الحمد لله
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
الله يحفظ الجميع والكل يلتزم بالتباعد واللي يحس بوعكة ليروح يعدي غيره
اتمنى نرجع نصلي من غير اجراءات احترازية في قرب وقت يعني الحين رايح تصلي لله ولا تتعقد كمام سجادة خاصه تباعد غير قياس الحرارة مايسوى توقف طابور علشان تدخل بيت الله وعاد مع ارتفاع حرارة الجو بياخذ حرارتك بشوفها مرتفعه بقول لك انطر شوي وهل كل صلاة بيسوي هالجراءات مايسوى علينا انا اقول لو اخروا اللافتتاح لين شهر 7 افضل
ماني مصلي لين يقفون في الصف
كيف الدوام براحتك، كيف البنوك بكيفك.. اما الصلاة فعذرها منها وفيها وصفتها منها وفيها.. الصلاة بها الطريقة على مذهب وزير الاوقاف ولا وزير الصحة!
أبواب في كتب الفقه عن صفة الصلاة، ونهى النبي صلى الله عليه وسلم عن أمور أبسط من هذي في الصلاة منها الالتفات وافتراش اليدين في السجود و كان يسوي الصف بيده صلاة ربي وسلامه عليه.. اقوم انا اتابع صور ناشرتها الجهة الفلانية!
يا الربع عطوني عالم واحد معتبر افتى بجواز الصلاة بهذه الصورة.. انا ما سمعت ولا مر علي.
الحمدلله عدد المساجد جيد*
الحمدلله، والله يرفع عنا هذا البلاء، لكن أعتقد لو أخروا افتتاح المساجد شوي كان احسن.
يا اخ رايدر، الحين اللي فرض هو الله والله عفى وشرع الرخص هو الله سبحانه.
وخذ مثال لمريض يقدر يصوم لكن تتأثر الكلى عنده فقط للصيام عن الماء؟ الشرع قال يفطر ويطعم عن كل يوم مسكين، لكن تخيل يطلع شيخ مثل بعض المذاهب يقول يصوم عن كل شيء الا الماء عشان تلافي الضرر.
الحين الافطار والاطعام رخصة من الله (اللي فرض العبادة) واجر المعذور مثل اجر القايم بالعمل.
لكن الرخصة الثانية من شيخ، فمن اعطاه هالحق؟ محد.
الصلاة للعاجز عن القيام الجلوس .. ما يجوز له يصلي على جنب اذا كان يقدر على الجلوس.. فالمسألة بالترتيب من وضعية للي بعدها وليست بالاختيار.
صلاة الجماعة يتجنبها المسلم لعلتين (خوف عدو / مرض) واذا قال الناس ان العلنين اجتمعت في هذا الوباء .. فالله خفف عنهم مثل ما خفف عنهم وقت الأمطار.
هذي هي الرخصة الشرعية، اما ابتكار صفة صلاة تخيلوا انها ليست موجودة في كتب الفقه كلها من الف سنة لليوم، فالمسؤول هو من أمر الناس بها و الى الله المشتكى.
في الختام هناك أمور شرعية فيها خلاف وهناك امور فيها اجماع ، فاذا وجدنا فتوى جديدة في أمر مختلف فيه يهون الأمر عما لو كانت الفتوى الجديدة تخالف أمر عليه إجماع.
والفقير الى الله مجرد مسلم يبدي رأيه الذي يدين الله به وأنا أمام العالم وطالب العلم صفر ولا اتكلم لكن أمام طبيب ومهندس وموظف أوقاف يتكلمون في الشريعة ، لا والله من حقي اتكلم لأن اللي أمامي حالنا من حال بعض ونطبق الآية ( قل هاتوا برهانكم إن كنتم صادقين).
والله يسامحني ويعفو عني وعن كل مسلم أراد الحق فاخطأه لجهل او لشبهة