الحمد لله
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
الله يحفظ الجميع والكل يلتزم بالتباعد واللي يحس بوعكة ليروح يعدي غيره
اتمنى نرجع نصلي من غير اجراءات احترازية في قرب وقت يعني الحين رايح تصلي لله ولا تتعقد كمام سجادة خاصه تباعد غير قياس الحرارة مايسوى توقف طابور علشان تدخل بيت الله وعاد مع ارتفاع حرارة الجو بياخذ حرارتك بشوفها مرتفعه بقول لك انطر شوي وهل كل صلاة بيسوي هالجراءات مايسوى علينا انا اقول لو اخروا اللافتتاح لين شهر 7 افضل
ماني مصلي لين يقفون في الصف
كيف الدوام براحتك، كيف البنوك بكيفك.. اما الصلاة فعذرها منها وفيها وصفتها منها وفيها.. الصلاة بها الطريقة على مذهب وزير الاوقاف ولا وزير الصحة!
أبواب في كتب الفقه عن صفة الصلاة، ونهى النبي صلى الله عليه وسلم عن أمور أبسط من هذي في الصلاة منها الالتفات وافتراش اليدين في السجود و كان يسوي الصف بيده صلاة ربي وسلامه عليه.. اقوم انا اتابع صور ناشرتها الجهة الفلانية!
يا الربع عطوني عالم واحد معتبر افتى بجواز الصلاة بهذه الصورة.. انا ما سمعت ولا مر علي.
حياك الله يبو خميس، اظنك ما قرأت فتواهم؟ انا كنت انتظرها بفارغ الصبر (ويعلم الله إني مبطن سوء النية)، مع ذلك صدرت الفتوى بحرمة ذهاب مريض كورونا للصلوات.. فقط
.....
يعني يوم اغلقت المساجد (محد) ويوم افتتحت بصلاة مخالفة للسنة (محد).. تكلموا في نقطة ما فيها خلاف.. والواجب عليهم يتكلمون في نقاط الخلاف عشان يوضحون للناس، عموماََ وابراء للذمة انا جفت فتوى لجنة الافتاء بالمملكة في رسالة واتسب..يمكن تكون مختصرة مدري.. لكن خلني اقول لك يبو خميس ليش انا كنت مبيت النية؟ اولاََ لأن صار الأمر يصدر قبل الفتوى وعات لي شيخ من اللي موجودين يصدر فتوى تتعارض مع أوامر الدولة!
الحمدلله عدد المساجد جيد*