بيض الله وجهك نعم هذا الكلامالمشاركة الأصلية كتبت بواسطة ابو عبدالله.
مساكم بالخير
من وجهه نظري المفترض نشوف الوضع من كذا زاويه
اصابات القطرين هي الاقل بين الاصابات
نشرت احصائيه و تظهر ان جنسيات معينه مصابه بأضعاف اصابات القطريين. ايش معناها
انت لما تحط حواجز و نقاط دوريات و تقول لي روح البيت عشان صحتك
طيب و الباصات مالت العمال الي مضروبه مخفي ليش انضربت خلال فتره كورونا
تجمعات العمال ببعض الاماكن مثل الهايبر ماركت و البنوك و الكاش مشين
حتى مره شفت عمال وقود مال المغسله جالسين مع بعض بدون تباعد
في عمال بالكراجات و المحال ولا يعرفون شي اسمه تباعد
و كمامات قماش مش نفس الطبيه الي تمنع انتشار العطس او الفيروس عشان يستعملونها كل يوم للتوفير
مشكلتنا وين اذن
عندك اصابات بالالاف لكل جاليه و اقل شي القطريين
عندك قطريين نادرا ما يطلعون مقابل جاليات تعمل و تقارب بينهم و نشوفهم بعيوننا
اذن الجهود لازم تتركز على الاصابات الاعلى و قله التباعد الاجتماعي
شيل المخفي عن الباصات عشان الشرطه تشوف اذا صج نص المقاعد فاضيه مب كامل الباص متروس
دام هالنقاط موجوده لا ننتظر القطريين يلتزمون لاني شفت ناس كانت ملتزمه جدا و فقدت حس الالتزام مع هذه المظاهر الي حاصله
الجهود المبذوله ما ينكرها الا جاحد لكن مطلوب سد الثغرات
|
رد مع اقتباس