والله ما عندي فكرة بس عن الأبراج عارف فيه أدوار معينة للمعدات والتكييف وأشياء غير كثيرة .. الوضع يختلف عن البيت .. البيوت ألحين تعتمد المضخات والبرشر .. البرشر أنواع منها المتطورة اللي تشتغل حسب الحاجة وتضغط ضغط متغير حسب الحاجة من 0 وقت كل شيء مغلق وتريح البايبات الى 3 بار واعتقد أكثر لو فيه كم خط شغال ومستخدم
هذي تضخ من الارض لحد ارتفاع أعلى دور .. اللي تابع تصميمي لبيتي فيه شرح للبيسمنت الخدمي والمياه مصر اخليها من تحت البيت لإبعاد البايبات عن حرارة الشمس ولحفظ كل شيء بعيد عن الشمس
آذكر مجمع على طريق الوعب معمول ومصمم الخزان فوقه .. خزان صغير والارتفاع مدروس من أساس التصميم ومحاط ببناء ما تحس انه خزان
لو صاحب الموضوع بيسوي مثله وعنده ارتفاع يسمح بيكون الوضع معقول لكن أكيد هو وصل أقصى ارتفاع وهم شديدين ألحين في هذي المواضيع والله شفت بيوت واقفة بسبب رفض التخطيط الترخيص لهم ويبون ازالة التعدي
جميل البرج يا بو سعود مصور برجك تحرنا عارف
انا اشوف تروح ع اقتراح شموخ ��
تحول الغرفة هذي المكشوفة الي تطل ع شارع الخلفي وتستفيد منها اما الغرفة الامامية كسرها من الجانبين وتصير مكان تجمع التوانكي والخزانات والمبرد والسخانات.
اما بخصوص انك بترفعها فوق البنت هاوس ماتصلح ابدا مشوة المنظر العام بتصير كنها في مصر::
احسنتالمشاركة الأصلية كتبت بواسطة ALJokar
تُنسى ، كأنَّكَ لم تَكُنْ ..
شغل مهندسين
بس ليش يكسر الغرفة يخليها بطابوقها ويستخدمها مثل ما هي .. يحتاج فتحة من جدام لإدخال التانكي وإرتفاع التانكي في الغالب أقل من مترين يقدر يسوي جسر على ارتفاع مترين والفتحة يسويها بمقاس التانكي بس بزيادة بسيطة .. التانكي والمضخات ما تحتاج تهوئة قوية ولو افترضنا احنا نبغي نهوي نركب باب ينفتح وقت الصيانة .. المنيوم عادي ورخيص
ان شاءالله ناخد بنصايحكم ومشكورين علي المساعده
انا شخصيا مريت بتجربة فاشلة بخصوص الخزان والسخان والمبرد
حيث ان المقاول حطهم على سطح الملحق
وكانت النتيجة الماي الحار لا يصل حار ولا البارد بارد لطول المسافة
والمشكلة الكبرى تعطلت وحده من المضخات وقف الماي في البيت
وبعد عملية تعديل النظام شبه مستحيله البيت حجر من بره والدكتات مغلقة بالحجر
النتيجة ... لا انصح بوضع الخزان على الملحق لتغذية الفيلا
الأفضل ...
وضع الخزان ونظام التبريد والتسخين على السطح مع وجود مظلة حسب شروط البلدية
وانا شخصيا افضل ترتب غرفة على السطح وبعد ما تركب الخزان والسخان والمبرد تسكر عليها بباب المنيوم وحط مكيف صغير
بهذا الشكل تحافظ على المنظومة من الغبار والحرارة والرطوبة وتعطيك كفائه عالية
والشي الأخير انصح باستخدام البيبات الي لا تسمح بالحرارة تنقل من الداخل الى الخارج ومن الخارج الى الداخل
بالإضافة عملية التغليف والعزل للبيبات
بالإضافة انه اغلب المقاولين ما يهتمون بمكان البيبات ... لازم تتثبت بشكل جيد وتكون معلقة على اسوار السطح وما تكون مقطوطه على الأرض
الشمس طول السنه حارة وهذا يساعد على خراب البيبات
ودمتم سالمين ...
التعديل الأخير تم بواسطة ashhal_q ; 07-06-2020 الساعة 03:40 PM
لا تحزن .. وتذكر ان من توكل على الله فهو حسبه
اذا ضاقت بك الدنيا فلا تقل :
يارب عندي هم كبير ...... ولكن قل: يا هم لي رب كبير
------------------------------------------------------------
"رَبِّ اجْعَلْنِي مُقِيمَ الصَّلاَةِ وَمِن ذُرِّيَّتِي رَبَّنَا وَتَقَبَّلْ دُعَاء"
ضوابط المشاركة
رد مع اقتباس