية ترمب وكثير من الشعب ما عنده شيء يخسره
يقول لي واحد بغوا يروحون رماية هناك ومعاهم شلة أمريكان قالوا لهم ليش الخساير عندنا أسلحة نشوف منطقة بعيدة أظن غابة ونرمي فيها .. يقول جهزوا ترسانة أسلحة وذخيرة واستغرب هو وسئلهم ليش مب ممنوع عندكم .. قال أحدهم إحنا السلاح من الدستور عندنا حتى نحمي نفسنا وحتى لو غلطت الحكومة نقومها
الدبل ستاندرد موجود بكثرة في كل دول العالم حتى عندنا
يمكن انا لي عدة مواقف مع الشرطة هناك في مخالفات بسيطة ولا تعرضت الا لكل طيب وأخلاق .. حتى مرة عدد لي الشرطي مخالفاتي وكانت فوق الخمس بس كلمة آسف وانا كنت غلطان خلته يلغي كل شيء .. قال بس أوراق السيارة لازم توديها للقاضي ويلغي عنك المخالفة
هذا صج وضع غريب ولازم له محاسبة
اللي يبدو لي ان هالزلزال اللي صار بأمريكا بيكون له ارتدادات في أماكن ثانية من العالم.. وبيشعل فتيل الثورة ضد الظلم والتهميش والحقرة في كثير من بلاد العالم.. الدول اللي فيها جمعيات ونقابات قاعده تستعد وخصوصاََ بعض دول العالم العربي اللي نقدر نقول تقدم خطوات في طريق المشاركة السياسية.. الجزائر كالعادة لف عليهم تبون والسودان حميدتي والمغاربه مساكين حكم ملكي ولديهم عاطفة تجاه القصر ومب راعين ثورات.. مع هذا ربما نرى شيء في عواصم هذه الدول.. لكن الشيء الأكيد أن الأوروبيين عقب كورونا والركود اللي صاحبه بيغيرون حكومات وبيشكلون يمكن احزاب جديدة.. هذا تحليلي للموضوع وبين قوسين تطلعاتي..
المسكين ترمب ما عنده سديس ولا مدخلي ولا رسلان ولا طويل ولامندكار ولا جابري ولا ريس ولا احد يحكم على المتظاهرين بالكفر ويستبيح دماءهم مثل علي جمعه يوم يقول إضرب في المليان.
تبقى أمريكا مثال جيد لبعض الناس عشان يبرر وضعه وينشر دعايته اللي يقول فيه للناس (جوفو امريكا وجوفو الحرية شسوت).
الان غيروا التهم الى قتل من الدرجه الثانيه,,,,كذلك تم توجيه تهم بالمشاركه في
القتل ايضا من الدرجه الثانيه للشرطه الثلاثه الذين شاركوا المتهم الاول.
وضع القاضي كفالة خروج لكل من المتهمين مليون دولار,,,,وهي تعتبر عاليه وصعبه
ولكن يبدوا بأن اتحاد الشرطه قام بتجميع المبلغ المطلوب للكفاله ,,,وبأنتظار المحاكمه.
جميل كيف انتقلت المظاهرات للمدن الأوربيه لندن برلين
و شفنا كيف وحشيتهم مع المتظاهرين
على عكس ما طالبوا به العرب وحكام العرب بضبط النفس و اعطاء الحريه للمتظاهرين
من ثم تسلطوا هم عليهم أكثر من حكامهم!
حكام العرب اختي الدعاء ما رضوا به وقمعوه والكلام الطيب كذلك سجنوا صاحبه وواحد قطعوه بالمنشار وهذا أبشع الظلم والقهر .. حكوماتهم يتعاملون بمرونة مع المظاهرات السلمية بل ويرعونها بانتباه وحرص .. لكن لو صار تخريب تكون لهم ردة فعل وقد ما يقدرون يحاولون تكون انسانية لكن تطلع عن رغبتهم غصب
شكثر صارت مظاهرات سلمية جدامنا في كثير دول حتى في أمريكا وكنا نضحك على مظاهراتهم بدون تخريب وتكسير .. هذا التخريب والتكسير والحرايق تعبير قوي عن احباط الشعوب وضرورة اصلاح هذي المنظومة وبيتدخلون الساسة بالعقل غصب عليهم مثل ما شفنا شلون ترمب رضخ للشارع وللمواطن ولرئيس أركانه
اللي صار في الدول العربية بين طغيان الأنظمة وتعاون الطغاة في الثورات المضادة وهو أشد من طغيان الأنظمة .. الحصني مبارك جبن واستقال ولا ندري شصار خلف الكواليس وكانت الثورة المصرية ماشية صح خربتها سياسة مرسي وطيبته الزايدة رحمة الله عليه ومصر وشعبها ما تستحقه لهم الخسيسي وبس واللي وراه
اللي صار في تونس وشرد رئيسهم واندس في حضن خيال العرجاء بعد يحاولون يخونون بالنذل من الشعب هناك للعودة للفوضى .. نفس الوضع صار في ليبيا ونجحوا لحد كبير .. الأنظمة العربية اللي تخاف على سلطتها من كلمة أو رأي أو واحد يسافر هشة وضعيفة وتخاف من ظلالها وبيجيها يوم قريب بإذن الله .. والقوي بمشيئة الله يعز نفسه وشعبه واللي بيسافر له الحرية ولو في قلبه شيء وحب للقوم الظالمين يقدر يروح ينبح معاهم .. بس بعد ما ينبح ليقول ابغي ارجع وسامحوني قص علي الشيطان
كان المفروض التهمة قتل بدون رأفة ومن الدرجة الأُولى وبدم بارد واستغلال قوة القانون والسلطة .. بعدين دفاع ومحاماة ومحاكمات ممكن ينزلون التهمة .. الدرجة الثانية لو انا مسرع وتسببت في حادث ووفاة يعتبر أوقات قتل من الدرجة الثانية حسب ظروف الحادث ومخالفتي للسرعة
البقية حسب درجاتهم المفروض بين الثانية للي مساوي في الرتبة والمسئولية أو أعلى والثالثة للأقل
المشكلة أول شيء في النظام والتراخي بتهمة بسيطة لجريمة قوية وكبرى .. هذا مثله مثل اللي يمسك ياهل ويحط سكين على رقبته جدام هله وينحره .. الثاني بنقول عنه مجنون ممكن بس تهمته بتكون قتل بشع وهي أقوى من تهمة القتل المتعمد .. الشرطي هذا 8 دقايق دايس على رقبته وهو مقيد ما يقدر يسوي شيء ولا شفناه يقاوم القبض عليه ويمكن قاوم الركوب في السيارة متأخر .. بعدين شرطة أمريكا كلهم الحين عندهم الصاعق الكهربي وينباع هناك للدفاع عن النفس حتى البنات ياخذونه وصاعق الشرطة قوي يتسبب أوقات في الوفاة ويشل مقاومة أي واحد يحاول يقاوم .. بعدين ذيلا عندهم لكل وضع خطوات تصرف ( Course Of Action ) فهم مدربين لكل الحالات وعارفين يتصرفون